สีง ฑูง 17
17
สีง ฑูง 17
โท้ เฒี้ยว เถง เปย๋า ดุ๊ด, ไม้ หฒุ ห่อย
ดาวิด เต๋า เก๋า เญย หว่า.
1โอ เฒี้ยว อ้า! โท้ เม่ย หมวัง ไฮ์ เยีย โท้ แป้ง ฟิม เญย เจ๊า.
โท้ หมวัง เยีย เห่ว เจี๊ยน ก๊อง.
แปง มน่อม หมวัง เยีย เต๋า เก๋า เญย หว่า,
เซ ไม้ เฒ์ย เยียม ก๊อง-แปะ ดั๊ว เมี่ยน เญย ฑุ่ย ก๊อง เญย หว่า.
2โท้ เม่ย ปุน ธีง เยีย เซ ไม้ ต่อง,
โท้ ปุน เม่ย เญย มฒีง หมั่ง ปวัด หาย หญู่ง เซ หอบ.
3เม่ย ฒู้ง เค้า เยีย เญย เฮญี้ยว, ลู่ง ม์วน หฒั่น หย่า ฒ่า เยีย,
เม่ย เสย ลิ์ว เยีย, เม่ย ไม้ ปวัด เยีย ต่อง หาย หญู่ง.
เยีย เญย ฑุ่ย หย่า ไม้ ก๊อง เอ๊าะ เญย สี่.
4ก๊อง เถา เมี่ยน โหฒว เญย สี่,
เยีย ปั่ง เม่ย เญย ฑุ่ย ก๊อง เญย หว่า.
เยีย ซิ้ม เจี๊ยน, ไม้ กัน
โหฒว โตะ เญย เมี่ยน เญย เจ๊า.
5เยีย เญย เหฒา-เบี่ย ขูง กัน เม่ย เญย เจ๊า มี่ง,
เยีย เญย เหฒา หย่า ไม้ ธ้าย พยัด.
6โอ ทิน-ฮู่ง อ้า! เยีย โจ้ว เม่ย เหว่ย หฒุ เม่ย ฒู้ง อ๋อย เตา เยีย.
โท้ แปง มน่อม หมวัง เยีย เญย หว่า.
7เม่ย เหฒียบ ฒัวะ เญย ฮนั้ม เมี่ยน,
โท้ ปุน เม่ย ฮนั้ม เญย เจ๊า หิ่น ธ้วด ต้าย.
เม่ย เญย บย่าว เจี๊ยะ ปั์ว เหฌียว ด้าว เขา เม่ย วั้ว เต๋ย
เปย๋า ดุ๊ด นิ่น บัว เญย วิน-วั้ง.
8โท้ เปว เยีย ฮนั้ง เปว เม่ย เญย มฒีง-เมี่ยน นอ,
โท้ ปุน เยีย ปี๋ง เยียม เม่ย เญย ด๊าด-เดี๊ย,#17:8 ไฟ “ด๊าด-เดี๊ย เญย ต้ง ลิ่น”.
9ปุน เยีย เปย๋า ดุ๊ด เหฒย เยีย วั้ว เต๋ย เอ๊าะ เมี่ยน เญย ปั์ว-เดี๊ย
เหธา เว่ย ก๋อม อ๋อย ห่อย เยีย เญย แหม่ง วั้ว เต๋ย วิน-วั้ง.
10นิ่น บัว เญย เฮญี้ยว ไม้ ค้อ-เลี่ยน เมี่ยน,#17:10 ฮิบลู หว่า ก๊อง, “นิ่น บัว ปุน นิ่น บัว เญย เฮมย กิ๊ด ดิบ เหฑ่ง”.
นิ่น บัว เญย ฑุ่ย ก๊อง หว่า-เหมา.
11นิ่น บัว ฒิ่ม เจี๊ยน เยีย มี่ง, อี้ หฒั่น เว่ย ก๋อม เยีย.
นิ่น บัว ปู๋ง มฒีง เธี่ยน หมั่ง, ฟ้ง เยีย คีง เหฌี่ย เดา.
12นิ่น บัว ฮนั้ง เซี่ยน นอ, อ๋อย เป๊ด เยีย,
หย่า ฮนั้ง เซี่ยน หลุน ปี๋ง เจี๊ยน เบว์ย เญย ต๋อง อ๋อย ห่อย เยีย.
13 เฒี้ยว อ้า! โท้ ต้าย เหธา นิ่น บัว เบ๊าะ จ๋า, ปุน นิ่น บัว หฒุ เซวย.
โท้ หล่ง เม่ย เญย หฑุ ด๊าว เหฌียว เยีย เญย แหม่ง เปย๋า ดุ๊ด เอ๊าะ เมี่ยน.
14โอ เฒี้ยว อ้า! โท้ หล่ง เม่ย เญย ปั์ว เหฌียว เยีย เล่ย ดุ๊ด
ต้ง เยียม น้าย เสย หฒั่ง ตุ๊ ลิ์ว นิ่น บัว เญย ป่วน เญย เมี่ยน.
โท้ ปุน ต้ง เม่ย เหว่ย นิ่น บัว เซียว ต้าย เญย ปวั๊ง นิ่น บัว เญย กะเซีย.
โท้ ปุน นิ่น บัว เญย ตอน-เจว๊ย ตุ๊ เก๋า เหฑ่ง.
เหฒ่ง เหฌี่ย วั้ว เต๋ย เลี่ยว เหฌี่ย ปุน นิ่น บัว เญย ฝุเจว๊ย.
15มป่า เยีย กั้น โหฒว ตุ๊ หอบ ฯฒฯ ตุ๊ ปวัด เม่ย เญย เฮมียน.
เยีย เญีย ต้าย เญย เฒี่ยง โห่, เยีย ตุ๊ ปวัด เม่ย
ฯฒฯ ปวั๊ง เฮญี้ยว อ๊ะ.
Currently Selected:
สีง ฑูง 17: IuMiTH
Highlight
Share
Copy
Want to have your highlights saved across all your devices? Sign up or sign in
Mien Bible (Thai Script) © Thailand Bible Society, 2007
