Salmos 97
97
I yumʌntel lac Yum
1Lac Yum woli ti yumʌntel. Yom tijicña jini año' bʌ ti pañimil yic'ot año' bʌ ti' ti' colem ñajb.
2Ti' joytilel lac Yum an tocal yic'ot ic'yoch'an bʌ pañimil.
Xuc'ul mi' yajñel ti' buchlib cha'an yujil meloñel ti isujm.
Toj mi' mel i ye'tel.
3Mi' loq'uel c'ajc ti' tojlel,
Mi' jisan i contrajob año' bʌ ti' joytilel.
4Mi' choc majlel chajc mu' bʌ i sʌq'uesan pañimil.
Tsiltsilñayob mi' q'uelob jini año' bʌ ti pañimil.
5Jini wits mi' yulmʌl che' bajche' ñichim ti' tojlel lac Yum.
I Yumch pejtel pañimil.
6Tsiquil ti panchan toj lac Yum.
Mi' q'uelbeñob i ñuclel lac Yum ti pejtelel pañimil.
7Mi' cajelob ti quisin pejtel mu' bʌ i ch'ujutesañob dioste' tac,
Mu' bʌ i lon chañ'esañob i bʌ cha'an dioste' tac mach bʌ anic i c'ʌjñibal.
La' i pʌcchocoñob i bʌ ti' tojel i yoc Dios pejtel diosob.
8Tijicñayob jini año' bʌ ti Sion yic'ot ti' tejclum tac Judá cha'an toj a meloñel, c Yum.
9Come jatet, c Yum, wen ñuquet, c'uxbibilet.
Mach ñucobic jini ñuco' bʌ ti pañimil yic'ot pejtelel i diosob.
10Jatetla mu' bʌ la' c'uxbin lac Yum, ts'a'lenla jontolil.
Lac Yum mi' cʌntan i cha'año' bʌ.
Mi' pʌyob loq'uel ti' p'ʌtʌlel jini jontolo' bʌ.
11Mi' sʌc'an majlel i bijlel jini toj bʌ.
Mi' yʌq'uentel i tijicñʌyel jini toj bʌ i pusic'al.
12Jatetla tojet bʌ la, yom tijicña la' pusic'al ti lac Yum jini ch'ujul bʌ Dios.
Subenla wocolix i yʌlʌ lac Yum.
Currently Selected:
Salmos 97: CTU77
Highlight
Share
Copy
Want to have your highlights saved across all your devices? Sign up or sign in
Chol de Tumbalá Bible © Bible Society of Mexico, 1977. Active Translation in Process
