ทิน เต่ย โต้ว 17

เจี๋ย ก๊าด เญย เล์ย โหฒว แหง่ง หว่า เญย จั๋ง-โห่

1อับลาม เญย หฮญัง-เจ๊ย ตุ๊ จั๊ว เหฒียบ จั๊ว หฮญัง วั้ว หฒั่น, เฒี้ยว หิ่น ธ้วด ต้าย บั๋ว นิ่น, “เยีย เซ เน่น เจี๋ย เญย ทิน-ฮู่ง.#17:1 ฮิบลู หว่า ก๊อง เอนซัดได. เม่ย อ๋อย หฒุ หมวัง เยีย เญย หว่า, หฒั่นๆ โหฒว หอบ, ไม้ ลั่ม เฆ่ม ต๋อง. 2เยีย อ๋อย เหธา เม่ย เหลียบ แหง่ง หว่า หย่า อ๋อย ปุน เม่ย เญย เฒ้ย-ฟุน หฮยาง เจี๊ยน ฝาว ธั้ม.”

3อับลาม ฯฒฯ พัวะ เหฌี่ย เดา. ทิน-ฮู่ง ก๊อง บั๋ว นิ่น, 4“น้าย เซ เยีย เหธา เม่ย เหลียบ เญย แหง่ง หว่า. เม่ย ฯฒฯ โหฒว ธั้ม-ฝีง เมี่ยน เญย อง-ถาย-แงะ. 5ยั่ง น้าย เจี๋ย เม่ย เญย บั๋ว ไม้ เห่ว อับลาม#17:5 อับลาม เญย เอ๋ย เล์ย เซ “ม่าย เม่ง โห่ เญย เตีย”. อ๊ะ. เม่ย เญย บั๋ว อ๋อย หฒุ เห่ว อับลาฮัม,#17:5 อับลาฮัม เญย เอ๋ย เล์ย เซ “ธั้ม-ฝีง เมี่ยน เญย เตีย”. เหว่ย หฒุ เยีย ปุน เม่ย โหฒว ธั้ม-ฝีง เมี่ยน เญย อง-ถาย-แงะ.#โลมา 4:17 6เยีย อ๋อย ปุน เม่ย เญย เฒ้ย-ฟุน หฮยาง ธั้ม ต้าย, ฒู้ง เป๋น เหฒีย ฝีง เมี่ยน, หย่า ม่าย ธั้ม-เต้า ฮู่ง เยียม เม่ย ธ้วด ต้าย. 7เยีย เหธา เม่ย แอ๋ง เหธา เม่ย ต่อย เจี๋ย ต่อย เญย เฒ้ย-ฟุน เหลียบ เจี์ย แหง่ง หว่า, เป๋น เหยียด ลิ์ว เญย แหง่ง หว่า. เซ เยีย แล์ง โหฒว เม่ย เญย ทิน-ฮู่ง หย่า โหฒว เม่ย เญย โฮ์ ต่อย เฒ้ย-ฟุน เญย ทิน-ฮู่ง.#ลูกา 1:55; กาลาเทีย 3:16 8ต้ง เม่ย อี้ หฒั่น เยียม เจี๊ยน เป๋น กั้น ฝีง เมี่ยน น้าย นอม เต่ย-ปูง, เซ คานาอัน เญย เหยียด ฒู้ง เต่ย-ปูง, เยีย อ๋อย จิว ปุน เม่ย, ปุน เม่ย เหธา เม่ย เญย เฒ้ย-ฟุน เหยียด ลิ์ว ตุ๊ หฑิบ. เยีย หย่า อ๋อย โหฒว นิ่น บัว เญย ทิน-ฮู่ง.”#กง-โฒ่ 7:5

9ทิน-ฮู่ง ก๊อง บั๋ว อับลาฮัม, “เม่ย กั้น แอ๋ง เหธา เม่ย เญย โฮ์ ต่อย เฒ้ย-ฟุน อ๋อย หฒุ ต่อย เจี๋ย ต่อย เอย เจี๊ยน เยีย เญย แหง่ง หว่า. 10น้าย เซ เยีย เหธา เม่ย แอ๋ง เหธา เม่ย เญย โฮ์ ต่อย เฒ้ย-ฟุน เหลียบ เญย แหง่ง หว่า, ต้ง เม่ย บัว อ๋อย หฒุ เอย เจี๊ยน เญย แหง่ง หว่า. เยียม เม่ย บัว กะญั์ว เญย เต้าๆ มจั่ง ตอน อ๋อย หฒุ เจี๋ย ก๊าด เญย เล์ย.#กง-โฒ่ 7:8; โลมา 4:11 11เม่ย อ๋อย หฒุ เจี๋ย ก๊าด เญย เล์ย เหว่ย โหฒว เยีย เหธา เม่ย เหลียบ แหง่ง หว่า เญย จั๋ง-โห่.#ทิน เต่ย โต้ว 17:24; 21:4 12เม่ย ต่อย เจี๋ย ต่อย เญย มจั่ง ตอน, ตะฟ่าน กู้งว์า-ตอน ธ้วด เสย ต้าย ตุ๊ เหฮยียด ฮนอย วั้ว ฮนอย อ๋อย หฒุ เจี๋ย ก๊าด เญย เล์ย. เลี่ยม เยียม เม่ย เญย เปย๊า ฒง ธ้วด เสย เญย เหธา หล่ง ญ่าน เถง กั้น ฝีง ม์าย ต้าย เญย เมี่ยน, เซ ไม้ เฒ์ย เม่ย บัว กั้น เญย เธียน เฒ้ย-ฟุน, อ๋อย หฒุ เจี๋ย ก๊าด เญย เล์ย. 13ไม้ กุ๊น เยียม เม่ย เญย เปย๊า ฒง ธ้วด เสย ไฟ หล่ง เม่ย เญย ญ่าน ม์าย ต้าย, เต้าๆ ฒู้ง อ๋อย หฒุ เจี๋ย ก๊าด เญย เล์ย. ฮนั้ง น้าย เซ เยียม เม่ย บัว เญย ซิน โหฒว จั๋ง-โห่ ปุน ธีง เยีย เหธา เม่ย บัว เหลียบ เจี์ย เหยียด ลิ์ว เญย แหง่ง หว่า. 14หาย เต้า มจั่ง ตอน ไม้ เจี๋ย ก๊าด เญย เล์ย ฯฒฯ เยียม นิ่น เญย เมี่ยน บุด๋ง หฒุ ไพ กวั่ง,#17:14 หฒุ ไพ กวั่ง เญย เอ๋ย เล์ย เซ หฒุ ไต่ ไฟ หฒุ ไต๋. หลาย นิ่น ไม้ เอย เยีย เญย แหง่ง หว่า.”

15ทิน-ฮู่ง แอ๋ง ก๊อง บั๋ว อับลาฮัม, “เม่ย เญย เอ๊า, ซาลาย, เยียม น้าย มี่ง ไม้ เห่ว ซาลาย อ๊ะ. อ๋อย หฒุ เห่ว ซาลา.#17:15 ซาลา เญย เอ๋ย เล์ย เซ ฮู่ง เซียะ. 16เยีย อ๋อย เหธย ฟุ ปุน นิ่น, ฒู้ง อ๋อย ปุน นิ่น ยู์ง เต้า ตอน ปุน เม่ย. เยีย อ๋อย เหธย ฟุ นิ่น, ปุน นิ่น โหฒว ธั้ม-ฝีง เมี่ยน เญย มกู๋ ถาย แงะ. หย่า อ๋อย ม่าย ธั้ม-ฝีง เมี่ยน เญย ฮู่ง เยียม นิ่น ธ้วด.”

17อับลาฮัม พัวะ เหฌี่ย เดา จั๊ด เจี๊ยน เยียม เฮญี้ยว ฮนั้ม, “ตุ๊ เหยียด แป๊ะ หฮญัง เญย มจั่ง ตอน หธ่อ ไฮ่ ม่าย ฝุเจว๊ย ไฟ นี? ซาลา ตุ๊ จั๊ว เหฒียบ หฮญัง นิ่น หธ่อ ไฮ่ ม่าย กู้งว์า เญย?” 18นิ่น บั๋ว ทิน-ฮู่ง, “โอ โท้ เม่ย เหธย ฟุ ปุน อิสะมาเอน.”

19ทิน-ฮู่ง เตา, “ไม้ เฒ์ย. เซ เม่ย เญย เอ๊า, ซาลา กั้น, อ๋อย ยู์ง เต้า ตอน ปุน เม่ย. เม่ย อ๋อย หฒุ เถง นิ่น ธ้วด บั๋ว เห่ว อีสัก.#17:19 อีสัก เญย เอ๋ย เล์ย เซ นิ่น จั๊ด. เยีย อ๋อย เหธา นิ่น เหลียบ แหง่ง หว่า, เซ เหธา นิ่น เญย โฮ์ ต่อย เฒ้ย-ฟุน เหลียบ เหยียด ลิ์ว เญย แหง่ง หว่า. 20มป่า เยีย ไฮ์ เม่ย เถง อิสะมาเอน โท้, เยีย ฯฒฯ เหธย ฟุ ปุน นิ่น หย่า ปุน นิ่น ม่าย เฒ้ย-ฟุน หฮยาง ต้าย ธั้ม. นิ่น อ๋อย โหฒว เหฒียบ เหญ่ย เต้า เปย๊ย เฒ้ย เญย เตีย. เยีย หย่า อ๋อย ปุน นิ่น เญย เฒ้ย-ฟุน เป๋น เหยียด กั๊วะ โฮล เญย. 21มป่า เยีย เหลียบ เญย แหง่ง หว่า, เยีย อ๋อย เหธา อีสัก เหลียบ, ต้ง ซาลา เถา ตะเหญ่ย หฮญัง น้าย นอม เฒี่ยง โห่ อ๋อย ยู์ง วั้ว เต้า.” 22ทิน-ฮู่ง เหธา อับลาฮัม ก๊อง ลิ์ว น้าย เต๋ย หว่า, ทิน-ฮู่ง ฯฒฯ เล่ย ฆอย นิ่น หมี่ อ๊ะ.

23ต้ง วั้ว ฮนอย อับลาฮัม เอย เจี๊ยน ทิน-ฮู่ง เญย หว่า โหฒว. นิ่น เถง นิ่น เญย ตอน, อิสะมาเอน, เหธา เยียม นิ่น เญย เปย๊า ฒง เต้าๆ มจั่ง ตอน, ไม้ กุ๊น เยียม นิ่น เญย เปย๊า ธ้วด เสย ไฟ หล่ง ญ่าน เถง กั้น ฝีง ม์าย เญย, เหยียด ฒู้ง มจั่ง ตอน เจี๋ย ก๊าด เญย เล์ย เหฑ่ง อ๊ะ. 24เจี๋ย ก๊าด เญย เล์ย วั้ว หฒั่น อับลาฮัม ตุ๊ จั๊ว เหฒียบ จั๊ว หฮญัง. 25นิ่น เญย ตอน, อิสะมาเอน, ตุ๊ เหฒียบ ฟาม หฮญัง. 26ต้ง วั้ว ฮนอย อับลาฮัม เหธา นิ่น เญย ตอน, อิสะมาเอน, เจี๋ย ก๊าด เญย เล์ย. 27นิ่น เญย เปย๊า ฒง เหยียด ฒู้ง มจั่ง ตอน, เซ เยียม นิ่น เญย เปย๊า ธ้วด เสย ไฟ หล่ง ญ่าน เถง กั้น ฝีง ม์าย ต้าย เญย เมี่ยน, เหธา อับลาฮัม บัว เหยียด เหฌี่ย เจี๋ย ก๊าด เญย เล์ย.

Currently Selected:

ทิน เต่ย โต้ว 17: IuMiTH

Highlight

Copy