Jeemsi 3

Kristiɛn min’ o zilinli yɛla

1M mabihi, di bi simdi ni yi ni niriba pam bɔri ni yi niŋ karimbanima, dama yi mi ni tinim’ bɛn nyɛ karimbanim’ ni ti nya saria karibu gari sokam. 2Ti zaa chirindi pam, ka so yi bi chirim o yɛtɔɣa puuni, dilan’ nyɛla ŋun biɛhigu be dɛde, ka lan nyɛ ŋun mali yiko din ni tooi gbib’ o niŋgbuŋ zaa. 3Ti zaŋdi galigɛnima n-lɛri yuri ni bɛ tum ti yubu, ka ti ŋmaligiri bɛ niŋgbuŋ zaa kpari ti ni bɔri shɛli polo. 4Lihimiya ŋarima gba: Di ni nyɛ zaɣ’ kara ka pɔhim din mali kpiɔŋ ʒiɛri li n-chani la zaa yoli, dabihi shɛŋa din lo di nyoya ni n-nyɛ din ŋmaligiri li kpari ŋun duhiri li ni bɔri shɛli polo. 5Lala n-nyɛ zilinli gba: di nyɛla din pɔra, amaa ka nyɛ din nyuri bara yɛri yɛl’ kara.

Lihimiya buɣim biɛla ni yi taai tibɔŋ ni n-di li shɛm! 6Zilinli ŋmanila buɣim. Zilinli lan ŋmanila dunia ŋɔ yɛl’ biɛri m-be ti niŋgbuna yaɣa ni n-tari ti niŋgbuna maa zaa daɣiri, ka zaŋdi buɣim n-juuri ti dunia ŋɔ biɛhigu, ka buɣim din bi kpiri la mi taari li. 7Biŋkɔbigu kam mini noonsi ni biŋgbamda ni binnɛma zaa bɛn be teeku ni nyɛla ninsal’ ni ni tooi maai shɛb’ nina hal ka pun maai li gba, 8amaa ninsal’ ku tooi maai zilinli nini. Di nyɛla din bi saɣi ni so su li, ka lan nyɛ lɔɣu ni pali shɛl’ ni! 9#Pil 1.26 Dina ka ti mali paɣiri ti Duuma ŋun nyɛ ti Ba la, ka lan mal’ li turi ninsalinim’ bɛn nyɛ Naawuni ni nam shɛba ŋ-ŋmahind’ omaŋ’ la. 10Naŋgban’ yini maa ni ka alibarika niŋbu mini turi zaa yirina. M mabihi, di bi niŋ kamaata ni di nyɛ lala! 11Kɔbil’ nin’ yini ni tooi bilisi ko’ nyaɣisili mini ko’ lɔŋolɔŋɔ? 12M mabihi, fiig tia ni tooi wali olivi tia wala bee gaa ni tooi wali fiig tia wala? Lala ka ko’ nyaɣisili ku tooi yi ko’ lɔŋolɔŋɔ ni na.

Yɛm din yiri alizanda ni na

13Ŋuni n-lee be yi ni n-nyɛ yɛndana ni baŋda? Di simdi ni o zaŋ o biɛrisuntali n-wuh’ o tuma ni nyɛ shɛm tarimtali yɛm puuni. 14Amaa yi yi mali nyuli zabbu din yiri putɔɣu ni na mini diribarilim tɛha yi suhuri ni, yin’ miriya ka yi nyuri bara, ka leei bɛn chihiri din nyɛ yɛlimaŋli. 15Yɛm ŋɔ tatabo bi yirila alizanda ni na, amaa di nyɛla dunia ŋɔ mini daadamtali biɛhigu ni Sintani dini. 16Ka nyuli zabbu mini diribarilim tɛha ni be shɛli, nimaani ka chirachira mini tuumbiɛri balibu kam tumbu be. 17Amaa yɛm din yiri alizanda ni na nyɛla alali, ka din pahi di zuɣu nyɛla din kpaŋsiri suhudoo mini biɛribaalimtali, ka nyɛ din deeri wuhibu, ka lan nyɛ din pali nambɔzɔbo mini tuun’ suma, ka mali ʒiɛyimtali ka ka bilikɔnsi baabiɛla. 18Sandaantimdiba bɛn biri bimbira ni suhudoo ni ti kpuɣila atam din nyɛ wuntia.

Currently Selected:

Jeemsi 3: DBwDB

Highlight

Copy