II. IOANE. 1
1
O LE MATAUPU I.
Ia tumau i le faatuatua.
1 O a‘u o le toeaina, o la‘u tusi lenei i le tamaitai ua filifilia, ma ana tama, ou te alofa faamaoni i ai; e le na o a‘u foi, a o i latou uma o e ua iloa le upu moni; 2ona o le upu moni o loo tumau ia te i tatou, e ia te i tatou foi e faavavau. 3Ia ia te outou le alofa tunoa, ma le alofa ma le manuia mai le Atua le Tamā, atoa ma le Alii o Iesu Keriso, o le Alo o le Tamā, i le faamaoni atoa ma le alofa. 4E tele lava lo‘u fiafia ina ua ou iloa ni au fanau o e savavali i le upu moni, faapei o le poloaiga ua tatou maua mai le Tamā. 5O lenei, le tamaitai e, ou te aioi atu ia te oe, (ou te le tusi atu ia te oe e peiseai o se poloaiga fou, a o lea lava ua ia te i tatou talu le amataga.) ia tatou fealofani. 6O lenei lava le alofa, ia tatou savavali e tatau ma ana poloaiga; o lenei lava le poloaiga, faapei ona outou faalogo i ai talu le amataga, ina ia outou savavali ai. 7Auā e toatele o e faasese ua o atu i le lalolagi, o e le ta‘u tino ua maliu mai Iesu Keriso i le tino; o le faasese lava lea ma le anetikeriso. 8Ia outou ia te outou, ne‘i maumau a matou galuega na matou faia, a ia maua le taui atoa. 9O i latou uma lava o e tuumavaega, a e le tumau i le mataupu ia Keriso, e le o ia te i latou le Atua; o lē tumau i le mataupu ia Keriso, e ia te ia lava le Tamā atoa ma le Alo. 10Pe a alu atu ia te outou se tasi a e le molia lenei lava mataupu, aua tou te talia o ia i o outou fale, aua foi tou te ofo alofa ia te ia; 11auā o sē ofo alofa atu ia te ia, e faatasi ai o ia ma ana galuega leaga. 12O ia te au mea e tele e tusi atu ai ia te outou, a ou te le fia tusi atu i le laupepa ma le vaitusi; a ou te faamoemoe ou te alu atu ia te outou, ia tatou fetautalatalai, ina ia atoatoa ai lo tatou fiafia. 13O loo alolofa atu ia te oe tama a lou uso ua filifilia. Amene.
Currently Selected:
II. IOANE. 1: SOV
Highlight
Share
Copy
Want to have your highlights saved across all your devices? Sign up or sign in
Samoan Edited Old Version © Bible Society of the South Pacific, 2017.