MALAKI 1
1
1Israelam At Swg gamt tonam gomcwrv Malakig lvgab haanum.
Israel gab At Swg Abynam
2“Ngo nulam aby pakun,” At Sw bedo. Hvbmabde nulv bedo, “No ngulam hoggab aby pakun?” “Esu Jakubg vbw maai yv?” At Sw bibwqdo. “Hvbsujaqkam ngo Jakubnvn aby pakun 3hvbmabde Esunvn ngo oyum pakun. Ngo mwwg diisw nyookam dooxa dvb mvpa kun hoo mwwg nvmcw dookam svca soomin ko diixa-rara gob mvpa kun.” 4Idomv hvl bebnyiloqkam, “Ngulv yaqpia-yaqya paku hvbmabde ngulv mvpia-mviyanam mam mvdar tayin,” nyiit At Sw bedo, “Bulv mvdar sujaqkam, hvbmabde ngo damyaq lotayin, hoo bulam nyic-nyiabo nyook gob goqtayin; hoo ‘At Sw nyiilungam nwrba gob haaxaq dvn.’” 5Nulug atwg vnyiqkv soq sam kaatayin, hoo nulv betayin, “Israelwg gvda vrr lvvg nagub At Sw koido!”
Nyub tulungv Akiam Muburnam
6“Ko tuup akv mwwg abam xidwn, hoo nyera akv at akam xidwn. Ho nyiloqkam ngo abvk hvl ngam xinamv hoglo? Hoo ngo at akv hvl ngam bosnamv hoglo? Nyiit At Sw nulam bedo, nyub tulunga, hiyv ngoqg eminam haqpaq dvn. Hvbmabde nulv bedo, ‘Ngulv hoggub noqg eminam haqpaqnum?’ 7Ngoqg yugw ho dvs-twws akiam muburnum. Hvbmabde nulv bedo, ngulv hoggub nam kacdvb mvnum?’ Sam bejo ywl At Swg tebolam haqpaq dvb nyiknum. 8Hwdlo nulv nyiqca bo svdinam pwr jiyin, hv aldvn yv? Hoo hwdlo nulv lukum-laqca boam la any maanboam aky jiyin, hv aldvn yv? Ham nulug nyiit radam jika to; mwv nulam loorwql ho nulam mwwsw ywba dw? Nyiit At Sw bedo. 9Hoo sija At Swn mwwsw kodwb nyito, ho mwv ngulam anya mwwpa kamyi nvpv? Nulug alaq hoqg hvkwg lvqc cinamv nulam hiyam jaqkam mwwg mwwswnam mam kaakin tai nvi yv? Nyiit At Sw bedo. 10Nulug pengko hoqgv akgon yabgam ciqtum tan, ho niqtuq doomab nulv ngoqg yugw ho wm rwgab ram! Ngo nulug aoho hemp mwwpa ma, nyiit At Sw bedo, hoo nulug alaq hoqgv aky jinam mam ngo loorwqram. 11Hoggab dou-caga hoqgv haaga nagub nyob asaq pengko lo ngoqg eminv koi tayin, hoo nyook mwlwho dvrwqbo akiam la sulum mwmwqnam akiam jitayin. Hoggab nyob asaq pengko ho ngoqg eminv koi tayin, nyiit At Sw bedo. 12Hvbmabde nulv ham kacdvb mvnam hwdlo nulv begamv At Swg Tebol lvla hoqho aaxy doon bov kac do, hoqho doonbo dvs-twwsv kac do. 13Hvbmabde nulv bedo, ‘Soq agar si hoggv yu, hoo hoqham nulv svqyi-saqca do, nyiit At Sw bedo. Nulv yolu-swcin dul naaknam mam, hoo lukum-laqca boam, ho any maanboam bwa do, hoo hoq tulu ham nulv akib bwado! Ham ngo nulug alaq hoqgv loorwq tai nvi yv? At Sw bedo. 14Dingrwl sviya yaap jwwtw boam jitan hvpel jimab mvvn boam beenum, hoggab At Swn siram tanboam pwr jidwn. Hoggab nyiit At Sw bedo, ngo koibo lvpw atv, hoo nyob asaqg pengko ho ngoqg eminam bos tayin.
Currently Selected:
MALAKI 1: NYISBSI
Highlight
Share
Copy
Want to have your highlights saved across all your devices? Sign up or sign in
Nyishi Bible - DVRWQ PVVB
Copyright © 2015 by The Bible Society of India
Used by permission. All rights reserved worldwide.