JAPANIYA 2
2
Judag Ceebio Tulug aoho Pw-hwwnam
1Hvnyw dooma bo gvdanga, hookumto lvkin gob,
vnwqb hookumto,
2Pvvb hog nyirab maatab
amp hvb aalv wleq maatab
At Swg wm gunam hvb haaxaqnamv noqg aoho haama taab,
At Swg haaxaqnam aalv
noqg aoho haama taab.
3Meegaqto At Swn, gvda soqg yanbo mwlwngv;
hiyv mwwg jvqtw bo gaml tal nyidwn;
meegaqto jvqtwngam; meegaqto yannam mam;
At Swg haaxaqde aalam
nam lokwn kvs dvb nyiyi nvpv.
4Hoqgab Gajangam haqpaq tayin,
hoo Askelonv vp cwkw gob nyitayin (yuupaq tayin);
Asdod nyiilungam aal lvpangam ruqlin tayin,
hoo Ekronnam bupaq tayin.
5Sa-svlo bviyoq ho doonbo tulu nulv mwwdwq dwqnka,
Keret nyookwg nyi tulu nulv!
At Swg gomcwrv nulam ceeko do,
Palistanwg nyook, Kanaan nga;
hoo ngo nulam akkam doom maab twryum tayin.
6Hoo sa-svlo bviyoq no nwmw dukumko nyookub nyitayin,
sviya kaanbo tulu gab miipap-talapv,
hoo sviya tulu gab sviya pvtwngv.
7Sa-svlo bviyoqkv Judag nam
hog boumnam gumn gob nyitayin,
hoqhv bulv tuun-meengam dvmtayin,
hoo Askelonwg nam tuluho
bulv ariyum mam doatayin.
Hoggab bulug Pwnbo At Sw bulam mwwpa keetayin
hoo bulam nvtaqnam mam nyidar mvdwn.
8“Ngo Moabg bej-beparnam mam tapa pakun
hoo Amon nyi tulug benyi-beya nammam,
hoggub ngoqg nyiilungam bulv bej-bepar pakun
hoo bulug nyook hoqgv bulv ceekol larnum.
9Hoqgab, ngo swwl doon bov,” nyiit At Sw bibwqnam,
Israelwg Pwnbo,
“Moabv Sodom hvb nyitayin,
hoo Ammon nyiilungv Gomorra hvb nyitayin,
hogloq nyook hv taa-haataq bvla al ung gumn gob nyidwn,
hoo nwrba gob niqtuq dookma.
Noqg boumnam nyiilungv bulam naareq-naaceq tayin,
hoo ngoqg nyookwg swwnbo tulungv bulam gumn pvvtayin.”
10Bulug larnam gab soq si bulug nvtaqnam gob hookur tayin,
hoggab nyiit At Swg nyiilungam
bulv ceekol bej-beparnv ho larnum.
11At Sw bulam vcjaqb ceeko tayin;
ho swcw soqg mwlw asaq pwnboam mwv niipaq mvtayin hoo mwam pvxwl xumtayin,
hoqg nyook mwlwho,
hoo nyob nyi asaq nyook mwlw hookam.
12Kus nyi tulunga, nulam kam, ngoqg lyoqr orioqkv meng tayin.
13Hoo mwv sudumb mwwg alaqkv ceekol yvmjin tayin hoo Assiriyangam twrtayin,
hoo diixa-rara pwtw rwbwbo hvb mwv Nenibingam niqtuq dooma dvb mvtayin.
14Mwnwg pengko ho tuun-mee tulungv kartayin,
hoolu luuxy svdinv;
pvta pupv la kvvnyi-tornam svdinv mwnwg rvviyw uraho doogw tayin;
pupum hoqgv sogoqnam yalv dulin tayin;
viyap dwqtam ho twryum nammv nyitayin;
ho mwnwg sidar hoqgv bonam nyinamv asarb dootayin.
15Soq bopam si cumciqb
hwrcwb doonum,
ho mwnwg hang ura lo benum,
“Ngo twq, hoo tolo asaq akkam dooma.”
Hoggub yu mwn niqtuq dooma boam nyipa kun,
nyoro svdin tulu gab xaalyo bo gob nyinam!
vxiv hiyv hoqb (mwnwg dookub) wpeq bov
mwwg alaqkam yumt kwrwq tvl xiixuml hoo hwqdinam.
Currently Selected:
JAPANIYA 2: NYISBSI
Highlight
Share
Copy
Want to have your highlights saved across all your devices? Sign up or sign in
Nyishi Bible - DVRWQ PVVB
Copyright © 2015 by The Bible Society of India
Used by permission. All rights reserved worldwide.
