Salmos 100
100
Yom lac suben Dios wocolix i yʌlʌ
1Winicob x'ixicob ti pejtelel pañimil yom tijicña mi la' cha'len t'an ti' tojlel lac Yum.
2Melbenla i ye'tel lac Yum ti' tijicñʌyel la' pusic'al.
Cha'lenla c'ay che' mi la' wochel ti' tojlel lac Yum.
3Ña'tanla Diosʌch jini lac Yum.
Jini tsi' meleyonla, i cha'añonla.
I winiconla, i tiñʌme'onla mu' bʌ i cʌntan.
4Ochenla ti' ti' tac i yotot lac Yum. Subenla wocolix i yʌlʌ.
Subenla i ñuclel che' mi la' c'otel ti' pam i yotot.
Subenla wocolix i yʌlʌ. Ch'ujutesanla i c'aba'.
5Come uts'at lac Yum. Mi caj i yajñel i yutslel i pusic'al ti pejtelel ora.
Mi caj i pʌsbenob i xuc'tilel i pusic'al la calobilob ti lajm ti lajm.
Currently Selected:
Salmos 100: CTU77
Highlight
Share
Copy
Want to have your highlights saved across all your devices? Sign up or sign in
Chol de Tumbalá Bible © Bible Society of Mexico, 1977. Active Translation in Process
