Kuyamba 21

Kubaliwa kwa Isaki

1Chawuta adadalisa Sara ninga kulewa kwaadachita, pomwe Chawuta adachita kwa Sara bzaakhadatsimikiza. 2#Ahe 11:11Sara adaphata pathupi nkubalila Abhurahamu mwana wachimuna, panthawe yaakhadakalamba, panthawe ikhadalewedwa na Mulungu kuti an'zabadwa. 3Abhurahamu adapasa dzina mwana waadabaliliwa na Sara lakuti Isaki. 4#Kuya 17:12; Mab 7:8Abhurahamu adagwata nyama yakhanda yachimuna mwanayo paakhana ntsiku zisele, kuteyeza bzaadawuziwa na Mulungu. 5Abhurahamu akhana magole dzana Isaki paadabadwa. 6Pamwepo Sara adati, “Mulungu wachita kuti ndikondwe ndiseke, koma wentse an'zabva nabzakubala kwangu an'zandiseka.” 7Nakutenepo iye adazati, “Ko mbani akhadalewa kwa Abhurahamu kuti Sara angayamwise mwana? Koma ine ndam'balila mwana wachimuna kuwunkhalamba wake.”

8Mwana adazakula nkumulekesa nkaka. Ntsiku yaadamulekesa nkaka, Abhurahamu adamuchitila feshita ikulu.

Hagari na Ishimayeli an'thamangisiwa

9Ntsiku inango Sara adawona Ishimayeli mwana wachimuna wa Hagari mu Ijipiti, waadabalila Abhurahamu, achinyomba mwana wake Isaki. 10#Aga 4:29,30Pamwepo Sara adati kwa Abhurahamu, “Thamangisa mulandakazi uyu namwana wake, pakuti mwana wamulanda uyu anfunika lini kuzadya nthaka pabodzi namwana wangu Isaki.” 11Ibzi bzidawawa Abhurahamu pakuti Ishimayeli akhali mwana wake pomwe. 12#Alo 9:7; Ahe 11:18Koma Mulungu adati kwa Abhurahamu, “Leka kuwawidwa nabzamwana uyu namulandakazi wako Hagari. Iwe chita bzawawuziwa na Sara, pakuti ndidatsimikiza kale kuti m'badwe wako un'zachemelewa nadzina la Isaki. 13Nin'zachitambo pomwe mwana wamulandakazi wako nshowo ukulu, pakuti iye nim'badwe wako pomwe.”

14Mangwana yache Abhurahamu adalamuka machibese-bese nkutola zingwa nachola chakhanda chamadzi, nkubzipeleka kwa Hagari, adam'belekesa mwana wake, achimuwuza kuti ayende bzake. Hagari adasumuka nkuyenda achindozungayila muchipululu chamu Bheeri-shebha. 15Madzi yakhali muchola payadamala Hagari adayikha mwana munyantsi mwachidzambwa. 16Pamwepo iye adayenda, adakakhala patali pang'ono mamita dzana, adakumbuka chamuntima nkuti, “Ninfuna lini kuwona kufa kwamwana wangu.” Adakhala pamwepo achiwongota.

17Mulungu adabva kulila kwamwana ule, ngilozi ya Mulungu idachemela Hagari ili kudzulu, idati kwayiye, “N'chinyi chakushupa, Hagari? Leka kugopa pakuti Mulungu wabva kulila kwamwana wako. 18Sumuka takula mwana wako, umuphate m'manja, pakuti ine nin'zachita kuti nshowo wake uwe ukulu.” 19Pamwepo Mulungu adamufungula maso, iye nkuwona n'chela wamadzi. Hagari adayenda katunga madzi nkudzadza chola chake nkumwesa mwana wakeyo. 20Mulungu adatsogolela Ishimayeli, iye adakula achikhala muchipululu, adazawa nyabezi wakupha nyama nawutati. 21Akhakhala muchipululu chamu Parani, amayi wake adazamuloolela nkazi wachi Ijipiti.

Chibvano cha Abhurahamu na Abhimeleki

22 # Kuya 26:26 Nthawe imweyo Abhimeleki na Fikoli nkulu wankhondo yake adayenda kwa Abhurahamu, achikati, “Ndawona kuti Mulungu anayiwe pabzinthu bzako bzentse bzawun'chita. 23Tsapano iwepo lumbila kwayine mudzina la Mulungu kuti un'zandinamiza lini, ne nakum'badwe wangu wentse. Koma Ine ndawonesa kukhulupilika kwangu kwayiwe, nayiwembo pomwe uwonese kukhulupilika kwako kwayine nakudziko lawukukhala.”

24Abhurahamu adati, “Ine ninilumbila.” 25Abhurahamu paadadandawulila Abhimeleki nabzan'chela ukhadapambiwa naalanda wake, 26Abhimeleki adati, “Nin'dziwa lini kuti mbani adachita bzimwebzo, ine ndilibe kubzibva mpaka lelo.” 27Nakutenepo Abhurahamu adatola mabila nang'ombe achibzipasa Abhimeleki, amuna awiliwo adachita chibvano. 28Abhurahamu adapatula wana wamabila akazi anomwe, achiwayikha pambali. 29Abhimeleki adati kwa Abhurahamu, “Ko wana wamabila akazi anomwe wawapatulawa anilewanyi.” 30Abhurahamu adati, “Tambila wana wamabila awa anomwe, kuti ukhale mboni yangu kuti ndine ndidachela n'chelawu.” 31Nakutenepo mbuto imweyo ikhachemelewa kuti Bheeri-shebha, pakuti iwo ali awili adalumbila. 32Paadamala kuchita chibvano pa Bheeri-shebha, Abhimeleki na Fikoli nkulu wankhondo, adabwelela kudziko lawo laa Filisitiya. 33Abhurahamu adabzala muti wamutamarisiki pa Bheeri-shebha, nkupemphela Chawuta Mulungu wachikhalilo. 34Abhurahamu adakhala mudziko laa Filisitiya kwanthawe itali.

Currently Selected:

Kuyamba 21: KUNDA

Highlight

Copy