Popular Bible Verses from Malaki 3

Share

Zaŋmiya yi binyara pirigibu bupia kam puuni yim zuɣu zaa na n-ti niŋ nɛma duu din ni chɛ ka bindirigu be n duu. Ka lala maa chɛ ka yi buɣisi ma nya n ku yooi alizanda dunoli tin ya ka niŋ alibarika din galisi pam niŋ yi ni. Yawɛ ŋun nyɛ Tɔbbihi Naa ŋɔ n-yɛli lala maa.

N ni kari toli ka chɛn ya, ka bɛ ku lan saɣim yi puri ni bindira, ka yi puri ni wain tihi ku lan kɔŋ wala walibu, Yawɛ ŋun nyɛ Tɔbbihi Naa ŋɔ n-yɛli lala maa. Di saha zuliya kam ni ti booni ya la suhupiɛllinima, dama nyaɣisim ni ti be yi tiŋgban’ ni.” Yawɛ ŋun nyɛ ŋun Tɔbbihi Naa ŋɔ n-yɛli lala maa.

Yawɛ ŋun nyɛ Tɔbbihi Naa ŋɔ yɛliya, “Bɛ ni ti nyɛla n ni su shɛba n ni ti yɛn bɔhi biɛri dabisi’ shɛli dali maa, ka nyɛ n ninvuɣ’ gahinda, ka n ni ti tiligi ba kaman bihilaamba ni tiligiri bɛ bihi bɛn jɛmdi ba shɛm la. Di saha yi ni ti lan nya wuntizɔra mini ninvuɣ’ biɛɣu biɛhigu ni be kɔŋkɔba shɛm, ka lan nya ŋun jɛmdi Naawuni mini ŋun bi jɛmd’ o biɛhigu ni be kɔŋkɔba shɛm.”

“Nyamiya, n timla n tumo ni o ti mali soli ti ma. Ka yi ni yuuni bɔri yi Duuma so maa ni ti ka o jɛmbu duu na libigi ya. Alikauli tumo ŋun nyɛ yi ni bɔri so maa shiri kanna.” Yawɛ ŋun nyɛ Tɔbbihi Naa ŋɔ n-yɛli lala maa.