KOHELET 5
5
1Ez bedi zure ahoa
zalapartaka mintza,
zure bihotzak ere
ez dezala bizkor hitz egin
Jaunaren aurrean;
zeruan baita Jainkoa
eta zu lurrean.
Ez egin, bada, hitz asko.#hitzak neurtu Si 7,14; Mt 6,7. Ik. 6,11; Es 13,3.#zeruan baita Jainkoa Dt 4,39; Jos 2,11; Jb 22,12.
2Izan ere, kezka gehiegik
amesgaiztoa dakar,
eta hitz-jarioak
zoro-berriketak egitea.
3Jainkoari promesen bat
egin badiozu,
bete lehenbailehen,
ez baititu atsegin axolagabeak.
Bete hitzemana.#promesak egin eta bete Zen 30,2-17+.
4Askoz hobe duzu hitzik ez ematea,
emaniko hitza ez betetzea baino.
5Ez utzi zeure ahoari
bekatu eginarazten,
ez esan gero Jainkoari#5,5 Jainkoari: H.h., mezulariari.
ohartu gabe egin duzula.
Ea haserretzen zaizun Jainkoa
zeure hitzengatik
eta zeure lanak oro
desegiten dizkizun!
6Amets eta huskeria ugari denean,
berriketa ere ugari.
Zuk, aldiz, izan begirune Jainkoari#5,6 Tx.eko testua iluna da eta nahasia..#Amets ugari Si 34,1-7. begirune Jainkoari Es 8,13+.
Agintekeria
7Herrian behartsuak
zapaltzen dituztela,
gogorki epaitzen
eta zuzenbidea desegiten dutela
ikusten baduzu,
ez harritu horregatik.
Handikiak, beste handikiago bat
du babesle, eta biok,
goitiago daudenak dituzte babesle.#zuzenbidea desegin 3,16; 4,1; Jb 9,24.
8Denek ateratzen diote
etekina lurrari;
erregea ere
lurrak ematen duenetik bizi da#5,8 Testu iluna. Honela ere itzul daiteke: Lurraldeak denetan duen hoberena, lurra lantzen duen erregea da..
Diruzalekeria
9Diruzalea ez da inola asetzen,
aberastasuna maite duenak
ez du onurarik.
Hori ere, beraz, huskeria da.#Diruzalea 6,2; Si 14,3.
10Zenbat eta ondasun gehiago,
hainbat eta irensle ugariago;
zertarako, hortaz,
aberastasunak jabeak
begien aurrean ikusteko izan ezik?
11Asko jan, gutxi jan,
langileak lo egiten du gozoki;
aberatsak, aldiz,
bere asean ezin egin lorik.
12Ikusia dut
beste gaitz handi bat ere
eguzkipean:
aberastasunak pilatzea
berorien jabearen kaltetan dela;
13izan ere, une txar batean
gal ditzake denak;
jaioko zaio semea
eta esku-hutsik geldituko da.
14Bere amaren sabeletik
biluzik irten zen,
halaxe da itzuliko,
bere lanaren saririk batere
ez du berekin eramango.#biluzik irten Jb 1,21+.
15Hau bai gaitz negargarria:
etorri bezalaxe joan behar.
Eta zein fruitu atera dio
egin duen lanari?
16Bere bizitza osoa
goibel eta atsekabeturik,
neke, oinaze eta haserre artean
eman du.
17Ikusi dudanez, hauxe dute
gizon-emakumeek hoberena:
eguzkipean egiten duten lanetik
jan, edan eta alai gozatu,
Jainkoak eman
bizitzako egunetan zehar;
horixe dute beren zoria.#alai gozatu 2,24+.
18Aberastasunak eta ondasunak
eman dizkion gizaki orori,
berorietatik jateko,
dagokion zatia hartzeko
eta lanaz pozteko eskubidea ere
eman dio Jainkoak;
Jainkoaren dohaina da hori.
19Ez du bere bizitzako egunetan
buruhausterik izango
Jainkoak bihotza atseginez
betetzen dionak.
Currently Selected:
KOHELET 5: EABD
Highlight
Share
Copy
Want to have your highlights saved across all your devices? Sign up or sign in
Elizen Arteko Biblia (EAB) Biblia en Euskara, Traducción Interconfesional) Copyright © Sociedad Bíblica de España, 2008 Utilizada con permiso