2 ซามูเอน 23
23
ดาวิด เญย เซ้ด เมว์ย หว่า
1น้าย เซ ดาวิด เญย เซ้ด เมว์ย หว่า.
“เซ เจียดซี เญย ตอน, ดาวิด,
ต้ง ตุ๊ เหลียบ ฝาว ฮลัง วั้ว เต้า ก๊อง.
เซ ยาโค้บ เญย ทิน-ฮู่ง หล่ง โย่ว ออน นิ่น ต้าย,
นิ่น เหว่ย อิสะลาเอน โหฒ่ คู่ หมวัง เญย ฑูง ก๊อง,
2“เฒี้ยว เญย สีง ลี่ง หล่ง เยีย ก๊อง,
นิ่น เญย หว่า เยียม เยีย เญย ฑุ่ย.
3อิสะลาเอน เญย ทิน-ฮู่ง ก๊อง,
เซ เปว อิสะลาเอน วั้ว เต้า#23:3 ฮิบลู หว่า ก๊อง อิสะลาเอน เญย หละเปย๊ย. ก๊อง บั๋ว เยีย,
‘หาย เต้า หล่ง แป้ง ฟิม เญย เจ๊า กุ๊น เมี่ยน,
เซ นิ่น ท่าย ทิน-ฮู่ง เญย หว่า กุ๊น,#23:3 ฮิบลู หว่า ก๊อง “ท่าย ทิน-ฮู่ง เญย หลี่ง กุ๊น” ไฟ กั้ม เหฑีย ทิน-ฮู่ง.
4นิ่น กุ๊น เมี่ยน ฮนั้ง ลู่ง ดอม บะฮนอย ธ้วด เญย ฌัง,
ฮนั้ง ลู่ง ดอม เฑี้ยว, ไม้ ม่าย บ๋วน,
ฮนั้ง ตุ้ย ป่า บยู่ง เญย ฌัง,
ฮนั้ง บยู่ง ปุน เมี้ย เยียม เดา ธ้วด.’
5“เยีย เญย เฒ้ย-ฟุน เหธา ทิน-ฮู่ง หอบ ไม้ เฒ์ย?
เหว่ย หฒุ นิ่น เหธา เยีย เหลียบ เหยียด ลิ์ว เญย แหง่ง หว่า,
เหยียด ฒู้ง ม่าย เหยียด เหญ่ย หย่า ว้วน เญย.
เยีย เญย เหฌียว เอน เหธา เหยียด ฒู้ง ม่าย ลั่ม ฮนั้ม เญย,
นิ่น ฒู้ง อ๋อย โหฒว เหฒียง ไม้ เฒ์ย?
6มป่า เหยียด ฒู้ง ไม้ ลั่ม หล่ง เญย เมี่ยน#23:6 ไฟ “ไม้ กัน ทิน-ฮู่ง เญย เมี่ยน”.
ฮนั้ง ฌิ้ม นอ, หฒุ ฒอย กวั่ง,
ไม้ ไฮ่ หล่ง ปั์ว เฒาะ.
7มป่า หาย เต้า เมี่ยน มัวะ,
อ๋อย หฒุ ต้อ เจี๊ยน เฮลียะ-จา-สี่ เหธา ธัง-แป๋ง,
หย่า หล่ง โต์ว ปั๊ว ชุย เหฑ่ง.”#23:7 ไฟ “หย่า เยียม นิ่น บัว เญย ต๋อง ปั๊ว ชุย เหฑ่ง”.
ดาวิด เฮ้น ไห่ เญย จุน-เฒ้ย เมี่ยน
(เป๊ย หมั่ง 1 ฒุ่น ต่อย โต้ว 11:10-41)
8น้าย เซ ดาวิด เฮ้น ไห่ เญย จุน-เฒ้ย เมี่ยน เญย บั๋ว. ม่าย ทักโมนี เมี่ยน, โยเช้บบัดเชเบด. นิ่น โหฒว วั้ว เต๋ย “ปัว เต้า” เญย เปย๊ย เฒ้ย. นิ่น เบ๊าะ เหยียด หฑุ่น จ๋า, นิ่น หล่ง ธัง ฑบ ไต่ เป๊ด แป๊ะ เต้า เมี่ยน.
9น้าย เต๋ย “ปัว เต้า” เญย ตะเหญ่ย เต้า เซ อาโหไฮ เมี่ยน, โดโด#23:9 ม่าย เต๋ย โซว ก๊อง โดได. เญย ตอน, เอเลอาซา. ม่าย หฑุ่น นิ่น เหธา ดาวิด โด๊ว ฟีลิสะเตีย เมี่ยน, ต้ง ฟีลิสะเตีย เมี่ยน กั๊บ ฒุ้น ต้าย เบ๊าะ จ๋า วั้ว หฒั่น. อิสะลาเอน เญย แปง ฯฒฯ ถุย เหฑ่ง. 10มป่า เอเลอาซา โซ้ว เจี๊ยน วั้ว ไต๋ ฟีลิสะเตีย เมี่ยน เถา นิ่น เญย ปั์ว หญุย, ฒู้ง แน้ด เจี๊ยน หฑุ ด๊าว โจ๊ว. วั้ว ฮนอย เฒี้ยว ปุน อิสะลาเอน เมี่ยน ฮี่ง เจี๋ย เหฑ่ง. เบ๊าะ ป่า จ๋า, แปง หฑวน เอเลอาซา วั้ว, มป่า ขูง เหว่ย เฑ์า หฒุ ไต๋ ไต่ วั้ว เต๋ย เมี่ยน เญย กะน้าย ฮนั้ง.
11วั้ว เต๋ย “ปัว เต้า” เญย ตะฟาม เต้า เซ ฮาลา เมี่ยน, อาเก เญย ตอน, ซัมมา. ฟีลิสะเตีย เมี่ยน กั๊บ ฒุ้น เยียม ฑง เด่ย ม่าย ตบ ซิ ปวั๊ง เหฑ่ง. อิสะลาเอน เมี่ยน เญย แปง ถิว เปย๋า ฟีลิสะเตีย เมี่ยน. 12มป่า ซัมมา โซ้ว เจี๊ยน วั้ว ฑง เด่ย กะญั์ว แฑง วั้ว ฑง เด่ย หย่า ไต๋ ฟีลิสะเตีย เมี่ยน. เฒี้ยว เถง อิสะลาเอน เมี่ยน หฒะเก้ง! ฮี่ง เจี๋ย.
13ม่าย “ฟ่า เหฒียบ เต้า” วั้ว เต๋ย เฮ้น ไห่ เญย จุน-เฒ้ย เมี่ยน เญย ปัว เต้า เหฌี่ย เถา อาดุนลัม เญย แบ๋ง-ค้วด ล์อ ดาวิด. แอ๋ง ม่าย กวั้น ฟีลิสะเตีย เมี่ยน เหลียบ เธี้ยง เยียม เลฟาอิม ฮ์อง. 14วั้ว หฒั่น ดาวิด เยียม นอม เว่ย ว้วน เญย ต๋อง, ฟีลิสะเตีย เมี่ยน เหลียบ เธี้ยง เยียม เบดเลเฮม. 15ดาวิด ไฮ์ หง่อ ววม ฯฒฯ ก๊อง ธ้วด ฑุ่ย, “เฝย ตุ๊ ม่าย เมี่ยน มี่ง ดั๊ม เต๋ย เยียม เบดเลเฮม ฒี่ง แก้ง กะเฮลน เญย ววม-ค้วด เญย ววม ต้าย ปุน เยีย ฮบ.” 16น้าย เต๋ย ปัว เต้า เฮ้น ไห่ เญย จุน-แปง ฯฒฯ หนิ่ม เปียะ ฟีลิสะเตีย เมี่ยน เญย เธี้ยง, ดั๊ม เต๋ย เยียม เบดเลเฮม ฒี่ง แก้ง กะเฮลน เญย ววม-ค้วด เญย ววม ต้อ หฑวน ปุน ดาวิด. มป่า นิ่น ไม้ คั้ง ฮบ. ต๋าว หฑวน นิ่น โต๋ ธ้วด เยียม เฒี้ยว เญย หฑะเฮมียน. 17นิ่น ก๊อง, “โอ เฒี้ยว อ่า, เยีย ฝู่ง ไฮ่ ฮบ น้าย เต๋ย ววม? เซ ฮนั้ง ฮบ น้าย เต๋ย เมี่ยน เญย ฑย้าม เหว่ย หฒุ นิ่น บัว ไม้ หล่ง แหม่ง เญย มี่ง ดั๊ม ต้าย.” เหว่ย น้าย ดาวิด ไม้ ฮบ.
น้าย เซ วั้ว เต๋ย ปัว เต้า เฮ้น ไห่ เญย จุน-แปง โหฒว เญย สี่.
18เสลุยา เญย ตอน, โยอาบ เญย โย์ว, อาบีไช, โหฒว วั้ว เต๋ย “ฟ่า เหฒียบ เต้า”#23:18 ไฟ “ปัว เต้า.” เป๊ย หมั่ง 1 ฒุ่น ต่อย โต้ว 11:20. เญย เปย๊ย เฒ้ย. นิ่น หล่ง ธัง ไต๋ เหฑ่ง ฟาม-แป๊ะ เต้า เมี่ยน ฯฒฯ ตุ๊ เม่ง เต้า ฮนั้ง วั้ว เต๋ย “ปัว เต้า” โฮล. 19เยียม วั้ว เต๋ย “ฟ่า เหฒียบ เต้า” กะญั์ว นิ่น ตุ๊ เมี่ยน ท่าย เก้า ธั้ม.#23:19 ม่าย เต๋ย โซว ก๊อง ปัว เต้า. เป๊ย หมั่ง 1 ฒุ่น ต่อย โต้ว 11:25. นิ่น ตุ๊ โหฒว นิ่น บัว เญย เปย๊ย เฒ้ย ไม้ กุ๊น นิ่น ไม้ เฒ์ย วั้ว เต๋ย “ปัว เต้า” เญย เหยียด เต้า. มป่า เป๊ย ไม้ เถา วั้ว เต๋ย “ปัว เต้า.”
20เยโฮยาดา เญย ตอน, เบไนยา, เซ เหยียด เต้า เยียม ขับเซเอน ต้าย เบ๊าะ จ๋า เฮ้น เญย จุน-เฒ้ย เมี่ยน. นิ่น โหฒว เหฒีย หญู่ง โฮล เญย สี่. นิ่น ไต๋ อี เต้า โมอับ เมี่ยน เบ๊าะ จ๋า เฮ้น ไห่ เญย แปง. แอ๋ง ม่าย หฑุ่น ต๋อย ตุ้ย ซอง เญย เฒี่ยง โห่ นิ่น เหฌี่ย นอม ค้วด ไต๋ เต้า เซี่ยน ไต่. 21นิ่น แอ๋ง ไต๋ เต้า โฮล ฮลัง#23:21 ไฟ เหฑว่ย. เญย อียิบ เมี่ยน. วั้ว เต้า อียิบ เมี่ยน นั้น เจี๊ยน ธัง มป่า เบไนยา หล่ง เดี๋ยง-ด๋น เหฌี่ย มี่ง ล์อ. นิ่น ธ้าง อียิบ เมี่ยน เญย ธัง ต้าย, หล่ง วั้ว ติ้ว ธัง ไต๋ นิ่น อ๊ะ. 22น้าย เซ เยโฮยาดา เญย ตอน, เบไนยา, โหฒว เญย สี่. นิ่น หย่า ตุ๊ เม่ง เต้า ฮนั้ง วั้ว เต๋ย ปัว เต้า เฮ้น ไห่ เญย จุน-เฒ้ย เมี่ยน โฮล. 23นิ่น ตุ๊ เม่ง เต้า เก้า โฮล วั้ว เต๋ย “ฟ่า เหฒียบ เต้า” มป่า ไม้ ด่ง วั้ว เต๋ย “ปัว เต้า.” ดาวิด หย่า พ้าย นิ่น โหฒว นิ่น เญย ซิน-เฮลน เมี่ยน เญย เปย๊ย เฒ้ย.
24เยียม วั้ว เต๋ย “ฟ่า เหฒียบ เต้า” กะญั์ว ม่าย
โยอาบ เญย โย์ว, อาสาเฮน,
เบดเลเฮม เมี่ยน, โดโด เญย ตอน, เอนฮานัน,
25ฮาโล้ด เมี่ยน, ซัมมา,
ฮาโล้ด เมี่ยน, เอลีคา,
26เพเล้ด เมี่ยน, เฮเล้ดเท,
เทโคอา เมี่ยน, อิกเขด เญย ตอน, อิละ,
27อานาโท้ด เมี่ยน, อาบีเยเซ,
หุซา เมี่ยน, เมบุนไน,#23:27 ฮิบลู หว่า เญย โซว เก้า ธั้ม เจี๋ย เฟี้ย สิบเบไค. เป๊ย หมั่ง 1 ฒุ่น ต่อย โต้ว 11:29.
28อาโหไฮ เมี่ยน, สันโมน,
เนโทฟา เมี่ยน, มาหะไล,
29เนโทฟา เมี่ยน, บาอานา เญย ตอน, เฮเล้ด,#23:29 ฮิบลู หว่า เก้า ธั้ม เจี๋ย ก๊อง เฮเล้บ. เป๊ย หมั่ง 1 ฒุ่น ต่อย โต้ว 11:30.
เบนยามิน ฝีง, กิเบอา เมี่ยน, ลีไบ เญย ตอน, อิดไท,
30ปิลาโทน เมี่ยน, เบไนยา,
กาอัด ฮ์อง เญย เมี่ยน, ฮิดได,#23:30 ม่าย เต๋ย กีก โซว ก๊อง หุไล. เป๊ย หมั่ง 1 ฒุ่น ต่อย โต้ว 11:32.
31อาลาบา เมี่ยน, อาบียันโบน,
บาฮูลิม เมี่ยน, อัดมาเว้ด,
32ซาอันโบน เมี่ยน, เอลียาบา,
กิมโซ เมี่ยน, ฮาเซม, เญย เฒ้ย-ฟุน,
ยาเซน เญย ตอน บัว,
โยนาทาน,#23:32 ม่าย เต๋ย ก๊อง “ฮาลาน เมี่ยน, ซามา เญย ตอน, โยนาทาน”.
33ฮาลา เมี่ยน, ซามา เญย ตอน,
ฮาลา เมี่ยน, ชาลา,#23:33 ม่าย เต๋ย กีก หว่า เญย โซว ก๊อง ซาลา. เป๊ย หมั่ง 1 ฒุ่น ต่อย โต้ว 11:35. เญย ตอน, อาหิยัม,
34มาอาคา เมี่ยน, อาหัดไบ เญย ตอน, เอลีเฟเล้ด,
กิโลน เมี่ยน, อาหิโทเฟน เญย ตอน, เอลีอัม,
35คานเมน เมี่ยน, เฮ้ดโล,
อาล้าบ เมี่ยน, ปาไล,
36โสบา เมี่ยน, นาทัน เญย ตอน, อิกาน,
กัด เมี่ยน, บานี,
37อัมโมน เมี่ยน, เสเล้ก,
เบเอโล้ด เมี่ยน, นาหะไล, เซ เถง เสลุยา เญย ตอน, โยอาบ, ต้อ เบ๊าะ จ๋า เญย หวัวะ กิ่น วั้ว เต้า.
38อิดไล เมี่ยน, อิละ,
อิดไล เมี่ยน, กาเล้บ,
39ฮิดไท เมี่ยน, อุลียา,
เหยียด ฒู้ง ม่าย ฟ่า เหฒียบ เธี้ยด เต้า.
Currently Selected:
2 ซามูเอน 23: IuMiTH
Highlight
Share
Copy
Want to have your highlights saved across all your devices? Sign up or sign in
Mien Bible (Thai Script) © Thailand Bible Society, 2007