Gɔ̃mèjèje be Xoma 15

Mawu ku Abràm: fìãfiã ku èzòɖùɖu

1Lè ènu kèawo yomè a, Tɔhonɔ̀ be ènyà ɖì na Abràm lè ŋùtègã nukpɔkpɔ mè. E gblɔ̃ be: “Mù gbà vɔ̃ ò, Abràm, ènyè àpo àkpoxɔ̀nua ye; àpo àjɔ̀a la jì ɖo ji kpe è.” 2Abràm ɖo e ŋuti be: “Tɔhonɔ̀ Mawu, nukɛ wò la na mù ò? Mù le yì èvi mà ji, eye àxue nyè be ècrɔ̃ɖùtɔa, Èliezà so Dàmaskò ye.” 3Abràm gblɔ̃ be: “Kpɔ be wò mu na mù jìjimèviwo ò, eye àpe àxomè tɔ ɖèka ɖo la ɖù ècrɔ̃nu nyè.” 4Ekèa na be Tɔhonɔ̀ pò nupo na ɛ̀ lè ènyà kèawo mè be: “Mu nyi e ye la nyi àpo ècrɔ̃ɖùtɔ ò, vɔ̀a àmè kè la to lè àpo àdɔ̀mèa ye la nyi àpo ècrɔ̃ɖùtɔ.” 5E kplɔ̀ ɛ̀ yì xixenu eye e gblɔ̃ na ɛ̀ be: “Ɖè ŋùku kpɔ jiŋùkusi, hlɛ̃ wètriviwo ne wò la teŋu gbe hlɛ̃ wo kpòa.” E yomè a e gblɔ̃ na ɛ̀ be: “Nène a ye àpo jìjimè la va nɔ̀.”

6Abràm ɖo xɔ̀se ɖo Tɔhonɔ̀ ji, eye ɖo eŋuã ŋutia Tɔhonɔ̀ sɔ ɛ̀ sìgbè àmè jɔ̀jɔɛ nène. 7E gblɔ̃ na ɛ̀ be: “Ènyè Tɔhonɔ̀ ye ɖè wò to lè Kaldeatɔwo be èdù Ur mè ne ma sɔ ànyigbã kèa na wò.” 8Abràm gblɔ̃ be: “Tɔhonɔ̀ Mawu, àleke mù la wɔ̀ sɔ nya be e la va trɔ zũ tɔ̀ nyè ò?” 9E gblɔ̃ na ɛ̀ be: “Ji ènyì ènɔvi kè xɔ̀ èpè ètɔ̃a, ègbɔ-nɔ kè xɔ̀ èpè ètɔ̃a, àgbò kè xɔ̀ èpè ètɔ̃a, peplelu ku àhɔ̃ne vi ɖèka va na mù.” 10Abràm yì ji èlã kèawo kpata va na ɛ̀, e ma woa mè to dòdòmè eye e ɖo wo èvè-èvè, eye àkpa èvèawo kpãŋùkɔ̀ woa nɔ̀nɔwo; mu ma èxè zòzroawo dòmè ò. 11Àklàsuwo pò vàvà ɖo èlã kukuawo, vɔ̀a Abràm nyà wo.

12Ekè èwèa le ɖo èxɔ̀a, àkpɔ̃ ɖɔ Abràm. Kpɔɖa vɔ̃vɔ̃ gã ku vìvìti klìkò ɖe ɖɔ ɛ̀. 13Tɔhonɔ̀ gblɔ̃ na Abràm be: “Nya nyuɛ̃ ɖe be àpo jìjimè la va nɔ̀ ànyigbã kè mu nyi ye tɔ̀ òa ji. Wo la wɔ̀ ɛ̀ kluvi, wo la zĩ ì ɖoto xɔ̀ èpè èkà èwo. 14Ne mù ɖo kòjo na dùkɔ̃ kè wo la sumɔa vɔ̀a, eŋuã wo la to jo ku àdɔ̀kùnu gãgãwo. 15Èwò ya, fàfa mè ye wò la zɔ̃ trɔ yì ètɔwòwo gbɔ eye wo la ɖì wò ne wò ɖù àgbè lè àpo sĩsĩ mè vɔ̀a. 16Lè jɔ̀jɔmè ènègɔ̃a mèa, àpo jìjimè la trɔ gbɔ̀ va fikèa, ɖo Àmorìtɔwo be vuɛ̃ mu kpɔ ɖo àdɔ̀mèze tèpe ò.”

17Èwèa ɖo xɔ̀ eye lè vìvìti mèa, kpɔɖa, èzò hɛ̀ ku èzòtiwo to èlã fɛ̃fɛ̃ ɖo èvèawo dòmè. 18Lè àzã ŋua gbèa, Tɔhonɔ̀ ɖùzò ku Abràm lè ènyà kèawo mè: “Àpo jìjimè ye mù sɔ ànyigbã kèa na, so Ejiptè be ètɔ̀a gbɔ yì ètɔ̀ gãa, Efratà be ètɔ̀a gbɔ. 19Kènitètɔwo, Kènizìtɔwo, Kàdòmɔnìtɔwo, 20Hitìtɔwo, Perizìtɔwo, Rèfaìtètɔwo, 21Àmorìtɔwo, Kanàntɔwo, Gìragasìtɔwo ku Yebusìtɔwo.”

Currently Selected:

Gɔ̃mèjèje be Xoma 15: GEN

Highlight

Copy