Popular Bible Verses from Jeemsi 1

Share

M mabihi, yi yi ti nya zahimbu balibu kam, yin’ maliya suhupiɛlli di puuni, dama yi mi ni buɣisibu shɛli din buɣisiri yi yɛda niŋbu chɛmi ka yi niŋdi ania.

Ka yɛm yi pooi yi ni so, ŋun’ suhimi Naawuni ka o ti o li; dama Naawuni nyɛla ŋun tiri sokam ka di galisira, ka bi nyari so taali di puuni.

M mabiyurisi, teemiya dimbɔŋɔ. Di simdi ni sokam wumdi yomyom, ka gbaam’ omaŋa o yɛtɔɣa tɔɣisibu ni, ka mi di jɛri suli yomyom

Chɛliya ka yi daania niŋbu maa niŋ pali, ka di chɛ ka yi bi niriba ka ba n-zani shɛlikam zaa puuni, ka ku kɔŋ shɛli.

Amaa leemiyala bɛn tumdi yɛligu maa ni wuhi shɛm, ka pa ni bɛn yɔhim bɛmaŋ’ wumdila di ni yɛli shɛm kɔŋko.

Ninvuɣ’ so ŋun niŋ ania zahimbu puuni mal’ alibarika, dama zahimbu maa yi buɣis’ o ka o nyaŋ li, o ni ti nya laara din nyɛ nyɛvil’ shɛli Naawuni ni zaŋ lo bɛn yur’ o alikauli la.

Pin’ suma mini pina din be tibi zaa yirila Naawuni ŋun nam alizanda mini neesim, ka nyɛ ŋun ka taɣibu, ka mi ka shilinshia din limsiri neesim maa la sanna.

Dama so yi’ nyɛla ŋun wumdila yɛligu maa kɔŋko, ka pa ŋun tumdi di ni wuhi shɛm, o ŋmanila ninvuɣ’ so ŋun lihi diɣi ni n-nya o ninni m-baŋ omaŋmaŋ’ nama biɛhigu ni nyɛ shɛm, ka ŋmaligi chaŋ ha ka lan tam o ni lihi nya omaŋ’ shɛm maa kɔtomsi.

Adiini alali din nyɛ din ka galimi ti Ba Naawuni sani nyɛla kpibisi mini pakoya lihibu bɛ wahala ni mini maŋgbaabu zaŋ chaŋ dunia ŋɔ yɛliniŋda din gabisiri niriba la polo.

Ka so yi ti nya zahimbu, ŋun’ miri ka o yɛli ni Naawuni n-zahim o, dama zahimbu din ni chɛ ka nir’ tum zaɣ’ biɛɣu ku tooi zahim Naawuni, ka ŋun’ Naawuni mi ku zahim so lala. Amaa nir’ nyari zahimbu din ni chɛ ka o tum zaɣ’ biɛɣu la omaŋmaŋ’ kɔr’ biɛri yi ti voog’ o kpɛhi di ni n-gbaag’ o kaman tɔŋ la.

Di simdi ni ti mabi’ so ŋun nyɛ faralana ka Naawuni duh’ o mali suhupiɛlli