II TIMOTEO, 1
1
O LE MATAUPU I.
O le alofa o Paulo ia Timoteo. Ua apoapoai atu ia te ia.
1 O a‘u o Paulo, o le aposetolo a Iesu Keriso i le finagalo o e Atua, ina ia folafolaina le ola o loo ia Keriso Iesu; 2o la‘u tusi lenei ia Timoteo lo‘u atalii pele; ia ia te oe le alofa tunoa, ma le alofa, ma le manuia mai le Atua le Tamā, atoa ma Keriso Iesu lo tatou Alii.
3Ou te faafetai atu i le Atua, o le ou te auauna i ai ma le loto fuatia ifo ua mamā pei ona maua mai o‘u tupuga, ina ua ou manatua oe e le aunoa i a‘u faatoga i le po ma le ao; 4o loo ou faanaunau e feiloai ma oe, auā ua ou manatu i ou loimata, ina ia tumu ai a‘u i le olioli; 5ua ou manatua le faatuatua faamaoni ua ia te oe, sa muai i ai ia Loi o le tinā o lou tinā, atoa ma Eunike lou tinā; o la‘u taofi o loo ia te oe foi. 6O le mea lea ou te faamanatu atu ai ia te oe ia toe faamumū le mea alofa mai le Atua, o loo ia te oe lea i le faaee atu o o‘u lima. 7Auā ua le foaiina mai e le Atua ia te i tatou le Agaga e mata‘u ai, a o le Agaga e faamalosi ai, ma alofa ai, ma mafaufau tonu ai. 8O lenei, aua e te mā i le molimau i lo tatou Alii, po o ona o a‘u o loo noanoatia ona o ia; a ia tiga faatasi i tatou ona o le tala lelei, e tusa ma le mana o le Atua, 9o le na faaola mai ia i tatou, ma valaau mai i le valaau paia, e le tusa ma a tatou galuega, a e tusa ma lona lava finagalo ma lona alofa tunoa na foaiina mai ia i tatou ia Keriso Iesu talu mai le vavau, 10a ua faailoa mai nei i le faaalia mai o lo tatou Faaola o Iesu Keriso, o le ua faaumatia lava le oti, a o le ola ma le le iu vale ua faamalamalamaina mai lea e ia i le tala lenei, 11ua tofia ai a‘u o lē tala‘i, ma le aposetolo, ma le a‘oa‘o i nuu ese. 12O le mea lea ua tigaina ai a‘u i ia mea; a ou te le mā lava, auā ua ou iloa o ia ua ou faatuatua i ai, ma a‘u mautinoa ua mafaia lava e ia ona leoleo i le mea na ou tuuina atu ai ia te ia e oo atu i lea lava aso. 13O matua o upu e ola ai, na e faalogologo mai ai ia te au, ia e taofia i le faatuatua ma le alofa ia Keriso Iesu. 14O le mea lelei ua tuuina atu ia te oe ia e tausia i le fesoasoani o le Agaga Paia o loo nofo i totonu ia i tatou. 15Ua e iloa lenei mea, o i latou uma o i Asia ua lafoai ia te au, e i ai Fogelu ma Emokene. 16Ia alofa atu le Alii i le aiga o Oneseforo; auā na ia faamafanafana soo mai ia te au, e lei mā foi o ia i lo‘u maea uamea, 17a e peitai na i Roma o ia, ona matuā saili mai lea o ia ia te au, i le ua maua. 18Ia foaiina atu e le Alii ia te ia ia maua le alofa mai le Alii i lea lava aso. Ua e iloa lelei o mea e tele na ia auauna mai ai ia te au i Efeso.
Currently Selected:
II TIMOTEO, 1: SOV
Highlight
Share
Copy
Want to have your highlights saved across all your devices? Sign up or sign in
Samoan Edited Old Version © Bible Society of the South Pacific, 2017.
