2 ซามูเอน 24
24
ดาวิด ซ้าว อิสะลาเอน เหธา ยูดา เมี่ยน
(เป๊ย หมั่ง 1 ฒุ่น ต่อย โต้ว 21:1-27)
1 เฒี้ยว แอ๋ง เฉีย! เจี์ย ไห่ อิสะลาเอน เมี่ยน ฯฒฯ โธะ ดาวิด ห่อย นิ่น บัว. นิ่น บั๋ว ดาวิด, “มี่ง ซ้าว อิสะลาเอน เหธา ยูดา เมี่ยน ม่าะ!”
2ดาวิด ฯฒฯ ก๊อง บั๋ว โยอาบ แอ๋ง เหธา นิ่น เยียม เญย ต้ม แปง-เปย๊ย, “มี่ง ก๋อม ฝีงๆ อิสะลาเอน เมี่ยน, เยียม ดาน เถา เบเอเชบา, ซ้าว เมี่ยน เหว่ย ปุน เยีย ฮิ้ว ตุ๊ แปะ ฝีง เญย โสว โหม่ว.”
3มป่า โยอาบ ก๊อง บั๋ว ฮู่ง เตี๋ย, “โท้ เฒี้ยว, เม่ย เญย ทิน-ฮู่ง, ปุน แปะ ฝีง จา หฮยาง เก้า ธั้ม อี้ หฒั่น ม่าย เญย เหยียด แป๊ะ โก๊ว, ปุน เยีย เญย เฒี้ยว, ฮู่ง เตี๋ย, เญย มฒีง ตุ๊ ปวัด. มป่า เยีย เญย เฒี้ยว ฮู่ง เตี๋ย เหว่ย หาย ติ่ว โหฒว น้าย เต๋ย สี่?”
4มป่า โยอาบ เหธา ต้ม แปง-เปย๊ย แหง่ง ไม้ ตุ๊ ฮู่ง เตี๋ย เญย หว่า. โยอาบ เหธา จุน-แปง เญย ต้ม แปง-เปย๊ย ฯฒฯ เยียม ฮู่ง เญย หฑะเฮมียน ธ้วด มี่ง ซ้าว อิสะลาเอน เมี่ยน เญย แปะ ฝีง.
5นิ่น บัว เจี๋ย ลิ์ว จอแดน ด้าย ฯฒฯ เหลียบ เธี้ยง เยียม อาโลเอ ฒี่ง, ต้ง เยียม ฮ์อง กะญั์ว เญย น่าม ปูง ฒี่ง. นิ่น บัว แอ๋ง หูง เจี๊ยน กาด แอ๋ง เจี๋ย มี่ง เถา ยาเซ. 6นิ่น บัว ต้าย เถา กิเลอาด แอ๋ง มี่ง เถา ตาทิมโหดชี.#24:6 ฮิบลู หว่า ก๊อง ตาทิมโหดชี. กีก หว่า ก๊อง “ฮิดไท เมี่ยน เญย เต่ย, คาเดด”. นิ่น บัว แอ๋ง มี่ง เถา ดันยาอัน,#24:6 กีก หว่า ก๊อง, ดาน. หวี่ง มี่ง เถา ไซดอน. 7นิ่น บัว แอ๋ง เถา เว่ย ว้วน เญย ฒี่ง, ไทละ, แอ๋ง มี่ง เถา ฮีไว เมี่ยน เหธา คานาอัน เมี่ยน เญย นอมๆ ฒี่ง. ฆะฮ้า ลาย นิ่น บัว เถา ยูดา เญย เนเกบ เต่ย, เบเอเชบา วั้ว นอม ต๋อง.
8นิ่น บัว มี่ง ก๋อม เต่ย-ปูง ลิ์ว, ฯฒฯ หฑวน เยลูซาเลม. นิ่น บัว หล่ง ดั้ว หฮลา เหธา หญี่ เหฒียบ ฮนอย.
9โยอาบ ฯฒฯ มี่ง บั๋ว ดาวิด นิ่น ซ้าว แปะ ฝีง เญย โสว โหม่ว. เยียม อิสะลาเอน ไฮ่ หล่ง หฑุ ด๊าว หย่า โหฒว เฮ้น เญย แปง ม่าย เป๊ด เหฒียบ หว่าน เต้า. ยูดา ม่าย ฮม์ เหฒียบ หว่าน.
เฒี้ยว ตี่ง ดาวิด เญย ฒุ์ย
(เป๊ย หมั่ง 1 ฒุ่น ต่อย โต้ว 21:7-17)
10ดาวิด ซ้าว ลิ์ว เมี่ยน, นิ่น ไฮ์ เฮญี้ยว ไม้ หลง. นิ่น ฯฒฯ ก๊อง บั๋ว เฒี้ยว, “เยีย ฮนั้ง น้าย นอ โหฒว เยีย ป์าม ฒุ์ย โฮล ไห่. มป่า เฒี้ยว อ่า, โท้ เม่ย กวั่ง เยีย, เม่ย เญย โปว เญย ฒุ์ย, เหว่ย หฒุ เยีย โหฒว น้าย เต๋ย สี่ หฒะเก้ง หฮงง ไห่.”
11ตะเหญ่ย ดอม ดาวิด เจี์ย ซิน ต้าย, ดาวิด เญย โต่ว หว่า เมี่ยน, กาด, ตุ๊ ฒิบ เฒี้ยว เญย หว่า หมี่ อ๊ะ. 12นิ่น ก๊อง, “มี่ง บั๋ว ดาวิด, ‘เฒี้ยว ฮนั้ง น้าย ก๊อง. เยีย ม่าย ปัว หญู่ง ปุน เม่ย กิ๊น. เม่ย กิ๊น หาย หญู่ง, เยีย ฯฒฯ โหฒว วั้ว หญู่ง ปุน เม่ย.’”
13กาด ฯฒฯ มี่ง ล์อ ดาวิด, บั๋ว นิ่น, “เฒี้ยว ฮนั้ง น้าย นอ ก๊อง, ‘เม่ย อ๋อย ปุน เม่ย เญย เต่ย-ปูง หฒุ ปัว#24:13 ฮิบลู หว่า ก๊อง เสี่ย. หฮญัง เญย ต้ม หง่อ ไฟ? ไฟ อ๋อย หฒุ เม่ย เญย วิน-วั้ง หฒุ่น เปย๋า ปัว หฮลา เหญียะ? ไฟ เม่ย เญย เต่ย-ปูง อ๋อย หฒุ ม่าย ปัว ฮนอย เญย ต้ม ววน-แป่ง?’ อี้ หฒั่น ฮนั้ม หมั่ง ก๋า, เยีย อ๋อย หฒุ ฮนั้ง หาย นอ เตา พ้าย เยีย ต้าย วั้ว เต้า?’”
14ดาวิด ก๊อง บั๋ว กาด, “เยีย เก้ง ไฮ์ อะ ไห่. เยีย โท้ เยียม เฒี้ยว เญย ปั์ว เหว่ย หฒุ นิ่น หฒะเก้ง ค้อ-เลี่ยน ไห่ เมี่ยน, มป่า โท้ ไม้ ตู๋ง ปุน เยีย หฒุ เยียม ป้าม เมี่ยน เญย ปั์ว-เดี๊ย.”
15ฮนั้ง หน่าย, เยียม ลู่ง ดอม เถา ตี่ง ต้าย เญย เฒี่ยง โห่, เฒี้ยว ปุน อิสะลาเอน เมี่ยน ปุ๊ด ต้ม ววน-แป่ง. เยียม ดาน เถา เบเอเชบา ม่าย เสี่ย หว่าน เต้า อิสะลาเอน เมี่ยน ไต่. 16ฟิน-เมี่ยน ซูง ปั์ว อ๋อย เหมียด เยลูซาเลม วั้ว หฒั่น, เฒี้ยว ฯฒฯ ก๊อย หฒะเอ๋ย หมี่ อ๊ะ. นิ่น ก๊อง บั๋ว เหมียด เมี่ยน วั้ว เต้า ฟิน-เมี่ยน, “เก๋า อ๊ะ. ฮล้วด เม่ย เญย ปั์ว ม่าะ!” วั้ว หฒั่น เฒี้ยว เญย ฟิน-เมี่ยน โซ้ว เจี๊ยน เยียม เยบุด เมี่ยน, อาลาวนา, เญย เบ๊าะ เบย้า เธี้ยง.
17ดาวิด ปวัด ไต๋ เมี่ยน วั้ว เต้า ฟิน-เมี่ยน นิ่น ก๊อง บั๋ว เฒี้ยว, “เซ ต้ง เยีย ป์าม ฒุ์ย. เซ ต้ง เยีย โหฒว ต่อง. น้าย เต๋ย ปะกี ยู่ง ไม้ โหฒว หาย หญู่ง. โท้ ปุน เม่ย เญย ปั์ว หฒุ เยีย เหธา เยีย เญย ฮมวั้ง ต่อย ฮนั้ง.”
ดาวิด เหธย เหฒี่ย-ต้อง
(เป๊ย หมั่ง 1 ฒุ่น ต่อย โต้ว 21:18—22:1)
18ต้ง วั้ว ฮนอย กาด มี่ง ล์อ ดาวิด หย่า ก๊อง บั๋ว นิ่น, “เม่ย อ๋อย หฒุ มี่ง เยบุด เมี่ยน, อาลาวนา, เญย เบ๊าะ เบย้า เธี้ยง เหว่ย เฒี้ยว เหธย นอม เหฒี่ย-ต้อง.” 19ดาวิด ฯฒฯ เอย เจี๊ยน เฒี้ยว หล่ง กาด หัด เญย หว่า มี่ง อ๊ะ. 20อาลาวนา หมั่ง ปวัด ฮู่ง เตี๋ย เหธา นิ่น เญย เจียน หูง เจี๊ยน นิ่น ต้าย, นิ่น ธ้วด มี่ง เยียม ฮู่ง เตี๋ย เญย หฑะเฮมียน บ๊าบ เหฌี่ย, เฮมียน เถา เดา.
21อาลาวนา ก๊อง, “เยีย เญย เฒี้ยว, ฮู่ง เตี๋ย, เหว่ย หาย ติ่ว ต้าย ล์อ เยีย, เม่ย เญย โปว?”
ดาวิด เตา, “เยีย ต้าย ม์าย เม่ย เญย เบ๊าะ เบย้า เธี้ยง เหว่ย เฒี้ยว เหธย นอม เหฒี่ย-ต้อง ปุน แปะ ฝีง ปุ๊ด เญย ต้ม ววน-แป่ง ไฮ่ ตี้ง.”
22อาลาวนา ก๊อง บั๋ว ดาวิด, “เยีย เญย เฒี้ยว, ฮู่ง เตี๋ย, ปวัด หาย หญู่ง อะเฮน้ย หล่ง, กุ๊น เฒาะ ต้าย หล่ง เหฒี่ย. หมั่ง ม่าะ! น้าย ม่าย ง่ง เหว่ย โหฒว ปั๊ว เหฒี่ย เญย กะน้าย. แอ๋ง ม่าย ง่ง เญย เดี๋ยง-ก์า เหธา เบ๊าะ เบย้า เญย กะน้าย เหว่ย โหฒว ฒ่าง. 23โอ ฮู่ง เตี๋ย อ้า! น้าย เหยียด ฒู้ง เยีย, อาลาวนา, ฝูง ปุน เม่ย อ๊ะ.” อาลาวนา แอ๋ง จา หว่า ก๊อง, “โท้ เฒี้ยว, เม่ย เญย ทิน-ฮู่ง, หอบ เฮญี้ยว ฮู่ง เตี๋ย.”
24มป่า ฮู่ง เตี๋ย ก๊อง บั๋ว อาลาวนา, “ไม้ เฒ์ย เหลาะ. เยีย อ๋อย หฒิว จ๋า-ฒิ่น เถง เม่ย ม์าย. เยีย ไม้ อ๋อย หล่ง แปะๆ ตุ๊ ต้าย เญย กะน้าย ฝ่ง ห่อ ปั๊ว เหฒี่ย ปุน เฒี้ยว, เยีย เญย ทิน-ฮู่ง.”
ดาวิด ฯฒฯ หล่ง เหฒียบ ฮม์ ลู์ง#24:24 ฮิบลู หว่า ก๊อง 50 เซเขน. เซ เล่ย ไม้ โก 0.6 กีโล. ญ่าน ม์าย เบ๊าะ เบย้า เธี้ยง เหธา ง่ง. 25ดาวิด เยียม วั้ว เหว่ย เฒี้ยว เหธย นอม เหฒี่ย-ต้อง, แอ๋ง ฝ่ง ห่อ ปั๊ว เหฒี่ย เหธา เหฒี่ย เหว่ย จิว ทง เญย กะน้าย. เหว่ย น้าย, เฒี้ยว หมวัง เหว่ย วั้ว นอม เต่ย-ปูง โท้ เญย หว่า. เยียม อิสะลาเอน ปุ๊ด เญย ต้ม ววน-แป่ง ฯฒฯ ตี้ง หมี่ อ๊ะ.
Currently Selected:
2 ซามูเอน 24: IuMiTH
Highlight
Share
Copy
Want to have your highlights saved across all your devices? Sign up or sign in
Mien Bible (Thai Script) © Thailand Bible Society, 2007