HOSEA, 12
12
O LE MATAUPU XII.
E tatau ina salamo o e fai mea leaga.
1O loo ‘ai Efaraima le matagi, ua naunau atu o ia i le matagi mai sasae; ua faateleina e ia le pepelo ma le malaia i aso uma lava; ua osia foi la latou feagaiga ma Asuria, ma ua avatu i Aikupito suāuu. 2Ua ia Ieova le finauga ma Iuta, na te faasalaina Iakopo e tusa ma ana amio; na te taui atu ia te ia e tusa ma ana galuega. 3Na ia tago i le mulivae o lona uso a o i ai i le manava; o lona malosi na ia malo ai i le Atua. 4Na ia malo i le agelu, na manumalo ai lava; na ia tagi, ma aioi atu ia te ia; na ia iloa ia te ia i Peteli, na tŭlei mai ai foi lona siufofoga ia te i tatou. 5O Ieova lava o le Atua o ‘au; o Ieova o lona suafa lea e manatua ai o ia. 6O lenei, ia e toe foi i lou Atua; ia e tausi le alofa ma le faamasinoga, aua le aunoa ona e faatalitali atu i lou Atua. 7O le faatauoa ia, o i lona lima o fua faatautau faaletatau; e fiafia o ia i le faasaua. 8Ua faapea mai foi a Efaraima, E moni, o a‘u o le mau mea, ua ou maua oloa mo a‘u; latou te le iloa se leaga ia te au, se mea o se agasala i a‘u galuega uma. 9O a‘u foi o Ieova lou Atua talu mai le nuu o Aikupito, ou te toe faanofo ia te oe i fale ie faapei o ona po o le tausamiga. 10Na ou tautala atu i perofeta, na ou faateleina faaaliga; o le au perofeta foi na ou sauni atu ai upu faataoto. 11Ua leaga lava Kiliata, e pepelo lava i latou; latou te fai taulaga i povi poa i Kilikala; o latou fata faitaulaga foi, e pei o faupuegāmaa ia i atu pue o le laueleele. 12Na sola Iakopo i le nuu o Suria; na auauna Isaraelu e maua ai lana avā; na ia leoleo mamoe e maua ai lana avā. 13O le perofeta na aveina ae ai Isaraelu e Ieova mai Aikupito; o le perofeta foi na leoleoina ai o ia. 14Na matuā faaonoono Efaraima ia te ia, o le mea lea na te tuu ai pea lona toto ia te ia; o lona luma foi e faafoisia ia te ia e lona Alii.
Currently Selected:
HOSEA, 12: SOV
Highlight
Share
Copy
Want to have your highlights saved across all your devices? Sign up or sign in
Samoan Edited Old Version © Bible Society of the South Pacific, 2017.
