Psalms 46
46
psalm XLVI (1–5).
Tuin: Stroudwater
1A bield fu’ stieve to us God is,
In mids’ o’ tribble near;
2Sae, free o’ dreid oor herts we’ll haud,
Gin a’ the yirth sood steer.
3Gin hills be cuisten in the sea,
And rushin’ waters roar;
And gin the heighest hills sood quake
The risin’ fludes afore.
4But there’s a burn, that gledsome wins
Athing the brugh o’ God —
The haudin’ heale, that He abune
Has waled for His abode.
5God in her hert has set His hame,
Sae skaithless sal she bide;
Lang or the blink o’ day has daw’d,
He sal her weel betyde.
Currently Selected:
Psalms 46: SCOMP
Highlight
Share
Copy
Want to have your highlights saved across all your devices? Sign up or sign in
Metrical Psalms in Braid Scots, translated by Rev. T. T. Alexander published in 1928. This text is maintained by MissionAssist.
