ทิน เต่ย โต้ว 16

ฮากา เหธา อิสะมาเอน

1อับลาม เญย เอ๊า, ซาลาย, ไม้ ไฮ่ ยู์ง ฝุเจว๊ย ปุน อับลาม. ซาลาย ม่าย เต้า โน่ว เป์ย, บั๋ว เห่ว ฮากา, เซ อียิบ เมี่ยน. 2ซาลาย ฯฒฯ ก๊อง บั๋ว อับลาม, “เฒี้ยว ปุน เยีย ไม้ ไฮ่ ตุ๊ ฝุเจว๊ย. เม่ย เปียะ มี่ง เหธา เยีย เญย โน่ว เป์ย เปว๋ย ม่าะ! เหฑีย เยีย ไฮ่ หลาย นิ่น ตุ๊ ฝุเจว๊ย มเปย.”

อับลาม หมวัง ซาลาย เญย หว่า. 3อับลาม เญย เอ๊า, ซาลาย, ฯฒฯ เฒาะ นิ่น เญย โน่ว เป์ย วั้ว เต้า อียิบ เมี่ยน, ฮากา, ปุน นิ่น เญย โหฆ หล่ง โหฒว เอ๊า. (วั้ว หฒั่น อับลาม เยียม คานาอัน เต่ย-ปูง ตุ๊ เหฒียบ หฮญัง.) 4อับลาม เหธา ฮากา เปว๋ย, ฮากา ฯฒฯ ม่าย เจี๊ยน ซิน อ๊ะ.

ฮากา ฮิ้ว ตุ๊ กั้น ม่าย เจี๊ยน ซิน, นิ่น ฯฒฯ หมั่ง ไม้ ฝาว เหมว่ย นิ่น เญย เฒี้ยว, ซาลาย. 5ซาลาย ก๊อง บั๋ว อับลาม, “เซ หลาย เม่ย เยีย หธีง หฒุ ฮากา หมั่ง เยีย ไม้ เจี์ย. เยีย เฒาะ เยีย เญย โน่ว เป์ย ปุน เม่ย ชัม เจี๊ยน. อี้ หฒั่น นิ่น ฮิ้ว ตุ๊ นิ่น ม่าย เจี๊ยน ซิน นิ่น ฯฒฯ หมั่ง เผีย เยีย. โท้ เฒี้ยว เซี้ยม หมั่ง ก๋า, เยีย โหฒว ตุ๊ หอบ ไฟ เม่ย โหฒว ตุ๊ หอบ.”

6อับลาม เตา, “นิ่น มต้าย โหฒว เม่ย เญย โน่ว เป์ย, เยียม เม่ย เญย ปั์ว-เดี๊ย. เม่ย อ๋อย ฮนั้ง หาย นอ โหฒว ปุน นิ่น, เซว่ย เม่ย โหฒว อ๊ะ ม่าะ!” ซาลาย โหฒว โตะ ฮากา, ฮากา ฯฒฯ เปย๋า หมี่ อ๊ะ.

7 เฒี้ยว เญย ฟิน-เมี่ยน ปวั้ง ฮากา เยียม เต่ย-ปูง-ฮวาง มี่ง ซูวา ฒี่ง วั้ว ติ้ว เจ๊า เญย ววม-ฒี้ง เฮลน, 8ฯฒฯ หน่าย นิ่น, “ซาลาย เญย โน่ว เป์ย, ฮากา อ้า! เม่ย เยียม หาย ต้าย? อ๋อย มี่ง หาย?”

ฮากา เตา, “เยีย เปย๋า เยีย เญย เฒี้ยว, ซาลาย อ๊ะ.”

9 เฒี้ยว เญย ฟิน-เมี่ยน แอ๋ง ก๊อง, “เม่ย อ๋อย หฒุ หฑวน เม่ย เญย เฒี้ยว วั้ว หย่า บัวะ นิ่น กุ๊น.” 10เฒี้ยว เญย ฟิน-เมี่ยน แอ๋ง ก๊อง บั๋ว นิ่น, “เยีย อ๋อย ปุน เม่ย เญย เฒ้ย-ฟุน หฮยาง ต้าย ฒู้ง ซ้าว ไม้ ฮี่ง.”

11 เฒี้ยว เญย ฟิน-เมี่ยน แอ๋ง ก๊อง บั๋ว ฮากา,

“เม่ย อี้ หฒั่น ม่าย เจี๊ยน ซิน,

อ๋อย ยู์ง ตุ๊ เต้า ตอน.

เม่ย อ๋อย หฒุ เถง นิ่น ธ้วด บั๋ว เห่ว อิสะมาเอน,#16:11 อิสะมาเอน วั้ว นอม บั๋ว เญย เอ๋ย เล์ย เซ ทิน-ฮู่ง ไฮ์ หมี่ อ๊ะ.

เหว่ย หฒุ เฒี้ยว ไฮ์ ลิ์ว เม่ย เญย โค้ว หน่าน อ๊ะ.

12เม่ย เญย ตอน อ๋อย ฮนั้ง เต้า เฮยี่ย ล่อ นอ.

นิ่น เญย ปั์ว อ๋อย เบ๊าะ หฒวัง เมี่ยน,

หฒวัง เมี่ยน หย่า อ๋อย เบ๊าะ นิ่น.

เหธา นิ่น เญย เหยียด ฒู้ง มั์ว-ต่อย#16:12 “เหธา นิ่น เญย เหยียด ฒู้ง มั์ว-ต่อย” ไฟ “นิ่น เยียม ตง ปูง แหมง”.

หย่า ไม้ ไฮ่ หอบ.”

13ฮากา ฯฒฯ ธ้วด บั๋ว ปุน เฒี้ยว, ต้ง เหธา นิ่น ก๊อง หว่า วั้ว เต้า. นิ่น ก๊อง, “เม่ย เซ หมั่ง ตุ๊ ปวัด เยีย วั้ว เต้า ทิน-ฮู่ง.” แอ๋ง ก๊อง, “เยีย เยียม น้าย ปวัด ลิ์ว หมั่ง ตุ๊ ปวัด เยีย วั้ว เต้า มป่า หธ่อ ม่าย แหม่ง เฒี่ยง เญย?” 14ฮนั้ง น้าย นอ เยียม คาเดด เหธา เบเล้ด บุด๋ง วั้ว นอม ววม-ค้วด, เมี่ยน ธ้วด บั๋ว เห่ว เบเอลาไฮลอย.#16:14 เบเอลาไฮลอย เญย เอ๋ย เล์ย เซ “เฒี่ยง เจี๊ยน หมั่ง ตุ๊ ปวัด เยีย วั้ว เต้า เญย ววม-ค้วด”.

15ฆะฮ้า ฮากา ยู์ง ตุ๊ เต้า ตอน ปุน อับลาม. อับลาม ฯฒฯ เถง นิ่น เญย ตอน ธ้วด บั๋ว เห่ว อิสะมาเอน.#กาลาเทีย 4:22 16ฮากา ยู์ง อิสะมาเอน ปุน อับลาม วั้ว หฒั่น อับลาม เญย หฮญัง-เจ๊ย ตุ๊ เป๊ด เหฒียบ หลัวะ หฮญัง.

Currently Selected:

ทิน เต่ย โต้ว 16: IuMiTH

Highlight

Copy