Salmos 98
98
Tojʌch Dios
1C'ʌyinla lac Yum. C'ʌyibenla tsiji' bʌ c'ay
Come tsi' pʌsʌ i yejtal tac i p'ʌtʌlel.
Ti ch'ujul bʌ i p'ʌtʌlel tsa'ix mʌjli i cha'an.
2Lac Yum tsi' yʌc'ʌ i bʌ ti cʌjñel che' bʌ tsi' coltayonla.
Tsi' tsictesa toj bʌ i pusic'al ti' tojlel pejtel winicob x'ixicob.
3Tsa'ix i c'ajtesa jini albil bʌ i t'an ti' yutslel i pusic'al.
Tsa'ix i pʌsbeyob israelob i xuc'tilel i pusic'al.
Winicob año' bʌ ti ñajt bʌ pañimil tsa'ix i q'ueleyob i ye'tel Dios ti coltaya.
4Winicob x'ixicob ti pejtelel pañimil, yom tijicña la' pusic'al.
Cha'lenla tijicña bʌ c'ay. C'ʌyibenla i ñuclel.
5Ñijcanla música ti arpa che' mi la' c'ʌyiben salmo tac lac Yum.
6Yic'ot i t'an trompeta yic'ot i t'an corneta
Yom tijicña mi la' ch'ujutesan lac Yum, jini Rey.
7La' i cha'len c'am bʌ t'an jini colem ñajb yic'ot chuqui tac an ti ñajb,
Jini pañimil ja'el yic'ot pejtelel wʌ' bʌ chumulob.
8Yom tijicña jini colem ja' che' bajche' winicob mu' bʌ i jats'ob i c'ʌb.
Yom laj tijicña jini wits ti' tojlel lac Yum.
9Come tal lac Yum i mel pejtel año' bʌ ti pañimil.
Mach jelchoquic mi caj i melob.
Currently Selected:
Salmos 98: CTU77
Highlight
Share
Copy
Want to have your highlights saved across all your devices? Sign up or sign in
Chol de Tumbalá Bible © Bible Society of Mexico, 1977. Active Translation in Process
