Màteo Kpɔ̀kplɔ̀sɔyìemè
Kpɔ̀kplɔ̀sɔyìemè
Àŋɛ̀nyuɛ̃ sìgbè àlekè Màteo ŋlɔ̀ ɛ̀ nènea, le pò nupo so Yesù be ènyà nyuɛ̃ kè le gblɔ̃ be Yesù ye nyi hlùɛ̃tɔ kè be àjɔ̀gbè wo fìãa, àmè kè ji Mawu to, sɔ zɔ̃ ɖo àjɔ̀gbè kè be fìã na yebe dùkɔ̃a lè zòɖùɖu xoxoa mèa ji.
Togbɔ be Yudàviwo dòmè ye wo jì Yesù lè, eye be nɔ̀ woa dòmè, be wɔ̀ èdɔ gãkea, àŋɛ̀nyuɛ̃ a mu nyi Yudàviwo ɖèɖe tɔ̀ kpò be nyi ò. Vɔ̀a, xixea kpata tɔ̀ be nyi. Wo ŋlɔ̀ Màteo be xoma a ɖo ɖoɖo nu. Wo jè e gɔ̃mè ku Yesù be jìji, wo yì e ji kudo yebe mawusilèle ku tètèkpɔ; wo va sɔ yebe àŋɛ̀dodo, ènufiɔfiɔ ku èdɔ̀ dàda na àmèwo lè Galilea sɔ kpe è.
Ekèawo yomèa, wo va pò nupo so yebe èmɔzɔ̃zɔ̃ so Galilea yì Yèruzàlɛm ŋuti. Eye ènu kèwo jɔ̀ lè Yesù be kuasiɖa mlɛ̃a mèa, wu e nu ku yebe kaka ɖo àtisòga ŋuti, kudo yebe fɔ̃fɔ̃ so èku.
Àŋɛ̀nyuɛ̃ kèa, ɖè Yesù fiɔ sìgbè ènufiɔtɔ gãa kè ɖo àcɛ̀ sɔ ɖè Mawu be èsea gɔ̃mè, eye be fiɔna ènu so Mawu be fìɔdua ŋuti.
Wo bɔ̀ yebe ènufiɔfiɔ ɖo ètanya vòvòvò àtɔ̃ mè:
(1) Sìtunyàwo lè èto ji: ekèawo lè pò nupo so èdɛ̃wùwu, èdɔ do àsiwo, àlè ku àjɔ̀ kèwo nyi Mawu be fìɔdua mètɔ woawo ŋuti (èta 5–7).
(2) Ègbèdoàsi na àmèdɔ̃dɔ̃ woèvèawo so woabe èdɔwɔ̀wɔ ŋuti (èta 10).
(3) Èlododo so Mawu be fìɔdua ŋuti (èta 13).
(4) Ènufiɔfiɔ so nukplavi nyinyi ŋuti (èta 18).
(5) Ènufiɔfiɔ so xixe kèa be nuwuwu ku Mawu be fìɔdu kè la ɖɛvaa ŋuti (èta 24–25).
Xoma a mè-nyàwo
Yesù Kristò be hɛ̃nu ku yebe jìji (1.1—2.23)
Yòhanɛ̀s Mawusilènamètɔa be èdɔwɔ̀wɔ (3.1-12)
Yesù be mawusilèle ku yebe tètèkpɔ (3.13—4.11)
Yesù be èhadòmè-dɔwɔ̀wɔ lè Galilea (4.12—18.35)
So Galilea yì Yèruzàlɛm (19.1—20.34)
Kuasiɖa mlɛ̃a lè Yèruzàlɛm be àgo ji ku Yèruzàlɛm ŋutɔ (21.1—27.66)
Yesù be fɔ̃fɔ̃ so èku ku yebe zeze ɖo àmèwo ji (28.1-20)
Currently Selected:
Màteo Kpɔ̀kplɔ̀sɔyìemè: GEN
Highlight
Share
Copy
Want to have your highlights saved across all your devices? Sign up or sign in
Mina Bible © Bible Society of Togo, 2014.