Popular Bible Verses from Jeemsi 3

Share

Amaa yɛm din yiri alizanda ni na nyɛla alali, ka din pahi di zuɣu nyɛla din kpaŋsiri suhudoo mini biɛribaalimtali, ka nyɛ din deeri wuhibu, ka lan nyɛ din pali nambɔzɔbo mini tuun’ suma, ka mali ʒiɛyimtali ka ka bilikɔnsi baabiɛla.

Ŋuni n-lee be yi ni n-nyɛ yɛndana ni baŋda? Di simdi ni o zaŋ o biɛrisuntali n-wuh’ o tuma ni nyɛ shɛm tarimtali yɛm puuni.

Sandaantimdiba bɛn biri bimbira ni suhudoo ni ti kpuɣila atam din nyɛ wuntia.

Ka nyuli zabbu mini diribarilim tɛha ni be shɛli, nimaani ka chirachira mini tuumbiɛri balibu kam tumbu be.

Dina ka ti mali paɣiri ti Duuma ŋun nyɛ ti Ba la, ka lan mal’ li turi ninsalinim’ bɛn nyɛ Naawuni ni nam shɛba ŋ-ŋmahind’ omaŋ’ la. Naŋgban’ yini maa ni ka alibarika niŋbu mini turi zaa yirina. M mabihi, di bi niŋ kamaata ni di nyɛ lala!

Zilinli ŋmanila buɣim. Zilinli lan ŋmanila dunia ŋɔ yɛl’ biɛri m-be ti niŋgbuna yaɣa ni n-tari ti niŋgbuna maa zaa daɣiri, ka zaŋdi buɣim n-juuri ti dunia ŋɔ biɛhigu, ka buɣim din bi kpiri la mi taari li.

amaa ninsal’ ku tooi maai zilinli nini. Di nyɛla din bi saɣi ni so su li, ka lan nyɛ lɔɣu ni pali shɛl’ ni!

M mabihi, di bi simdi ni yi ni niriba pam bɔri ni yi niŋ karimbanima, dama yi mi ni tinim’ bɛn nyɛ karimbanim’ ni ti nya saria karibu gari sokam.