Zechariah 9
9
Hay Amoltaan nan Buhul di Holag Israel
(Damascus: Isa. 17:1-3; Jer. 49:23-27; Am. 1:3-5; Tyre ya Sidon: Isa. 23:1-18; Ezek. 26:1—28:26; Joel 3:4-8; Am. 1:9-10; Philistia: Isa. 14:28-32; Jer. 47:1-7; Ezek. 25:15-17; Joel 3:4-8; Zeph. 2:4-7)
1Ya inalin goh Apo Dios an titiggonan amin di hinohha an inyal'allanan ditu'un holag Israel,
ya impa'innilanay amoltaan nan tataguh nan siudad ad Hadrak#9:1 Ohan babluy an nipingit hinan Wangwang an Orontes an wah nan nasyon ad Syria. Hay ngadanad ugwan ya Hatarikka. ya ad Damascus.#9:1 Kapitulyud Syria (unu ad Aram).
2Ya ta"on goh nan iHamath#9:2 Ohan babluy an nipingit hinan Wangwang an Orontes an wah nan nasyon ad Syria. Hay ngadanad ugwan ya Hamath. Ya ma'innila an hiyay niyappit ahan hi appit hi iggid hi un hagangon di buhu'an di algaw an igad di babluy ad Israel an indat Apo Dios ay dida (Num. 34:8). an wah nan pingit din duwan siudad,
ya mi'molta goh nan iTyre ya nan iSidon#9:2 Nan duwan babluy an ad Tyre ya ad Sidon ya nipingit hinan Mediterranean an Baybay, ya hakup ad Phoenicia hidin penghana, mu hakup ad Lebanon ad ugwan. an ta"on unda nun'ala'eng.
3Ya ta"on hidid Tyre#9:3 Hay pohdonan ibaga ya nan ata'nang an allup. ya nun'ihamad nan ata'ta'nang an allupda,
ya do'ol goh hidiy silver an umat hinan hupu',
ya do'ol goh di balitu'da an gumalut hinan kalata.
4Mu umahon Apo Dios an amin nan inadangyanda ti pun'itapalnah nan baybay,
ya nunggohobnah nan babluyda.#9:4 Na'at hidin 332 B.C. hidin nama"ian nan tindalun nan Alin hi Alexander an Nidugah enen siudad.
5At nan tatagud Ashkelon, ya ad Gaza, ya ad Ekron ya wumogwogdah ta'otdan mannig hi a'atan hana#9:5 Immannung an timma'ot ahan nan abablubabluy ad Philistia hinan gimmubatan nan Alin hi Alexander an Nidugah ya nan tindalunad Tyre ti hay ninomnomda ya diday mehnod hi gubatonda.
ti mi'id mahkay namnamada.
Ya awniat mipapatoy mahkay nan alidad Gaza,
ya ad Ashkelon ay ya la'tot ya mi'id di mumbabluy hidi.
6Ya hakupon nan bunag nan babluy ad Ashdod an diday mumpunhituh di,
at hiyah ne pamogpog Apo Dios hinan pumpahiyaan nan iPhilistia.#9:6 Gapu ta do'olda an iPhilistia ad Canaan at palpaliwan ya mangadnan nan babluy ad Israel hi Palestine an miyunnudan hinan ngadanda.
7Ti alyon Apo Dios di,
“Nan ma'angang an iPhilistia an umat hinan i'Ekron ya mibilangda mahkay hi tatagu' an umatdah nan holag Judah,
ya adida mahkay ihda nan dotag an agguy na'aan di dalana,
ya adida onon nan ma'an an mapaniaw.
At abuluto' nongkay dida an tatagu' an umatdah nan iJebus.#9:7 Nan iJebus di nahhun an nunhitud Jerusalem, mu inabak da David dida, at la'tot ya paddungnay numbalindah Hudyu.
8Mu ihamad'un iyadug tun babluy'u ta adi hogpon nan mangubat,#9:8 Nan tindalun nan Alin hi Alexander an Nidugah ya agguyda pina"i nan Timplun Apo Dios ad Jerusalem ya ta"on goh nan siudad an awadana.
at mi'id mahkay di mangipaholholtap hinan tatagu' ti iyadug'u nongkay dida,
ya ini"ila' di ma'ma'at.”
Hay Umalian nan Mapto' an Alin Pento' Apo Dios hi ad Zion
9At inalin goh Apo Dios ay ha"in an hi Zechariah di,
“At an amin ayun iJerusalem ya it'u'yuy umamlonganyu ti na'uy nan Aliyu!
Hiya ya makulug,
ya abalinanan bumaliw,
ya ma'ma'ullay,
ya mumpa'ampa ti nuntakay hinan uyaw an dongki.”#9:9 Mat. 21:5; Jn. 12:15.
Hay Pangibangngadan Apo Dios hinan Tatagunah nan Numbabluyanda
10Ya inalin goh Apo Dios ay ha"in di,
“Pogpogo' ad Israel ya ad Jerusalem nan ma'usal hi gubat an umat hi kalesa ya kabayu.
Ya pa"io' goh nan papanada.
At henen ali ya mun'ap'apuh abablubabluy an mete"ah nan pingit nan baybay ta engganah nan pogpog tun luta.
Hiya ya wadaona nongkay di lenggop hi abablubabluy hitun luta.
11Ya ipabangngad'u nan i'ibbayun tatagun nipiyuy hinan udum an babluy an ayda balud
an dumalat nan ni'tulaga' ay da'yun tatagu'
ya nan dalan nan animal an gunyu ene'nong.
12Ya da'yun paddungnay balud hinan udum an babluy an gun manahalimid ay Ha"in an Dios
ya mumpumbangngad ayu mahkay hinan babluyyu,
ya mumpidway ado'ol di pungwagah'un da'yu
an umat hinan ado'ol di tatagu an dumalat nan nunholholtapanyu.
13At da'yun linala'id Judah ya ad Israel di paddungnay pana' ya spada' an pangubat'ud Greece.”#9:13 Itudun nan history an impapto' nan Hudyun pamilyan Maccabees an ni'gubat hinan Seleucids ad Syria an nipallog hinan Alin hi Alexander an Nidugah ad Greece hidin natayana.
14Ya ha"in an hi Zechariah ya inali' di,
“Hi Apo Dios ya ay bunut an mumpattig hinan bagtun di tataguna,
ya umelat di panana an umat hinan ilat.
Hiya an na'abbagbagtun Dios ya ipipagangohna nan talampetna,
ya wa ay ta gumubat ya umat hinan mabi'ah an alipugpug an malpuh appit di buhu'an di algaw.
15Ya ibaliw ditu'un tatagun Apo Dios an nidugah di abalinana ta abakon tu'u nan buhul tu'u
an nan paldi'it di pumpamatoy tu'un didan amin.
At dumalat di pangabakan tu'u ya it'u' tu'u mahkay di pun'am'amlongan tu'u.
Ya munggotad tu'u ta ma"abhug tu'u
ta umat tu'uh nan ma"apnu an duyun ma'usal hinan pun'onngan hi moghob.
16At henen gutud ya ibaliw ditu'u nongkay ay Apo Dios an tataguna
an umat hinan mumpahtul an ipapto'nay kalniluna ta mi'id di ma'at ay didah nappuhi.
At mumbalin tu'un nabalul ay Hiya
an paddungnay munletaa' an balitu' an mihinah nan koronan di ali ti ma'al'ali tu'u.
17At nidugah di pumhodan tu'u
an namamah nan ungunga ti do'ol di ma'an ya ma'inum.”
Currently Selected:
Zechariah 9: NHAD
Highlight
Share
Copy
Want to have your highlights saved across all your devices? Sign up or sign in
© 2018, Wycliffe Bible Translators, Inc. All rights reserved.
