BEGGAR 10

Noag Hotam hoqgv Nyob Hoolu

1Soq tulu si Noag ko tuup tulug hotamv, Sem, Ham, hoo Japet. Sa-hindu hengxo kokw so bulam ko tuupv vigo bwwnum.

2‍Japet gv ko tuupv: Gomer, Magog, Madai, Jaban, Tubal Mesek, hoo Tiras. 3‍Gomerwg ko tuupv: Askenaj, Ripat, hoo Togarma. 4‍Jabanwg ko tuupv: Elisa, Tarsis, Kittim, hoo Dodanim. 5‍Soq nyiilu soqgv soiyoq daiyag gvdaho pumgaql doonum, bulug nyob tuluho, bulug hoolu tuluho, vx-cwrv mwwg atwg agam goa ak goonum.

6‍Hamwg ko tuupv: Kus, Ijipt, Put, hoo Kanaan. 7‍Kuswg ko tuupv: Seba, Habila, Sabta, Raama, hoo Sabteka. Raamag ko tuupv: Seba la Dedan. 8‍Kus Nimrodwg abwb nyiknum; mwv swcw nvg aoso otuqcob atorbo nyi akgob nyinum. 9‍Mwv At Swg agaho koi jaqb tumr-xiram palaqbo akwb nyinum. Hoqgab soq sib benum, “At Swg agaho Nimrod hvb koi jaqb tumr-xiram palaqto.” 10‍Mwwg lvpw-hativ nyirab yukho Bebel, Erek, Akkad, hoo Kalne, Sinar gvdaho doonum. 11‍Hoq gvda hoqgv mwv Assiriya urab haanum hoo Nenibingam, Rehobot-Ir, Kalangam mvnum, hoo 12‍Nenibi gvla Kala pengko ho Resenam mvnum; hoqhv koibo bopam gob nyinum. 13‍Ijipt Ludim, Anamim Lehabim, Naptuhimwg abwb nyiknum, 14‍Patrusim, Kasluhim, (hoqgv Palistanv lengnum) hoo Kaptorim.

15‍Kanaanwg kov Sidon, vbw cociqkv, hoo Het, 16‍hoo Jebus nyi tulungv, Amor nyi tulungv, Girgas nyi tulungv, 17‍Hibait nyi tulungv, Arkait nyi tulungv, Sinait nyi tulungv 18‍Arbad nyi tulungv, Jemar nyi tulungv, hoo Hamat nyi tulungv. Kokw so Kanaan nyi tulug nyobv peemw kunum. 19‍Hoo Kanaan nyi tulug gvdangv Sidon daiya hoqgv naalayil Gerar Gaja ogum namgub, hoo taqcgon hoqgv Sodom, Gomorra, Adma, hoo Jeboiim hoqgv naalayil Lasa ogum namgub lywtanum. 20‍Soq tulu si Hamwg ko tuup tulungv, bulug nyobv, bulug agam goangv, bulug gvdangv, hoo bulug hoolungv.

21‍Sem Japet gv vbw hv Eber gv abwb nyiknum, kongv vigo doonum. 22‍Sem gv ko tuup tulungv: Elam, Assur, Arpaksad, Lud, hoo Aram. 23‍Aram gv ko tuup tulungv: Uj, Hul, Geter, hoo Mas. 24‍Arpaksad Selag abwb nyiknum; hoo Sela Eber gv abwb nyiknum. 25‍Eber ko tuup vnyi go doonum: otuq ak hoqg eminv Peleg, hoggab mwwg moodho gvda soq nyiingam mvpin-mvranum, hoo mwwg bor hoqg eminv Joktan. 26‍Joktan gv hotamv, Almodad, Selep, Hajarmabet, Jera, 27‍Hadoram, Ujal, Dikla, 28‍Obal, Abimael, Seba, 29‍Opir, Habila, hoo Jobab; soq tulu si Joktan gv ko tuupv. 30‍Bulug dook gvdangv Mesa hoqgv naalayil Separg diisw gvdag dou-caga namgub lywtanum. 31‍Soq tulu si Semwg ko tuupv, bulug nyobv, bulug agam goangv, bulug gvdangv, hoo bulug hoolungv.

32‍Soq tulu si Noag ko tuup tulug nyobv, bulug hotam tulungv, bulug hoolungv, hoo soq hoolu soqgv sa-hindu hengxo kokw so, swcw nvg aoso nyia kov nyiigo goolinum.

Currently Selected:

BEGGAR 10: NYISBSI

Highlight

Copy