Nziyo 100
100
Rumbo rwokurumbidza
Rwiyo rwemupiro wokutenda.
1Pururudzirai TENZI
imi nyika dzose
2shandirai TENZI, norufaro,
uyai pamberi pake muchiimba.
3Zvizivei kuti TENZI ndiMwari,
ndiye akatisika
uye kuti tiri vake.
Tiri vanhu vake,
hwai dzake dzaanochengeta.
4Pindai pamisuo yake mikuru
muchitenda
mupinde mumipanda yake
muchirumbidza,
mutendei muchirumbidza zita rake.
5Nokuti TENZI akanaka,
mwoyochena wake hauperi,
kutendeka kwake kunosvika
kuzvizvarwa nezvizvarwa.
Currently Selected:
Nziyo 100: SCLB
Highlight
Share
Copy
Want to have your highlights saved across all your devices? Sign up or sign in
Shona Common Language Bible © Bible Society of Zimbabwe, 2008.
