Malakìa 3
3
1“Kpɔɖa, mù le dɔ̃ àpe àmè ɖoɖa. E la jrà èmɔ ɖo, lè ŋùkɔ̀ na mù. Lè àvò mèa, àpetɔ kè mì le jia, Mawu be èzòɖùɖu be àtikplɔtɔ kè mì le jro a la va ɖo yebe mawuxɔa mè.” Tɔhonɔ̀, Ŋusɛ̃kpatatɔa ye gblɔ̃ ɛ̀. 2“Vɔ̀a, àmè kɛ ye la teŋu dojì, la kpe yebe vava gbèa ji ò, eye àmè kɛ ye la teŋu nɔ̀tè ne bèa to ò? Ɖoa, e la nɔ̀ sìgbè ègàsrètɔ be èzò nène, àlo, sìgbè ènunyàtɔ be àɖisi nène. 3E la bɔ̀bɔ̀ nɔ̀ ànyi, la srè klòsalò, la klɔ ɛ̀, e la lè Levì be jìjimèviwo ɖì, eye be la kɔ̀ woa ŋuti sìgbè lekè wo kɔ̀nà sìka ku klòsalò ŋutia nène. 4Ekèa yomè gbɔ̀xue Yudà-nyigbãa ku Yèruzàlɛm-dùa be vɔ̀sawo la nɔ jè ŋùmè na Tɔhonɔ̀, sìgbè lekè be nɔ̀nà sã xoxo, lè blèmà hùenua nène. 5Lekea ye be la nyi, gbɔ̀xue mù la dɔ̃ gogo mì, la ɖo kòjo. Mù la ɖèbla, la sɔ ènyà ɖo àzetɔwo, àhasìtɔwo ku àtãŋu gbalo kãtɔwo ŋuti. Mù la dohùɛ do àmè kèwo ye miɔ̃na àsi ɖo èdɔwɔ̀tɔwo be èfɛ̃tu jia, do àmè kèwo ye dona àyà na àhòsìwo ku ècɔɛ̀viwoa, do àmè kèwo mu wɔ̀nà jɔ̀jɔɛ na àmèjrowo ò, gãke wo mu vɔ̃na mù òa.” Tɔhonɔ̀ Ŋusɛ̃kpatatɔa ye gblɔ̃ ɛ̀.
Tɔhonɔ̀ le yɔ mi be mia trɔ gbɔ̀
6“Oò, ènyè Tɔhonɔ̀ yaa, nyè mu trɔ ò. Gãke, mìawo yaa, Yakɔb#3.6 Yakɔb be èviwo be gɔ̃mè ye nyi Yakɔb, àmèflùtɔa be èviwo. be jìjimèviwo nyinyi mu to lè lãmè na mì ò. 7So kaka mìa tɔgbewo be hùenu kea, mì zɛ̃ to àkpa ɖèka na ɖoɖo nyèwo, eye mì mu wɔ̀ ɖo woa ji ò. Mì trɔ va gbɔ nyè, ne nyè cã, ma trɔ va mìa gbɔ.” Tɔhonɔ̀, Ŋusɛ̃kpatatɔa le gblɔ̃ be: “Mì le biɔ sè be: 'Leke mi la wɔ̀, la trɔ gbɔ̀ va gbɔ wò ò?' 8Àgbètɔ la teŋu flù Mawu a? Gãkea, mì le flù mù. Eye mì le biɔ be: 'Leke ye mi le flù wò ɖo ò?' Ɛ̃ɛ, mì le flù mù lè ènu mamã èwogɔ̃a#3.8 Ènu mamã èwogɔ̃a nyi àjɔ̀ kè Mawu biɔ so Izràɛlvi ɖe sia ɖe si, be woa nɔ ɖè lè woabe ènu sù àmè si ɖe sia ɖe ji, ne woa nɔ hɛ̃ ɛ̀ va mawuxɔa mè, tovò na vɔsa kè wo wɔ̀nà kòkòkòa. Àjɔ̀ kèa ye wo sɔ kpɔna Levìwo, kèwo si èdɔ bu mu lè, tovò na sɛ̃sɛ̃ be èdɔa òa ji. Àjɔ̀ kèa mè sonuwo ke ye wo sɔ lenabè na mawuxɔa. ku àjɔ̀ be nana mè. 9Kpɛ̃sɛ̃ lè mìa yomè, kè e gbe nyi be ènyè ye mìabe dùkɔ̃a keŋu be yè le flù kpòa! 10Mì sɔ ènu mamã be àkpa èwogɔ̃a va na, blibo, lè àpe àxuea be ènujràɖopea, ne ènuɖùɖu ne nɔ̀ àxue nyèa mè.” Tɔhonɔ̀, Ŋusɛ̃kpatatɔa ye gblɔ̃ ɛ̀. “Mì sɔ ekèa do mù kpɔ, be nyè mu la hũ jiŋùkusi, la kɔ̀ sìtu ɖo mìa ji, kaka la flãŋu ò màa! 11Mù la xe èmɔ na hùesuviwo, eye wo mu la gble mìabe àgblè mè nukuwo ò, eye vɛ̃-gblèwo mu la gbe èkusɛ̃sɛ̃ lè mìabe ànyigbãwo ji ò.” Tɔhonɔ̀, Ŋusɛ̃kpatatɔa ye gblɔ̃ ɛ̀. 12“Eye dùkɔ̃wo keŋu la kafu mì, la yɔ mì be sìtumewo, ɖoa, mìabe ànyigbã la nyi vivisèpe.” Tɔhonɔ̀, Ŋusɛ̃kpatatɔa ye gblɔ̃ ɛ̀.
Tɔhonɔ̀ be jɔ̀jɔɛ wɔ̀wɔ lè kòjoɖozãa gbè
13Tɔhonɔ̀ gblɔ̃ be: “Mì gblɔ̃ ènyà sɛ̃ŋuwo so ŋuti nyè, gãkea, mì le biɔ sè be: 'Ènyà vuɛ̃ kɛ ye mi gblɔ̃ so ŋuti wò ò?' 14Mì gblɔ̃ be: 'Tɔhonɔ̀ sɛ̃sɛ̃ mu lè veve ɖe ò. Nukɛ ŋuti mi la nɔ zɔ̃ ɖo yebe ɖoɖowo nu, la nɔ nɔ̀ ŋuzĩzĩ mè lè Tɔhonɔ̀, Ŋusɛ̃kpatatɔa be ŋùmè ɖo ò?' 15Fifìa, mi ɖo la nɔ kafu ègòyitɔwo. Mì kpɔ lekè èvuɛ̃wɔ̀tɔwo likè ɖa! Ne wo tè Mawu kpɔa, ènu ɖekpe mu wɔ̀nà wo ò.”
16Gãkea, àmè kèwo vɔ̃na Tɔhonɔ̀a, pònà nupo na woa nɔ̀nɔwo. Tɔhonɔ̀ ɖona èto wo, eye be sènà. Ekèa ŋutia, wo ŋlɔ̀ ŋùɖoxoma lè Tɔhonɔ̀ be ŋùmè, so àmè kèwo sina Tɔhonɔ̀, eye wo dona bùbu yebe nyikɔ ŋutiawo ŋuti. 17Tɔhonɔ̀, Ŋusɛ̃kpatatɔa gblɔ̃ be: “Woawo ye la nyi tɔ̀ nyè, àpe àdɔ̀kùnu, lè ŋùkèkè kè mù ɖo ɖɛa ji, sìgbè lekè èvitɔ lenabè na èvia kè bɔ̀bɔ̀ ye ɖokoe na ɛ̀a nène. 18Ekèa yomè a, mì la gbà kpɔ vòvòtoto lè àmè jɔ̀jɔɛ ku àmè vuɛ̃ dòmè. 19Ɖo kpɔɖaa, ŋùkèkè kè gbãnàa, la nɔ bì sìgbè èkpozo nène. Gbè ŋua gbèa, ègòyitɔwo ku èvuɛ̃wɔ̀tɔwo la flà sìgbè èbè nène, eye wo la fìɔ̃ gbè ŋua gbè ku woabe èkè ku àlɔ̀zɛ̃wo keŋu-keŋu, ènu ɖekpe mà gble ɖɛ.” Tɔhonɔ̀, Ŋusɛ̃kpatatɔa ye gblɔ̃ ɛ̀. 20Vɔ̀a, mì, àmè kèwo dona bùbu nyikɔ nyè ŋutia yaa, jɔ̀jɔɛwɔ̀wɔ be dɔ̃ŋùkusu la klɛ̃ na mì, eye be la hɛ̃ èdɔ̀dàda ɖo yebe àwàdawo mè va. Mì la to, eye mì la jròwe, sìgbè ènyìvi do-àmì kèwo wo hũ èkpa naawo nène. 21Mì la tù àfɔ̀ àmè vuɛ̃wo ji, eye wo la trɔ zũ àfi lè àfɔ̀ gɔ̃mè na mì, gbè kè gbè mù ɖo ɖɛa” Tɔhonɔ̀, Ŋusɛ̃kpatatɔa ye gblɔ̃ ɛ̀.
Hùenu ye yèwo la va
22Mì ɖoŋù Mosè, sumɔ̃vi nyèa be èsea ji. Mù sɔ ɖoɖowo ku èkɔ̀dowo do e si, lè Horɛb be ètoa ji na Izràɛl be dùkɔ̃ bliboa.
23Kpɔɖa, mù la ɖo gblɔ̃ɖɛtɔ Eli ɖoɖa mì, gbɔ̀xue Tɔhonɔ̀ be ŋùkèkè ɖo vɔ̃vɔ̃ gãa la va ɖo. 24E la trɔ ètɔwo be èjìwo va woabe èviwo gbɔ, eye be la trɔ èviwo be èjìwo va woa tɔwo gbɔ, àleke be nyè mu la gbà crɔ̃ ànyigbãa ò.
Currently Selected:
Malakìa 3: GEN
Highlight
Share
Copy
Want to have your highlights saved across all your devices? Sign up or sign in
Mina Bible © Bible Society of Togo, 2014.
