Popular Bible Verses from Jeemsi 4

Share

Dinzuɣu zaŋmiya yimaŋ’ ti Naawuni. Zaɣisimiya Sintani, ka o zo ka chɛn ya.

Vumiya miri Naawuni, ka o mi vu m-miri ya. Yinim’ alahichinim’ ŋɔ, paɣimiya yi nuhi; yinim’ tɛhaayiyinim’ ŋɔ, malimiya yi suhuri ka di be kasi.

Siɣisimiya yimaŋ’ ti Duuma sani, ka o duhi ya.

Ka Naawuni ni niŋdi anfaan’ shɛli niŋdi ti ni galisiya pam; dinzuɣu ka Naawuni Kundi yɛli, “Naawuni zaɣisiri karimbaannima, amaa ka lee niŋdi anfaani niŋdi bɛn siɣisiri bɛmaŋ’ ni.”

Dinzuɣu ŋunkam mi zaɣ’ suŋ tumbu ka bi tum li, di nyɛla alahichi o sani.

Ka yi mi yi suhi li, yi bi nyari li, dama yi tɛha bi tuhi lala niŋbu ni; yi suhirila binshɛŋa yi ni yɛn zaŋ tum yimaŋmaŋ’ niŋgbuŋ kɔre nyaɣisim tuma.

Yi bemi kaman yidaampaɣ’ shɛb’ bɛn niŋdi zina! Yi bi mi ni ŋun zaŋ omaŋ’ leei dunia ŋɔ zo nyɛla Naawuni dima? Dinzuɣu ŋunkam bɔri ni o zaŋ omaŋ’ leei dunia ŋɔ zo, dilana zaŋ omaŋ’ leela Naawuni dima.

Yi nyɛla bɛn bi mi din sa yɛn niŋ yi nyɛviya biɛɣuni; dama yi ŋmanila paɣili din yi kpe, ka di bi yuui ka di lan yi la.