สีง ฑูง 20
20
สีง ฑูง 20
เต๋า เก๋า โท้ เบ๊าะ ฮี่ง วิน-วั้ง
จิว ปุน ต้อ ฑูง เญย เมี่ยน. ดาวิด โหฒ่ เญย สีง ฑูง.
1เม่ย ปวั้ง หฒุ โค้ว หน่าน เญย ฮนอย-เหญียะ โท้ เฒี้ยว เตา,
โท้ ยาโค้บ เญย ทิน-ฮู่ง#20:1 ฮิบลู หว่า ก๊อง ทิน-ฮู่ง เญย บั๋ว. เปว เจี๊ยน เม่ย.
2โท้ นิ่น เยียม สีง ติ่น เถง เม่ย,
หย่า เยียม สิโอน บง เปว เจี๊ยน เม่ย.
3โท้ นิ่น จั๋ง เม่ย ฝ่ง ห่อ เญย หญู่งๆ กะน้าย,
หย่า อะเฮน้ย เม่ย ปั๊ว เหฒี่ย เญย เหยียด ฒู้ง. เซลา
4โท้ นิ่น ปุน เม่ย ตุ๊ หฒิว เม่ย เญย เฮญี้ยว อ๋อย เญย,
หย่า เอย เจี๊ยน เม่ย เญย เหยียด ฒู้ง หฒะเอ๋ย โหฒว เหฒียง.
5เยีย บัว ฯฒฯ เฌียน-โย่ว เญย เห่ว เหว่ย เม่ย ฮี่ง เจี๋ย,
เยีย บัว หย่า เต๊ง เยีย บัว เญย ทิน-ฮู่ง เญย บั๋ว เหลียบ เยีย บัว เญย เก้.
โท้ เฒี้ยว เตา เม่ย โท้ เญย เหยียด ฒู้ง หว่า.
6อี้ หฒั่น เยีย ฮิ้ว ตุ๊ เฒี้ยว อ๋อย เถง#20:6 ฮิบลู หว่า ก๊อง เหฌียว. นิ่น หล่ง โย่ว ออน ต้าย วั้ว เต้า.
นิ่น อ๋อย เยียม นิ่น ธีง-เหฑ่ง เญย ทิน-ต้อง เตา.
นิ่น หล่ง นิ่น เญย บย่าว เจี๊ยะ ปั์ว เญย ต้ม ชะ เถง ฮี่ง เจี๋ย.
7ม่าย เต๋ย เขา#20:7 เขา ไฟ ปู๋ง หว่า-เหมา. นิ่น บัว เญย เบ๊าะ จ๋า เธีย, ม่าย เต๋ย เขา นิ่น บัว เญย ม์า,
มป่า เยีย บัว เขา เฒี้ยว, เยีย บัว เญย ทิน-ฮู่ง.#20:7 ฮิบลู หว่า ก๊อง ทิน-ฮู่ง เญย เม่ง.
8นิ่น บัว ฯฒฯ ดอบ, คีง เหฌี่ย,
มป่า เยีย บัว ตุ๊ เจี์ย ซิน โซ้ว ว้วน.
9โอ เฒี้ยว อ่า, โท้ เถง ฮู่ง เตี๋ย ฮี่ง เจี๋ย.
เยีย บัว เห่ว เญย เฒี่ยง โห่, โท้ เตา เยีย บัว.
Currently Selected:
สีง ฑูง 20: IuMiTH
Highlight
Share
Copy
Want to have your highlights saved across all your devices? Sign up or sign in
Mien Bible (Thai Script) © Thailand Bible Society, 2007
