Māla̍kāī Sɔ̄ɔ̍ŋ le̍bo̍llo̍ŋ
Sɔ̄ɔ̍ŋ le̍bo̍llo̍ŋ
Chɔ̍ŋ a̍ te̍le̍ŋ nda̍ pōōnyi̍a̍a̍ yāu̍wo̍ ho̍ō wo̍, mbo̍ fūūlūū a̍ te̍le̍ŋ nda̍ vēlū Chi̍i̍su̍ wo̍, wɔ̄sīla̍ŋ lā hīōū kɛ̄mɔ̄ɔ̍ lē ŋūɛ̍ɛ̍nu̍. Ndu̍yɛ̍ a̍ te̍le̍ŋ ko̍ŋ, nda̍ a̍a̍ chi̍i̍ ni᷅ŋ chīɛ̍i̍ Mɛ̄lɛ̄ka̍a̍ mīŋgī tāŋgūl Chūlu̍sɛ̄lɛ̄m. Wāna̍ su̍a̍ā le̍ Mɛ̄lɛ̄ka̍ wo̍ Māla̍kāī, nyɛ̍ kpe̍e̍kpe̍i̍ wa̍ būūla᷄ŋ ndɔ̄ɔ̍ o̍ yōōŋgōo̍ ho̍ō dīmīo̍o̍ ni᷄ŋ ndo̍ wa̍ ni̍, māā le̍ mī wānāā sōlīāā lāsa̍lāa̍ a̍ wāŋnda̍ I̍sɔ̄lūɛ̄ī nda̍ a̍a̍ mi̍i̍ŋgu̍ mā wa̍ sa̍kpō o̍ kpe̍ma̍ Mɛ̄lɛ̄ka̍ yīi̍ a̍ nda̍ wo̍ chōo̍. Ī wa̍ kpe̍nde̍ke̍le̍ māā sīɛ̄lɛ̍i̍yo̍ a̍ ka̍fāla̍ŋ la̍ wa̍ wāŋnda̍ tɛ̄ɛ̄ŋ, ndu̍yɛ̍ a̍ mɛ̄ɛ̍ nda̍ wa᷄ Mɛ̄lɛ̄ka̍ sōōlūūwo̍ yɛ̍. Wānāā sōlīāā lāsa̍lāa̍, a̍ wāŋnda̍ ā pīli̍a̍a̍, ā wa̍ Mɛ̄lɛ̄ka̍ ka̍fāla̍ŋ tōsāllo̍ o̍ kēlā ndāla̍ŋ yɔ̄ŋgōo̍ ni᷄ŋ, ā ve̍ Mɛ̍lɛ̄ka̍ kēlā kpe̍e̍kpe̍i̍la̍ wa̍ nda̍ kūēē le̍ ndu̍ kīo̍o̍ la̍ŋ kē le̍, ndu̍yɛ̍ ā ve̍ vɛ̍lɛ̄ pɛ̄ɛ̄kūlā ndɔ̄la̍ŋ tōlɔ̄ɔ̍ kɔ̄ɔ̄lī le̍. Kɛ̍ mi̍ Māla̍kāī o̍ di̍mūl wāŋnda̍ māā Mɛ̄lɛ̄ka̍ Ya̍a̍wɛ̄ɛ̄ ō chō hūnɔ̄ɔ̄ wāŋnda̍ yāmɛ̍i̍ kīlūl le̍ nda̍ nyɛ̄ pālāa̍ tūsīo̍o̍ chōo̍, ndu̍yɛ̍ mbō tōsa̍ mī wānāā ndūa̍a̍ ā sīmnu᷄ŋ a̍ di̍a̍ndāā ndu̍ hɔ̄l, māā ō chō ki̍i̍la̍nɔ̍ ndɔ̄ɔ̍ vīōmɔ̄ɔ̍ le̍ ndu̍ nɛ̄īyo̍ bɛ̄ɛ̄ndīa̍a̍ lāchī, mbō dīmu̍l wāŋnda̍ a̍ kpe̍ma̍ ndɔ̄ɔ̍ o̍kɔ̄ɔ̄.
Būŋgāŋ lēbōllo̍ŋ
A̍ yɔ̄ŋndā wɔ̍ɔ̍ŋndā wāŋnda̍ I̍sɔ̄lūɛ̄ī o̍kɔ̄ɔ̄ (1:1–2:16)
A̍ mɛ̄ɛ̍ Mɛ̄lɛ̄ka̍ ō kīlūl ni̍ŋ I̍sɔ̄lūɛ̍i̍ya̍ ya̍mɛ̍i̍, ndu̍yɛ̍ mbō tūīīnu̍ŋ nda̍ īnyīɛ̍ɛ̍ yɛ̍ o̍kɔ̄ɔ̄ (2:17–4:6)
Currently Selected:
Māla̍kāī Sɔ̄ɔ̍ŋ le̍bo̍llo̍ŋ: YM
Highlight
Share
Copy
Want to have your highlights saved across all your devices? Sign up or sign in
Kisi Bible © Bible Society in Liberia, 2015.