สีง ฑูง 19
19
สีง ฑูง 19
เหฒย ต้าย เญย หม่าน หมวด ปิ๋ว เม่ง ทิน-ฮู่ง เญย ฌัง-หล่าง
จิว ปุน ต้อ ฑูง เญย เมี่ยน. ดาวิด โหฒ่ เญย สีง ฑูง.
1ลู่ง ฒุ่น ย่าง ทิน-ฮู่ง เญย ฌัง-หล่าง,
ลู่ง หฒั่ง ปิ๋ว เม่ง นิ่น เญย ปั์ว-เต้า.
2เหยียด ฮนอย ฒุ่น บั๋ว เจี๋ย เหยียด ฮนอย,
เหยียด ม์วน ฒุ่น ว่วน ฒาง เจี๋ย เหยียด ม์วน.
3โหม่ว ญิ่น โหม่ว หว่า,
โหม่ว ซีง-เฉีย ไม้ ไฮ์,
4มป่า นิ่น เญย เฝียน#19:4 ฮิบลู หว่า ก๊อง ฮลาง. มี่ง ก๋อม ป้าม เกน,#โลมา 10:18
นิ่น เญย#19:4 เซ ลู่ง เญย. ญิ่น โญ์ว มี่ง จ่ม ลู่ง เดี๊ย.
ทิน-ฮู่ง เยียม วั้ว ลู่ง เหว่ย บะฮนอย ธอง ด๊บ-ลิ่ว.
5บะฮนอย ธ้วด ต้าย ฮนั้ง เซียง-ล่าง เยียม นิ่น เญย เกน ธ้วด.
หย่า ฮนั้ง สาย ถิว เญย เมี่ยน เฮ้น เมี่ยน
เฌียน-โย่ว เญย กัน สาย เญย เจ๊า มี่ง.
6บะฮนอย เยียม น้าย ปูง ลู่ง ธ้วด ต้าย,
แอ๋ง โย่ว เถา วั้ว ปูง ลู่ง.
ไม้ ม่าย หาย หญู่ง ไฮ่ ปี๋ง ตุ๊ นิ่น จอม เญย เฉีย.
เฒี้ยว เญย เล์ย-หลัด
7 เฒี้ยว เญย เล์ย-หลัด เซ ตุ้น ยุ่น เญย,
ปุน เมี่ยน เญย เฮญี้ยว ฟี้ง เจี์ย ต้าย.
เฒี้ยว เญย เล์ย-เหญ่ย เซ เขา ตุ๊ ว้วน เญย,
ปุน ไม้ ม่าย ธง-เม่ง เญย เมี่ยน ม่าย ธง-เม่ง.
8 เฒี้ยว หัด เญย หว่า หอบ เญย,
ปุน กัน เญย เมี่ยน ม่าย เฌียน-โย่ว.
เฒี้ยว เญย หลี่ง ธีง-เหฑ่ง เญย,
ปุน เมี่ยน ไฮ่ เม่ง แปะ.#19:8 ฮิบลู หว่า ก๊อง “ปุน เมี่ยน เญย มฒีง ฌัง ต้าย”.
9เมี่ยน ท่าย เฒี้ยว เซ หลง ไห่,
อ๋อย หฒุ ท่าย เถา หม่าน โก๊ว หม่าน ต่อย.
เฒี้ยว เญย เล์ย เซ เฒียน เญย,
ติ้วๆ แป้ง ฟิม เญย.
10เซ เก้า จ๋าย เจี๋ย เจียม,
ฒู้ง เก้า จ๋าย เฒียน เจียม.
หย่า เก้า กาม เจี๋ย เมว์ย-ต้อง,
ต้ง เยียม เมว์ย-เผง เหลี่ยว ธ้วด เญย เมว์ย-ต้อง.
11น้าย เต๋ย เล์ย-หลัด ขวิน เม่ย เญย โปว.
เมี่ยน เอย เจี๊ยน น้าย เต๋ย หว่า โหฒว
ฯฒฯ ม่าย ต้ม ฒี่ง เหญ่ย.
12หาย เต้า ไฮ่ เฒียะ ตุ๊ กั้น โหฒว ต่อง เญย เจ๊า?
โท้ กวั่ง ฆอย เยีย โหฒว ต่อง, เฒียะ ไม้ ตุ๊ เญย สี่.
13โท้ ตั๊ง เจี๊ยน ปุน เม่ย เญย โปว ไม้ ตู๋ง ตุ๊-เอ๋ย ป์าม ฒุ์ย.
ไม้ ตู๋ง ปุน น้าย เต๋ย ฒุ์ย กุ๊น เยีย.
ฮนั้ง หน่าย เยีย ฯฒฯ ไม้ ม่าย ต๋อง เฆ่ม,
หย่า เปย๋า ตุ๊ ดุ๊ด ต้ม ฒุ์ย.
14โอ เฒี้ยว อ่า, เม่ย โหฒว เยีย เญย หละเปย๊ย,
หย่า โหฒว หฒัวะ เยีย วั้ว เต้า.
โท้ ปุน เยีย เญย ฑุ่ย ก๊อง ธ้วด เญย หว่า,
เหธา เยีย เยียม เฮญี้ยว ฮนั้ม เญย เจ๊า,
หฒิว เม่ย หมั่ง ไฮ่ โหฒว ตุ๊ หอบ.
Currently Selected:
สีง ฑูง 19: IuMiTH
Highlight
Share
Copy
Want to have your highlights saved across all your devices? Sign up or sign in
Mien Bible (Thai Script) © Thailand Bible Society, 2007
