กง-โฒ่ 24
24
ยิวไท เมี่ยน มี่ง โก๋ เปาโล
1ฆะฮ้า ปยา ฮนอย, อานาเนีย ต้ม ไซ เมี่ยน เหธา เต๋ย เมี่ยน โก๋ เหธา เต้า แหธง สี่ เมี่ยน, บั๋ว เห่ว เททูลัด, มี่ง ซีซาลียา ฒี่ง เยียม หฒูง เญย หฑะเฮมียน โก๋ เปาโล. 2ต้อ เปาโล เปียะ ต้าย, เททูลัด ฯฒฯ เจี์ย กอน โก๋ เปาโล อ๊ะ. นิ่น ก๊อง, “เฟลิก ต้ม หฒูง อ้า! เหว่ย เม่ย โหฒว หฒูง เยีย บัว เญย เต่ย-ปูง ตุ๊ ถาย-แป้ง เล่า เญย. กั๊วะ หฒั่ง ม่าย หาย หญู่ง ไม้ เป๋น, เม่ย หย่า หฒ่อ หลง เจี๊ยน ฝาว. 3เยีย บัว หาย เต้า เยียม หาย นอม ต๋อง อะเฮน้ย ไห่ หย่า หฒะเก้ง ม่าย เฮญี้ยว แล์ง ฒี่ง เม่ย. 4มป่า อี้ หฒั่น เยีย บัว ไม้ อ๋อย ฒ้อ เม่ย เญย เฒี่ยง โห่ เล่า. โท้ เม่ย หล่ง หน่อย หมวัง เยีย บัว ก๊อง อี เหฒีย โจ๋ว หว่า โอ่.
5“เยีย บัว ปวัด น้าย ล่าน เมี่ยน ขูง ธัวะ สี่ ฮนั้ง, ดั๊ว ลู่ง เดี๊ย ยิวไท เมี่ยน หลุ่น เหฑ่ง. นิ่น หย่า โหฒว เต้า นาซาเล้ด วั้ว เจ๊า เมี่ยน เญย เปย๊ย เฒ้ย. 6ไม้ ตาน ธัวะ สี่ ฮนั้ง, นิ่น เลี่ยม หฒั่ง ทิน-ฮู่ง เญย เปย๊า อ๋อย ปุน ม่าย หวุย, เยีย บัว หธีง ต้าย เฒาะ นิ่น,#24:6 ม่าย เต๋ย โล์-ฮนอย โซว ไม้ ม่าย ตะหลัวะ เหยี่ยม เตว๊ย เถา ตะเป๊ด เหยี่ยม กอน. อ๋อย เอย เยีย บัว เญย เล์ย เซี้ยม ฒุ์ย. 7มป่า วั้ว เต้า ต้ม แปง-เปย๊ย, ลีเซี้ยด, ต้าย ชั้ง ม่าน ธ้าง นิ่น เยียม เยีย บัว เญย ปั์ว-เดี๊ย ธ้วด ต้าย, 8หย่า ก๊อง โก๋ เปาโล วั้ว เต๋ย เมี่ยน อ๋อย หฒุ ต้าย เม่ย น้าย โก๋. สี ก๊อง เม่ย กั้น ฒ่า หน่าย นิ่น, เม่ย ฯฒฯ ฮิ้ว ตุ๊ เยีย บัว โก๋ นิ่น น้าย เต๋ย สี่ เซ หฒะเก้ง เฒียน เญย.”
9ยิวไท เมี่ยน หย่า ฟี่ ฮนั้ง เญย ก๊อง โก๋ เปาโล วั้ว เต๋ย สี่ เหยียด ฒู้ง เฒียน เญย.
เปาโล ไจ๊ ซิน
10เฟลิก หฒูง อู๊ บั๋ว เปาโล ก๊อง, เปาโล ฯฒฯ ก๊อง อ๊ะ. นิ่น ก๊อง, “เยีย ฮิ้ว ตุ๊ เม่ย เยียม น้าย นอม กั๊วะ ตุ๋น สี่ ตุ๊ ธั้ม-หฮญัง อ๊ะ. เยีย ฯฒฯ อะเฮน้ย ต้าย เม่ย น้าย ก๊อง เยีย เญย สี่ ปุน เม่ย หมวัง. 11เยีย มี่ง เยลูซาเลม ป๋าย ทิน-ฮู่ง เซ ไม้ แก้ง เจี๋ย เหฒียบ เหญ่ย ฮนอย. น้าย เม่ย กั้น หน่าย ตุ๊ ธ้วด เญย. 12โก๋ เยีย น้าย เต๋ย เมี่ยน ไม้ ปวัด เยีย เยียม หฒั่ง ทิน-ฮู่ง เญย เปย๊า แฑง หาย หญู่ง จ๋า, หย่า ไม้ ปวัด เยีย เยียม หาย นอม หวุ่ย ต้อง ไฟ ฒี่ง กะญั์ว หาย เดา เหธว หลุ่น หฒวัง เมี่ยน. 13นิ่น บัว โก๋ เยีย น้าย เต๋ย สี่ นิ่น บัว ล์อ ไม้ ตุ๊ หาย หญู่ง โหฒว ฒอง-เหฒง ปุน ธีง หฒะเก้ง ฮนั้ง หน่าย.
14“มป่า เยีย เหญี่ยม ปุน เม่ย, เยีย กัน ต้ง นิ่น บัว เห่ว จ๊า วั้ว ติ้ว เจ๊า, หฒั่ง เยีย บัว เญย อง-ถาย เญย ทิน-ฮู่ง. มป่า เยีย หย่า เสียน เหฑ่ง โมเซ เญย เล์ย-หลัด เหธา ทิน-ฮู่ง เญย หฒวัง โต่ว หว่า เมี่ยน เญย โซว. 15เยีย หย่า ฮนั้ง นิ่น บัว นอ, เขา ทิน-ฮู่ง ม่าย ลั่ม ฮนั้ม, เหว่ย หฒุ เยีย หย่า เสียน ไม้ กุ๊น คู้ เมี่ยน ไฟ เอ๊าะ เมี่ยน, ไต่ มี่ง มป่า แอ๋ง อ๋อย นั่ง ต้าย. 16เหว่ย น้าย เยีย หล่ง เหฑ่ง ชะ เยียม ทิน-ฮู่ง เญย หฑะเฮมียน เหธา หฒวัง เมี่ยน เญย หฑะเฮมียน หฒั่นๆ หล่ง เหฒียบ ฒัวะ เญย ล่าง ฟิม.
17“เยีย เล่ย เยลูซาเลม ฒี่ง เหฒีย หฮญัง อ๊ะ. ฆะฮ้า แอ๋ง หฑวน มี่ง เหว่ย ต้อ เต๋ย ญ่าน เถง เหธา เยีย จวั่ง ฝีง เญย เมี่ยน, หย่า ต้อ กะน้าย มี่ง ฝ่ง ห่อ ปุน ทิน-ฮู่ง.#กง-โฒ่ 21:17-28 18นิ่น บัว ปวัด เยีย เยียม หฒั่ง ทิน-ฮู่ง เญย เปย๊า เอย เล์ย สา ลิ์ว หวุย อ๊ะ. วั้ว หฒั่น ไม้ ม่าย เมี่ยน ธั้ม เหธา เยีย กั๊บ ฒุ้น เยียม, เยีย หย่า ไม้ เหธว หลุ่น. 19มป่า ม่าย เต๋ย เยียม เอเซีย แซ้ง ต้าย เญย ยิวไท เมี่ยน. สี ก๊อง น้าย เต๋ย เมี่ยน ม่าย หาย หญู่ง สี่ อ๋อย โก๋ เยีย, นิ่น บัว ฒู้ง หอบ หฒุ ต้าย เม่ย น้าย โก๋ อ๊ะ. 20ไม้ เฒย นอ, อี้ หฒั่น เยียม น้าย เญย เมี่ยน ปวัด เยีย เยียม กุ๊น สี่ หวุ่ย วั้ว หฒั่น ต่อง หาย หญู่ง, นิ่น บัว อ๋อย หฒุ ก๊อง อ๊ะ. 21สี ก๊อง ต่อง ต้ง น้าย ดุ หญู่ง ฮนั้ง, เยีย เยียม นิ่น บัว เญย หฑะเฮมียน วั้ว หฒั่น เยีย เห่ว เจี๊ยน ก๊อง, ‘เยีย อี้ ฮนอย เยียม น้าย หฒุ เซี้ยม ฒุ์ย เซ เหว่ย หฒุ เยีย เสียน เมี่ยน ไต่ มี่ง มป่า แอ๋ง ไฮ่ นั่ง ต้าย.’”#กง-โฒ่ 23:6
22เฟลิก หฒูง ฮิ้ว ตุ๊ วั้ว ติ้ว เจ๊า หม่วน เต๋ย เญย, ฯฒฯ ฮิด เหฌี่ย น้าย เต๋ย สี่ แอ๋ง ก๊อง, “ฒั้ว ต้ม แปง-เปย๊ย, ลีเซี้ยด, ต้าย เถา, เยีย ฯฒฯ ตุ๋น เม่ย เญย สี่.” 23นิ่น หย่า บั๋ว แปง-เปย๊ย โก๋ว หลง เปาโล, ปุน นิ่น มี่งๆ ต้ายๆ เต๋ย, หย่า ไม้ ตู๋ง ล่าน นิ่น เญย หาย เต้า เมี่ยน. เซว่ย นิ่น บัว ต้าย หลิ่ว เล์ย เต๋ย นิ่น.
เฟลิก เหธา นิ่น เญย เอ๊า หมวัง เปาโล ก๊อง
24เจี๋ย ต้าย ธั้ม-ฮนอย เต๋ย, เฟลิก เหธา นิ่น เญย เอ๊า, ดูสินลา, ต้าย. นิ่น เญย เอ๊า เซ ยิวไท เมี่ยน. เฟลิก เห่ว เปาโล ต้าย ฯฒฯ หมวัง นิ่น ก๊อง เสียน กีตู่ เยซู เญย เจ๊า-โหล่ว. 25เปาโล ก๊อง เถา โหฒว หอบ เญย เจ๊า, กุ๊น ตุ๊ กั้น, หย่า ก๊อง เถา อ๋อย ต้าย เญย เซี้ยม ฒุ์ย ฮนอย. เฟลิก กั้ม เหฑีย ไห่, บั๋ว เปาโล, “บัวะ น้าย เก๋า อ๊ะ. อี้ หฒั่น เม่ย กุ๊น มี่ง อ๊ะ. หาย หฒั่น ม่าย เฒี่ยง โห่ เยีย แอ๋ง เห่ว เม่ย ต้าย.” 26แอ๋ง ม่าย ติ่ว, เฟลิก เยียม เฮญี้ยว ฮนั้ม มเหฑีย เปาโล อ๋อย ฑุ์ย เต๋ย ญ่าน มเปย, หธีง ต้าย หฒั่นๆ เห่ว เปาโล ต้าย เหธา นิ่น ก๊อง หว่า.
27อี หฮญัง เจี๋ย ลิ์ว, ปอสิอัด เฟสะทัด ต้าย โหฒว หฒูง ตี๊ เฟลิก. เฟลิก อ๋อย ยิวไท เมี่ยน อะเฮน้ย นิ่น ฯฒฯ ไม้ ปู๋ง เปาโล, หธ่อ ขวน เจี๊ยน วั้ว โล่.
Currently Selected:
กง-โฒ่ 24: IuMiTH
Highlight
Share
Copy
Want to have your highlights saved across all your devices? Sign up or sign in
Mien Bible (Thai Script) © Thailand Bible Society, 2007
