Popular Bible Verses from Jeemsi 2

Share

Lala n-nyɛ yɛda niŋbu kɔŋko gba, di yi bi tumdi tuma, di nyɛla yɛda kpiŋ.

Dinzuɣu shia ni ka niŋgbun shɛl’ ni ni nyɛ niŋgbuŋ kpiŋ shɛm la, lala ka yɛda niŋbu din bi tumdi tuma gba nyɛ yɛda kpiŋ.

M mabihi, so yi yɛli ni o mali yɛda, amaa ka di bi tumdi tuma, di buchi lee nyɛla dini? Yɛda niŋbu ŋɔ tatabo ni tooi tilig’ o?

A niŋ yɛda ni Naawuni yino ko m-beni. Lala tuhiya! Hal alizin’ biɛri gba niŋdi yɛda lala, ka zɔri dabiɛm.

Amaa so ni yɛli, “A malila yɛda, ka m mi mali tuma.” N gba ni yɛli, “Wuhim’ ma a yɛda niŋbu din bi tumdi tuma maa, ka m mi wuh’ a n yɛda niŋbu n tuma tumbu puuni.”

Ninvuɣ’ so ŋun bi zɔri nambɔɣu ti ku nya nambɔzɔbo saria karibu puuni; amaa ŋun zɔri nambɔɣu ni ti di nasara saria karibu puuni.

Yi nya nir’ ni yiri taali ni Naawuni sani o tuma tumbu zuɣu shɛm, ka pa ni o yɛda niŋbu kɔŋko zuɣu.

A bi nya ka di nyɛla o yɛda niŋbu min’ o tuma tumbu n-daa laɣim tum lala maa? Ka o yɛda niŋbu daa niŋ dɛde la o tuma tumbu puuni.