Malaki 3
3
1 #
Mat 11.10; Maak 1.2; Luk 1.76; 7.27 “Nyamiya, n timla n tumo ni o ti mali soli ti ma. Ka yi ni yuuni bɔri yi Duuma so maa ni ti ka o jɛmbu duu na libigi ya. Alikauli tumo ŋun nyɛ yi ni bɔri so maa shiri kanna.” Yawɛ ŋun nyɛ Tɔbbihi Naa ŋɔ n-yɛli lala maa.
2 #
Joɛl 2.11; Kah 6.17 Amaa ŋuni n-lee ni ti tooi tiligi o kandina dabisili maa dali? Ka o yi ti yi palo, ŋuni n-lee ni tooi zani? Dama o ni ŋmanila saviɣu ni buɣim, ka ŋmani chibo din paɣiri’ yiri zaa. 3O ni ti ʒini kaman ninvuɣ’ so ŋun paɣiri neeri anzinfa la; o ni ti paɣi neei Lɛvi zuliya kaman bɛ ni paɣiri neeri salima mini anzinfa shɛm la, hal ka bɛ ti zaŋ pina din tuhi ti Yawɛ. 4Di saha Judanim’ mini Jɛrusalɛmnim’ pina ni lan tiɣiri Yawɛ nini kaman di ni daa pun tiɣir’ o nini shɛm kurimbuni ha mini yuun’ shɛŋa din gari ni la.
5“Dimbɔŋɔ nyaaŋa n ni ka yi sanna ti kari ya saria. N ni ti niŋ yomyom di shɛhira jɛndi bukpahinim’ mini zinaniŋdiba ni ninvuɣ’ shɛb’ bɛn ŋmari ʒiri pɔri pɔri la. N ni lan di shɛhira jɛndi ninvuɣ’ shɛb’ bɛn nahindi padiriba bɛ yɔri yɔbu ni la yomyom ni ninvuɣ’ shɛb’ bɛn nahindi pakoya mini kpibisi ni bɛn kariti tinzunnima, ka bi zɔri ma la.” Yawɛ ŋun nyɛ Tɔbbihi Naa ŋɔ n-yɛli lala maa.
Pirigibu bupia puuni yim tibu
6“Dama Man’ Yawɛ bi taɣira. Dinzuɣu ka yinim’ Yaakubu zuliya bi bahi yoli. 7Yi yaannim’ ʒiɛman’ ni ka yi daa birigi ka chɛ n zaligunima, ka bi lan dol’ li. Labimiya n sanna ka n gba labi yi sanna, Yawɛ ŋun nyɛ Tɔbbihi Naa ŋɔ n-yɛli lala maa. Amaa ka yi bɔhira, ‘Wula ka ti lee yɛn niŋ labina?’ 8Ninsal’ ni tooi fa Naawuni? Amaa yinim’ fari ma mi. Amaa ka yi bɔhira, ‘Wula ka ti lee fa a?’ Yi binyara pirigibu bupia kam puuni yim tibu mini yi sara pina tibu puuni. 9N yɛli noli tin ya, dama yi zuliya maa zaa fari ma mi. 10#Lɛv 27.30; Kal 18.21-24; Zal 12.6; 14.22-29; Nɛh 3.12 Zaŋmiya yi binyara pirigibu bupia kam puuni yim zuɣu zaa na n-ti niŋ nɛma duu din ni chɛ ka bindirigu be n duu. Ka lala maa chɛ ka yi buɣisi ma nya n ku yooi alizanda dunoli tin ya ka niŋ alibarika din galisi pam niŋ yi ni. Yawɛ ŋun nyɛ Tɔbbihi Naa ŋɔ n-yɛli lala maa. 11N ni kari toli ka chɛn ya, ka bɛ ku lan saɣim yi puri ni bindira, ka yi puri ni wain tihi ku lan kɔŋ wala walibu, Yawɛ ŋun nyɛ Tɔbbihi Naa ŋɔ n-yɛli lala maa. 12Di saha zuliya kam ni ti booni ya la suhupiɛllinima, dama nyaɣisim ni ti be yi tiŋgban’ ni.” Yawɛ ŋun nyɛ ŋun Tɔbbihi Naa ŋɔ n-yɛli lala maa.
Naawuni nambɔzɔbo alikauli
13Yawɛ yɛliya, “Yi tɔɣisi ma yɛtɔɣ’ yoya. Amaa ka yi bɔhira, ‘Wula ka ti lee tɔɣisi a yɛtɔɣ’ yoya?’ 14Yi yɛliya, ‘Naawuni jɛmbu ka buchi. Ka o zaligunim’ dolibu bee ti yi be Yawɛ ŋun nyɛ Tɔbbihi Naa ŋɔ sani kaman ti kumdila kuli la, di daanfaani nyɛ ti dini? 15Pumpɔŋɔ ti nyaya ka ninvuɣ’ biɛri n-lee mali suhupiɛlli. Tuumbiɛtumdiba biɛhigu kul tɔŋdimi, ka pa di kɔŋko, hal bɛ yi buɣisi Naawuni ni bɛ nya, binshɛli bi niŋdi ba.’ ”
16Di saha ka ninvuɣ’ shɛb’ bɛn luri Yawɛ sizuura daa tɔɣisiri tab’ yɛtɔɣa, ka Yawɛ gbilisi tibili wum li, ka sabi ninvuɣ’ shɛb’ bɛn zɔri ŋun’ Yawɛ, ka tir’ o yuli jilima maa yɛla niŋ yɛla teebu litaafi ni o sani. 17Yawɛ ŋun nyɛ Tɔbbihi Naa ŋɔ yɛliya, “Bɛ ni ti nyɛla n ni su shɛba n ni ti yɛn bɔhi biɛri dabisi’ shɛli dali maa, ka nyɛ n ninvuɣ’ gahinda, ka n ni ti tiligi ba kaman bihilaamba ni tiligiri bɛ bihi bɛn jɛmdi ba shɛm la. 18Di saha yi ni ti lan nya wuntizɔra mini ninvuɣ’ biɛɣu biɛhigu ni be kɔŋkɔba shɛm, ka lan nya ŋun jɛmdi Naawuni mini ŋun bi jɛmd’ o biɛhigu ni be kɔŋkɔba shɛm.”
Currently Selected:
Malaki 3: RLDB
Highlight
Share
Copy
Want to have your highlights saved across all your devices? Sign up or sign in
Red Letter Dagbani Bible © Bible Society of Ghana, 2011
