สีง ฑูง 16
16
สีง ฑูง 16
เฒี้ยว ปุน บัว หฑิบ หลง เญย ป่วน
ดาวิด เญย มี้กทาม ฑูง.
1โอ ทิน-ฮู่ง อ่า, โท้ เม่ย เปว เจี๊ยน เยีย,
เหว่ย หฒุ เยีย ด้าว เขา เม่ย.
2เยีย ก๊อง บั๋ว เฒี้ยว, “เม่ย โหฒว เยีย เญย เฒี้ยว,
ธ้วด ลิ์ว เม่ย เยีย ไม้ ม่าย หาย หญู่ง หลง.”
3เยียม ป้าม เกน เญย ธีง-เหฑ่ง แปะ ฝีง,
เซ เก้า หลง เจี๋ย, ต้ง เยีย เก้า อะเฮน้ย เจี๋ย เญย เมี่ยน.
4กิ๊น กัน เหญี่ย เญย เฒี่ยน วั้ว เต๋ย จา เฑ่า ธั้ม.
นิ่น บัว โต๋ เหฒี่ย เฒี่ยน เญย ฑย้าม, เยีย ไม้ โต๋.
เยีย เญย ฑุ่ย เหมย หย่า ไม้ ก๊อง ธ้วด น้าย เต๋ย เฒี่ยน เญย บั๋ว.
5 เฒี้ยว เซ เยีย หฑิบ เญย ป่วน,#16:5 หฑิบ เญย ป่วน ไฟ กิ๊น เญย ป่วน. ต้ง เม่ย พ้าย เหฒียง ปุน เยีย เญย ป่วน.#16:5 ฮิบลู หว่า ก๊อง เหธา เยีย เญย ฒ้าน.
เยีย อ๋อย ตุ๊ เญย ป่วน เม่ย เถง เยีย โก๋ว.
6หล่ง ฮลาง เดาะ ปุน เยีย เญย กั๊บ-จ๋าย ด๊อด หฒุ คู่ เยียม เญย ต๋อง.
เยีย ตุ๊ หฑิบ หลง ไห่ เญย ป่วน.
7เยีย อ๋อย เธง เฒี้ยว เหว่ย หฒุ นิ่น ต้อ เยีย.
ลู่ง ม์วน หฒั่น เยีย เญย เฮญี้ยว หย่า หฌาว เยีย.
8เยีย หฒั่นๆ ปุน เฒี้ยว เยียม เยีย เญย หฑะเฮมียน.
เหว่ย หฒุ นิ่น เยียม เยีย เญย บย่าว แหมง ไม้ ม่าย หาย หญู่ง กีง-ต์ง เยีย.#กง-โฒ่ 2:25-28
9เหว่ย น้าย เยีย เญย เฮญี้ยว เฌียน-โย่ว อะเฮน้ย ไห่.
เยีย เญย ซิน หย่า เยียม ตุ๊ ว้วน เญย,
10เหว่ย หฒุ เม่ย ไม้ กวั่ง เยีย เยียม เยี่ยม เกน,
หย่า ไม้ ปุน เม่ย เญย ธีง-เหฑ่ง เมี่ยน หฒุ ฮู้.#16:10 หฒุ ฮู้ ไฟ “เยียม เดา-เดี๊ย โด ไห่ เญย ค้วด”.#กง-โฒ่ 2:31; 13:35
11เม่ย อ๋อย ปุน เยีย ฮิ้ว ตุ๊ เฒี่ยง แหม่ง เญย เจ๊า.
เยียม เม่ย เญย หฑะเฮมียน เม่ย ปุน เยีย ม่าย เฌียน-โย่ว เถา ต้าว.
เยียม เม่ย เญย บย่าว เจี๊ยะ ปั์ว ม่าย เหยียด ลิ์ว เญย ออน-เหลาะ.
Currently Selected:
สีง ฑูง 16: IuMiTH
Highlight
Share
Copy
Want to have your highlights saved across all your devices? Sign up or sign in
Mien Bible (Thai Script) © Thailand Bible Society, 2007
