ZENBAKIAK 35
35
Lebitarren hiriak#35,1 Lebitarren hiriak: Ik. Lb 25,32 oh.
1Honela mintzatu zitzaion Jauna Moisesi Moabeko lautadan, Jordan ondoan, Jeriko parean:#Lebitarren hiriak Lb 25,32+; 1 Kro 6,39-66. 2«Agindu israeldarrei jabetzan hartuko duten ondaretik lebitarrei zenbait hiri emateko, inguruko lurrekin batera, haietan bizi daitezen. 3Hiriak berak bizitzeko izango dituzte, eta herri-lurrak azienda eta abereentzat. 4Lebitarrei eman beharreko herri-lurrak harresietatik kilometro bateko erradioan hedatuko dira, 5hau da, mila metro neurtuko dituzte ekialde zein mendebaldera, hegoalde zein iparraldera, hiria erdian geldituko delarik. Horiek izango dira herri-lurrak. 6Lebitarrei emango dizkiete sei babes-hiriak, hau da, hiltzailearen ihesleku izateko ezarriko dituztenak; horiez gain beste berrogeita bi hiri emango dizkiete; 7berrogeita zortzi hiri, beraz, guztira, bakoitza bere herri-lurrekin. 8Israeldarren ondaretik lebitarrei hiriak ematerakoan, leinu bakoitzak egokitu zaion ondare-zatiaren arabera emango dizkie: ondare handiagoa jaso duenak hiri gehiago, txikiagoa jaso duenak gutxiago».
Nahi gabe hil dutenentzat babes-hiriak
9Honela mintzatu zitzaion Jauna Moisesi:#babes-hiriak Ir 21,13; Dt 4,41-43; 19,1-13; Jos 20,1-9. 10«Esan israeldarrei: Jordan igaro eta Kanaan lurraldean sartzean, 11babes-hiriak aukeratuko dituzue. Nahi gabe norbait hiltzen duenak han aurkituko du iheslekua. 12Hiri horiek izango dituzue babesleku, hildakoa mendekatzeko eskubidea duenaren eskuetatik ihes egin ahal izateko; horrela, hiltzailea ez da hilko#35,12 hiltzailea ez da hilko: Ir 21,23-25; Lb 24,19-21 eta Dt 19,21aren arabera, giza hilketa batek beste bat zekarren ondoren. Izan ere, hildakoaren hurbileneko ahaideak hildakoa mendekatzeko betebeharra zuen, hiltzailea hilaraziz; hemen hildakoa mendekatzeko eskubidea duena eta mendekari itzulitako hitza —goel hebreeraz— beste testuinguruetan askatzaile, babesle, berreskuratzeko eskubidea duena itzultzen da; oro har, hurbileko ahaidearen eskubideen babeslea da. Jaunari ere herriaren babesle deitzen zaio., elkartearen aurrean auzitara agertu baino lehen.
13«Sei babes-hiri aukeratuko dituzue, 14hiru Jordanez ekialdera eta beste hiru Kanaan lurraldean. 15Sei hiriok babes-hiri izango dituzte, bai israeldarrek, bai etorkin nahiz israeldarren artean ostatuz dauden bidaiariek: nahi gabe hiltzen duen edonork, haietan aurkituko du iheslekua.
16«Burdinazko tresnaz norbait jo eta hiltzen duena, hilketa-errudun da: heriotzara emango dute. 17Hiltzeko moduko harria jaurtiz norbait jo eta hiltzen duena, hilketa-errudun da: heriotzara emango dute. 18Hiltzeko moduko zurezko tresna jaurtiz norbait jo eta hiltzen duena, hilketa-errudun da: heriotzara emango dute. 19Hildakoa mendekatzeko eskubidea duenak, hiltzailea aurkitu bezain laster emango du heriotzara.
20«Gorrotoz bultza eginez edo asmo txarrez zerbait jaurtiz 21edota amorraturik ukabilez joz, norbait hiltzen duena, heriotzara emango dute: hiltzaile da. Hildakoa mendekatzeko eskubidea duenak, hiltzailea aurkitu bezain laster emango du heriotzara.
22«Baina gerta daiteke ustekabean eta amorrurik gabe bultza egin nahiz asmo txarrik gabe zerbait jaurti izatea; 23edota norbaitek hiltzeko moduko harria bota eta ikusi ez duen beste norbaiten gainera eroriz hil izatea, nahiz eta elkarren etsai ez izan eta kalte egiteko asmorik ez eduki. 24Halako kasuetan, inguruabar horiek kontuan harturik, elkarteak erabakiko du hiltzailearen eta mendeku-eskubidea duenaren arteko auzia. 25Elkarteak libratu egingo du hiltzailea mendekariaren eskuetatik, eta ihesleku izan duen babes-hirira itzularaziko berriro; hantxe biziko da, olio sakratuz gantzuturiko apaiz nagusia hil arte. 26Baina ihesleku duen babes-hiriaren mugetatik irteten bada, 27eta mendeku-eskubidea duenak, babes-hiriaren mugetatik kanpo aurkitu eta hiltzen badu, ez du hilketarik egiten. 28Hiltzailea, beraz, babes-hirian biziko da, apaiz nagusia hil arte. Gero, itzul daiteke bere jabetzara.
29«Hori guztia lege izango duzue belaunez belaun, biziko zareten edonon.
30«Hilketarik denean, zenbait lekukoren aitorpenaz bakarrik eman ahal izango da hiltzailea heriotzara. Lekuko bakarra ez da aski inori heriotza-zigorra emateko.#zenbait lekukoren aitorpenaz Dt 17,6; 19,15; Mt 18,16+. 31Heriotza-zigorra merezi duen hiltzailearen bizia ezin izango da ordaindu diruaren truke; heriotzara emango dute. 32Ez diozue dirurik onartuko babes-hiriren batean babestu denari ere, apaiz nagusia hil baino lehen bere lur-ondarera itzultzeko baimenaren truke.
33«Ez profanatu zaudeten lurraldea. Hilketak profanatu egiten du lurraldea, eta isuritako odoletik lurraldea garbi gelditzeko bide bakarra hiltzailearen odola da, heriotza-zigorra alegia.#odoletik lurraldea garbi Has 9,5-6; Lb 24,17.
34«Ez kutsatu bizi zareteneko lurraldea, neu ere bertan bizi bainaiz; izan ere, ni, Jauna, israeldarren artean bizi naiz».#Jauna israeldarren artean bizi Lb 15,31+.
Currently Selected:
ZENBAKIAK 35: EABD
Highlight
Share
Copy
Want to have your highlights saved across all your devices? Sign up or sign in
Elizen Arteko Biblia (EAB) Biblia en Euskara, Traducción Interconfesional) Copyright © Sociedad Bíblica de España, 2008 Utilizada con permiso
