ทิน เต่ย โต้ว 28

1อีสัก ฯฒฯ เห่ว ยาโค้บ ต้าย หย่า ปวัง หว่า ปุน นิ่น,#28:1 ปวัง หว่า ปุน นิ่น ไฟ ก๊อง หวุ่ย ปวั้ง หว่า. ฯฒฯ หัด นิ่น, “เม่ย ไม้ ตู๋ง หล่ง คานาอัน เมี่ยน เญย เซียะ โหฒว เอ๊า. 2เม่ย อ๋อย หฒุ มี่ง ปัดดานอาลัม,#28:2 ปัดดานอาลัม เซ เมโสโปเตเมีย เต่ย เญย ป๊ะ ปูง เหธา ไฟ ปูง บุด๋ง. เม่ย เญย ตา อง, เบทูเอน, เญย เปย๊า. เยียม วั้ว หล่ง เอ๊า, หล่ง เต้า เม่ย เญย มา เญย ก๋อ, ลาบาน, เญย เซียะ. 3โท้ เน่น เจี๋ย เญย ทิน-ฮู่ง#28:3 ฮิบลู หว่า ก๊อง เอนซัดได. เหธย ฟุ ปุน เม่ย หฮยาง ต้าย ม่าย ฝุเจว๊ย ธั้ม, ฯฒฯ ตุ๊ โหฒว ธั้ม-ฝีง เมี่ยน เญย อง-ถาย. 4โท้ นิ่น เหธย ฟุ ปุน เม่ย เหธา เม่ย เญย เฒ้ย-ฟุน ฮนั้ง ฒิ่น ด่าง นิ่น เหธย ฟุ ปุน อับลาฮัม วั้ว นอ.#ทิน เต่ย โต้ว 17:4-8 หย่า ปุน เม่ย บัว ตุ๊ เม่ย อี้ หฒั่น เยียม เจี๊ยน น้าย นอม เต่ย-ปูง เป๋น เม่ย บัว เญย ป่วน, ต้ง ฒิ่น ด่าง ทิน-ฮู่ง เหธย ปุน อับลาฮัม เญย เต่ย-ปูง.” 5ฮนั้ง หน่าย อีสัก ฯฒฯ เห่ว ยาโค้บ มี่ง ปัดดานอาลัม, มี่ง ล์อ อาลัม เมี่ยน, เบทูเอน เญย ตอน, ลาบาน. ลาบาน หย่า โหฒว ยาโค้บ เหธา เอซาว เญย มา, เลเบคา, เญย ก๋อ.

เอซาว แอ๋ง หล่ง เต้า เอ๊า

6เอซาว ฮิ้ว ตุ๊ นิ่น เญย เตีย, อีสัก, ปวัง หว่า ยาโค้บ, บั๋ว นิ่น มี่ง ปัดดานอาลัม ล์อ เอ๊า หล่ง. นิ่น หย่า ฮิ้ว ตุ๊, ปวัง หว่า วั้ว หฒั่น อีสัก เห่ว นิ่น ไม้ ตู๋ง หล่ง คานาอัน เมี่ยน เญย เซียะ โหฒว เอ๊า. 7แอ๋ง ปวัด ยาโค้บ หมวัง นิ่น เตี๋ย หม่า เญย หว่า หฒะเก้ง มี่ง ปัดดานอาลัม หมี่ อ๊ะ. 8เอซาว ฯฒฯ เฒียะ ตุ๊ นิ่น เญย เตีย, อีสัก, ไม้ อะเฮน้ย คานาอัน เซียะ. 9นิ่น ฯฒฯ มี่ง ล์อ เต้า อับลาฮัม เญย ตอน, อิสะมาเอน, เญย เซียะ, เนบาโย้ด เญย หมั่ว, บั๋ว เห่ว มาหะลัด, หล่ง โหฒว เอ๊า-ฟาม.

ยาโค้บ เยียม เบดเอน เบ๋ย ปวัด

10ยาโค้บ ธ้วด เบเอเชบา, หูง เจี๊ยน มี่ง ฮาลาน ฒี่ง. 11มี่ง เกา, เถา นอม ต๋อง ปวัด บะฮนอย ม้วด หมี่ อ๊ะ, ฯฒฯ ฮิด วั้ว. นิ่น เปว๋ย วั้ว ฑ์ม เจี๊ยน หละเปย๊ย มฌ่อม. 12นิ่น เบ๋ย ปวัด ม่าย ฒูง เทย เยียม กะเดี๊ย เดา เหลียบ ฝาว เถา กู้ หงว่าย ลู่ง. หย่า ปวัด ทิน-ฮู่ง เญย ฟิน-เมี่ยน ฝาวๆ เหฌี่ยๆ เญย.#โยฮัน 1:51 13หย่า ม่าย เฒี้ยว โซ้ว เจี๊ยน เทย กู้ หงว่าย#28:13 เทย กู้ หงว่าย ไฟ นิ่น เญย กะเฮลน. ก๊อง บั๋ว นิ่น, “เยีย เซ เฒี้ยว, เม่ย เญย อง, อับลาฮัม, เญย ทิน-ฮู่ง, เหธา อีสัก เญย ทิน-ฮู่ง. ต้ง เม่ย อี้ หฒั่น เปว๋ย น้าย เต๋ย เดา เยีย อ๋อย จิว ปุน เม่ย เหธา เม่ย เญย เฒ้ย-ฟุน.#ทิน เต่ย โต้ว 13:14-15 14เม่ย เญย เฒ้ย-ฟุน อ๋อย ฮนั้ง ลู่ง เดี๊ย เญย เนีย-บูง ธั้ม. นิ่น บัว อ๋อย หฮยาง จั๊ง เจี๊ยน มี่ง ตง น่าม ไฟ ป๊ะ. เหว่ย เม่ย เหธา เม่ย เญย เฒ้ย-ฟุน ลู่ง เดี๊ย หม่าน ฝีง อ๋อย ตุ๊ ฟุ.#ทิน เต่ย โต้ว 12:3; 22:18 15จั๋ง เจี๊ยน โอ่. ไม้ กุ๊น เม่ย มี่ง เถา หาย เยีย เหธา เม่ย เยียม, อ๋อย โก๋ว เจี๊ยน เม่ย. เยีย หย่า อ๋อย ต้อ เม่ย แอ๋ง หฑวน เถา น้าย นอม เต่ย-ปูง. เยีย ฒู้ง ไม้ เล่ย ฆอย เม่ย, เถา เยีย โหฒว เหฒียง เอย เยีย แล์ง เญย หว่า.”

16ยาโค้บ เญีย ต้าย ก๊อง, “เฒี้ยว หฒะเก้ง เยียม น้าย นอม ต๋อง มป่า เยีย เลี่ยม ไม้ ฮิ้ว.” 17นิ่น หฒะเก้ง กั้ม เหฑีย ไห่ แอ๋ง ก๊อง, “น้าย หฒะเก้ง เยี้ย ไห่ เญย ต๋อง. ฮนั้ง หาย ฒู้ง โหฒว ทิน-ฮู่ง เญย ติ่น, หย่า โหฒว ทิน-ต้อง เญย แก้ง.”

18ตะเหญ่ย ดอม ยาโค้บ เจี์ย ซิน ต้าย เฑี้ยว เญย, เฒาะ นิ่น ฑ์ม วั้ว นอม หละเปย๊ย เหลียบ เจี์ย ต้าย ตน เจี๊ยน โหฒว จั๋ง-โห่. แอ๋ง เฒาะ โย่ว โต๋ เจี๊ยน หละเปย๊ย ฝูง ปุน ทิน-ฮู่ง. 19วั้ว นอม ต๋อง นิ่น ธ้วด บั๋ว เห่ว เบดเอน.#28:19 เบดเอน เญย เอ๋ย เล์ย เซ ทิน-ฮู่ง เญย ติ่น. (ฒิ่น ด่าง วั้ว นอม ฒี่ง เญย บั๋ว เห่ว ลู้ด.)

20ยาโค้บ แอ๋ง แล์ง แหง่ง หว่า. นิ่น ก๊อง, “สี ก๊อง ทิน-ฮู่ง เหธา เยีย เยียม ต้ง อี้ หฒั่น เยีย มี่ง เญย เจ๊า, หย่า โก๋ว เจี๊ยน เยีย, ปุน เยีย ม่าย หญั่น ม่าย ฮบ, ม่าย ลุย-โหว ฒุ, 21หย่า ปุน เยีย แป้ง ออน เญย หฑวน เยีย เญย เตีย เญย เปย๊า นอ, เฒี้ยว ฯฒฯ เป๋น เยีย เญย ทิน-ฮู่ง อ๊ะ. 22เยีย เหลียบ น้าย นอม หละเปย๊ย ต้าย เหว่ย โหฒว จั๋ง-โห่ ฯฒฯ เป๋น ทิน-ฮู่ง เญย ติ่น. ตะฟ่าน เม่ย ปุน หาย หญู่ง เยีย, เยีย อ๋อย เฒาะ เหฒียบ โก๊ว เญย เหยียด โก๊ว ฝ่ง ห่อ เม่ย.”

Currently Selected:

ทิน เต่ย โต้ว 28: IuMiTH

Highlight

Copy