MALAKI 2
2
At Sw Nyub tulungam Yolu-Ruqnam
1“Hoo nyub tulunga, soq gaml si nulgab. 2Nulv sam tama bvnyiloqkam, nulug hangv nvvrwql ngoqg eminam xima bvnyiloqkam, nyiit At Sw bedo, ngo nulug aoho beenam mam kanam tayin hoo nulug lvqc cinam mam beetayin. Vv ngo bulam beexo lopa kun, hoggab nulug hang lo hoqham pvvma ko-gab. 3Kaato, ngo nulug ko hosiqkam yolu ruqtayin, hoo nulam la nulug ko hosiq tulug nyuqm ho eengam neelyaq tayin, hoo ham nulv baqtwl wtayin. 4Ho nulv soq gaml sam ngo kanam pan hvl cengtayin, ho Lebi lvgab ngoqg birnamv dooi nvpv, nyiit At Sw bedo.
5Ngoqg birnamv mwwg lvgab doonam si swwgv la swrsongv, hoo hoq tulu ham mwam ngo jinum. Hoqhv bos dvb bir kunamv, hoo mwv ngam bosnum. Mwv ngoqg eminam bosil daqnum. 6Jvqtw tomswrnamv mwwg agam lo doonum, hoo mwwg nvbcwr lo bimurnam doomanam. Mwv ngoqg lvgab swrso bvla jvqtw lvgab wnum, hoo mwv nyixaq hoqgv vigo wkur mvknum. 7Hoggab nyub tulug nvbcwrv cenglaqkam rvkil doog yintba, hoo nyiilungv mwwg agam hoqg tomswrnam mam meegaq yvnbo, hoggab mwv nyiit At Swg pui baqnbov. 8Hvbmabde nulv lamta bviywr yaab wpa ku. Nulug tomswrnam hoqgv, nulv vigo bimurl dwqtup mvpa ku. Nulv Lebig birnam mam vigo nyiwq-nyito paku, nyiit At Sw bedo, 9hoo nulam ngo nyi mwlwg agaho haqpaql hoo hvnyw mvnum, hwdlo nagub nulv ngoqg lamtangam pvvma deedib, hvbmabde nulug tomswrko ho mwwswnam mam kaakin do.”
Judangv Birnam mam Kac dvb Mvnam
10Ngul mwlwngv ab akin gvma yv? Pwnbo akinv ngulam pwma pan yv? Hvnyiloq hoggab ngulv akwn-akwn dengkib nyima dvn, ngulug ab tulug birnam mam kacdvb mudu dvn? 11Judangv mwwjw keek ma, hoo Jerusalem uraho Israelv bulum-kacnam mam nyipa ku. Hoggab Judangv At Swg Dvrwqbo Namlongam kacdvb mvpa ku hogloq ham mwv aby dvn, hoo nyoodo pwnboam xumn bo nyem koam nyem naapa ku. 12At Sw Jakubg doogwngam mvpaq gvnka, hiyig nyi ko hosiqkv sam nyitayin, hiyv nyiit At Swn aky baqa jidwn!
13Hoo soq si pagoq goqnyi dvb nulug nyinamv. At Swg yugwngam, nulug sigin ginl nyiqs-tanap xabnam lvgab bilwqpa, hoggab mwv nulug alaq hoqgv mwwsw kodwb aky jinam mam loorwq kuma. 14Hvbmabde nulv bedo, “Hoggab mwv loorwq maadwn?” Hoggab At Sw nam la noqg yaapa yuk ho nywxw pengko ho hvvkib nyinum, mwn noqg ajin jimbw bvla noqg birnam nywxw swwm tvlajaqkam hiyam no nyixin pakun. 15Mwv bulam akin gob mvmanam yv, bulug yalam akin dvb mvmanam yv? Hoo hognvk akam Pwnbov meegaqdvn yv? Pwnbog hosiqkam. Hoqgab nulv atv atwg yalam rvky to, hoo nulv akkam nulug nyijwr-yaapa yuk ho nywxw-nyol naanam mam nyixin maabv. 16“Hoggab Israelwg Pwnbo At Sw bedo, hiyv nyegangv mwwg nywxwngam aby maadwn hv mwnwn tumin sudwn, nyega akv mwwg vjam yolu swcin lvgab tomlup dvn, nyiit At Sw bedo. Hoqgab nulv atv atwg yalam rvky to hoo mwwjw minsmab nyimabv.”
At Sw gab Pui Baqnbo
17Nulug gomcwr tulu hoqgv At Swn nulv mwwdwq mvpa ku. Hvbmabde nulv bedo, “Hoggub jaq ngulv mwam mwwdwq mvpa pan?” Hvl bejoywl, “Nyi vxiv alman boam nyidwn hv At Swg kaaga lo aldvn, hoo bulam mwv kvvlwqdvn.” Ho hvl toxdo, “Jvqtwb Pwnbo akv hoglo yu?”
Currently Selected:
MALAKI 2: NYISBSI
Highlight
Share
Copy
Want to have your highlights saved across all your devices? Sign up or sign in
Nyishi Bible - DVRWQ PVVB
Copyright © 2015 by The Bible Society of India
Used by permission. All rights reserved worldwide.
