Yoana 13

Ipasaka yo kumarisya

(Mt. 26:20-25; Mk. 14:17-21; Lk. 22:14-18)

1Nawe amarya ga Ipasaka anu gariga gacari kukinga, Yesu ariga amenyere ati omwanya gwae gweire okuso:ka mu: si inu okugenda kwisemwene, endere aba:nu bae banu bari mu:si, abendere kutyo kukinga ku bute:ro. 2Anu bariga bacarya ebiryo bya mu ngeta, Syetani ariga amarire kara okumutamo mu mutima gwa Yuda Iskariote, Omwana wa Simoni, ati amuromere iniku. 3Yesu ariga amenyere ati, Esemwene amuyae byone mu maboko gae, na ka:ti aso:kere ku Nyamuanga, rindi kasuba ku Nyamuanga, 4Ne:muka ku biryo, nafu:ra emyenda jae, nagega orupande, ne:boya mu cibunu. 5Okumara natu:ra amanji kwisaani, namba okwosya ebigere bya be:igisibwa, nabibara:gasisya orupande runu ariga e:boyere. 6Mbe nakinga ku Simoni Petero. Omwene namubu:sya ati, Ratabugenyi, ?Na:we ounyosya ebigere byani? 7Yesu naindura namubwira ati, Cinu enikora anye, utakucimenya wori, nawe urimenya mara. 8Petero namubwira ati, Utarinyosya ebigere byani anu ciribe:ra. Yesu namuindura ati, Nikarema okukwosya utari gumwi nanye. 9Simoni Petero namubwira ati, Ratabugenyi, Tari bigere byani era, nawe amaboko no mutwe one. 10Yesu namubwira ati, Unu o:gere atakenere tari kwiyosya ebigere, nawe kaba e:rere omubiri gwone. Nemwe Mwerere, nawe mute:rere bo:ne. 11Okuba amumenyere unu kamuromera iniku. Nikwo akorere na:ika ati, Mute:rere bo:ne. 12Mbe ejire amara okubo:sya ebigere, nafwara emyenda jae, nenyanja rindi, nababu:sya ati, ?Mwa-sombo:kerwa cinu nabakorera? 13Emwe omuntoga Omwiigisya na Esobugenyi, omwaika kisi, okuba nikwo kutyo niri. 14Mbe araba nanye Esobugenyi no Mwiigisya wemwe nabo:sya ebigere byemwe, mbe kube:ire emwe one okwosyanyaga ebigere. 15Okuba nabayana eco kurorerako, rwa kutyo anye nabakora, nemwe mukorega kutyo one. 16Ni cimari cimari enibabwira ati, Omugaya atakukira esebugenyi obukuru, amwi intumwa itakumukira bukuru unu amutumire. 17Mukabimenya ebyo, murina ribando mukabikora. 18Nita:ika kwimwe bo:ne. Nimenyere banu nasoreremo. Nawe cinu candikirwe ciku:mire ati, Unu karya ku biryo byani kanyinamusisya ecisisinyo cae. 19Okwambira rero enibabwira cicari kubao, ariba caba korereki mwikirisye ati, anye nanye Oyo. 20Ni cimari cimari enibabwira ati, Unu kakuma unu wo:ne enituma, kankuma anye na unu kankuma anye, kakuma unu antumire.

21Yesu ejire amara okwaika kutyo, narumwarumwa mu mwoyo, na:ika ati, Ni cimari cimari enibabwira ati, oumwi kwimwe kajo:kundomera iniku. 22Abe:igisibwa nibarorerana nibe:tima:ta niwega unu ka:ika. 23Ariga:rio umwi ku be:igisibwa bae unu ariga e:ekekere mu cifuba ca Yesu, Yesu unu ariga endere. 24Mbe Simoni Petero naungisya oyo ati amubu:sye ka:ikaga. 25Mbe unu ariga e:ekekere mu cifuba ca Yesu na-mubu:sya ati, Ratabugenyi, niga? 26Mbe Yesu naindura ati, Unu nde:nirisisya ritonge nindimuyana, niwe oyo. Mbe ejire e:nirisya ritonge, nariyana Yuda, Omwana wa Simoni Iskariote. 27Wejire amara okuyabwa ritonge, Syetani namwingiramo. Mbe Yesu namubwira ati, Cinu oukora, kora bwangu. 28Nawe ariga atario na umwi ku banu benyanjire ku nenda unu amenyere cinu akora na: ika. 29Okuba abandi nibabarikisya ati, okuba Yuda niwe ambae insagwa, Yesu kwakorere namubwira ati, Gura binu cikenere ebya ku marya, amwi ati, agabire abataka. 30Mbe ejire amara okuyabwa ritonge, aonao nauruka anja. Yariga yabee ngeta. 31Mbe ejire amara okuuruka, Yesu na:ika ati, Wori Omwana wo mu:nu akusibwa, na Nyamuanga akusibwa mu mwene. 32Nyamuanga akakusibwa mu mwene, Nyamuanga one arimukusya mu mwene, aonao kajo:kumukusya. 33Emwe aba:na bato:to, omwanya muto:to nicari nemwe. Murinyenja, na rwa kutyo nabwiriye Abayaudi ati, Anye enu enigenda emwe mutakutura kuja:yo Nemwe one nikwo kutyo enibabwira wori. 34Enibayana eciragiro eciya:ya ati, Mwendanega. Rwa kutyo nabendere emwe, emwe mwendanega. 35Nikwo aba:nu bo:ne baramenyeraga ati, muri be:igisibwa bani, murabaga no kwendana emwe abene era.

Yesu naraga ati, Petero kamwiga:na

(Mt. 26:33-35; Mk. 14:27-31; Lk. 22:31-34)

36Simoni Petero namubu: sya ati, ?Ratabugenyi, ouja a:ki? Yesu naindura ati, Enu enigenda utakutura kundu:ba woryanu, nawe urindu:ba mara. 37Petero namubu:sya ati, ?Ratabugenyi, niki cinu ecinyingirira okukuru:ba woryanu? Nje ni:tegeo obuanga bwani kurwao. 38Yesu naindura ati, ?Oujo:tegayo obuanga bwao kubwani ?Ni cimari cimari enikubwira ati, Iŋoko itakurira kukinga anu uranyiga:nira kwiya kasatu.

Currently Selected:

Yoana 13: KIJ1960

Highlight

Copy