Salmos 101
101
Uts'at mi caj i yajñel
1C Yum, mi caj c cha'len c'ay cha'an uts a pusic'al. Toj a meloñel.
Mi caj c cha'len c'ay ti a tojlel, c Yum.
2Com c cha'len xʌmbal che' bajche' a wom.
¿Baqui ora mi caj a tilel a coltañon?
Mi caj c mel che' bajche' yom ti' tojlel c pi'ʌlob ti cotot.
3Mach comic c jac' c pʌyol ti mulil.
Ts'a' mij q'uelben i melbal jini xjontolil
Ma'anic mi caj c tsajcan.
4Ma'anic mi caj cʌc' c bʌ ti sojquel.
Ma'anic mi caj c ñop jontolil.
5Mi caj c tic' jini mu' bʌ i lon jop'ben i mul i pi'ʌl ti chumtʌl.
Ma'anic mi caj j cuchben jini mu' bʌ i chañ'esan i bʌ, mu' bʌ i q'uel i bʌ ti ñuc.
6Mic p'is tic wenta pejtel xuc'ulo' bʌ tic lumal. Temel mi yajñelob quic'ot.
Jini mu' bʌ i cha'len xʌmbal ti toj bʌ bij mi caj cotsan ti x'e'tel c cha'an.
7Ma'anic mi' caj ti chumtʌl ti cotot jini mu' bʌ i lotin i pi'ʌlob.
Ma'anic mi caj i yajñel ba' añon jini mu' bʌ i cha'len lot.
8Mi caj c chʌn tic' jini xjontolilob año' bʌ tic wenta
Cha'an mic chocob loq'uel ti' tejclum lac Yum.
Currently Selected:
Salmos 101: CTU77
Highlight
Share
Copy
Want to have your highlights saved across all your devices? Sign up or sign in
Chol de Tumbalá Bible © Bible Society of Mexico, 1977. Active Translation in Process
