2 ซามูเอน 22
22
ดาวิด เธง เญย ฑูง
(เป๊ย หมั่ง สีง ฑูง 18:1-50)
1ดาวิด ป๋าว น้าย ติ้ว ฑูง เญย หว่า ปุน เฒี้ยว ต๋อย เฒี้ยว เหฌียว นิ่น เปย๋า ดุ๊ด นิ่น เญย เหยียด ฒู้ง วิน-วั้ง เหธา เซาโล เญย ปั์ว-เดี๊ย วั้ว ฮนอย. 2นิ่น ก๊อง,
“เฒี้ยว โหฒว เยีย เญย หละเปย๊ย,
เยีย เขา ว้วน เญย ต๋อง เหธา เหฌียว เยีย วั้ว เต้า.
3เยีย เญย ทิน-ฮู่ง เซ เยีย เญย หละเปย๊ย, ต้ง เยีย ด้าว เขา วั้ว เต้า.
นิ่น โหฒว เยีย เญย ท้อง-ป้าย, โหฒว ชะ#22:3 ฮิบลู หว่า ก๊อง จอง. จอง เป๊ย เถา ชะ. เถง เยีย ฮี่ง เจี๋ย.
นิ่น โหฒว ว้วน เญย ต๋อง เปว เยีย, โหฒว เยีย ด้าว เขา เญย ต๋อง,
เยีย เญย เหฌียว เฒี้ยว.
เม่ย เหฌียว เยีย เปย๋า ดุ๊ด เธี้ยว เญย สี่.
4เยีย เห่ว เฒี้ยว, ต้ง ผุย ตุ๊ เมี่ยน เธง วั้ว เต้า.
นิ่น หย่า เหฌียว เยีย เปย๋า ดุ๊ด เยีย เญย วิน-วั้ง.
5“ม่าย หฒุ ไต่ เญย ชะ ฮนั้ง ววม-หล่าง เว่ย เจี๊ยน เยีย,
หฒุ เหมียด เญย เจ๊า ฮนั้ง ววม-หล่าง เป๊ะ เหยียม เจี๊ยน เยีย.
6เยี่ยม เกน เญย ฮลาง เหฑ่น เจี๊ยน เยีย,
ไฮ่ ไต่ เญย ชะ บย์อง เจี๊ยน เยีย ฮนั้ง มู์ง นอ.
7หฒุ โค้ว เญย เฒี่ยง โห่ เยีย เห่ว เจี๊ยน โท้ เฒี้ยว.
เยีย โจ้ว เยีย เญย ทิน-ฮู่ง.
นิ่น เยียม นิ่น เญย สีง ติ่น กะญั์ว หมวัง ไฮ์ เยีย เญย เฉีย.
เยีย เห่ว เจี๊ยน นิ่น เญย เฉีย เปียะ เถา นิ่น เญย มน่อม.
8“วั้ว หฒั่น เดา-เป้ย หฒุ บู้งๆ เบี๊ยนๆ เญย,
ลู่ง เญย กอน-โด๊ะ หย่า หฒุ ดั่น ต์ง ญั่นๆ เญย,
เหว่ย หฒุ นิ่น เฉีย เจี์ย.
9โต์ว-เสียว ยั่ง นิ่น เญย บะฒอง ธ้วด.
นิ่น เญย ฑุ่ย ธ้วด ไฮ่ ปั๊ว ชุย เญย โต์ว,
เหธา ม่าย โต์ว-เบียด เญย โต์ว-ถาน.
10นิ่น ปุน ลู่ง ฆอย ฯฒฯ เหฌี่ย ต้าย,
ม่าย บ๋วน-เจี๊ยะ เยียม นิ่น เญย เหฒา-เดี๊ย.
11นิ่น เก้ เคลูบิม ได๋ มี่ง,
ปวัด นิ่น ปั่ง หฑยาว เญย ชะ#22:11 ฮิบลู หว่า ก๊อง หฑยาว เญย ด๊าด. ต้าย.
12นิ่น ปุน หฮมวัง อม นิ่น เญย ซิน,
กั๊บ ฒุ้น เญย ววม เป๋น บ๋วน-เจี๊ยะ ท้อง เจี๊ยน นิ่น.
13เยียม นิ่น เญย หฑะเฮมียน ฌัง ไห่ เญย ฌัง
ฮนั้ง ม่าย เจี๊ยน โต์ว เญย ถาน
หฌับๆ เญย ธ้วด ฮนั้ง บะหลี่ง นอ.
14 เฒี้ยว เยียม กู้ หงว่าย ลู่ง
ก๊อง ธ้วด ฮนั้ง บะอง บุย,
เยียม ฮลัง เจี๋ย วั้ว เต้า บุย.
15นิ่น ป๊วน ธ้วด ฟอง-ธัง โหฒว ปุน วิน-วั้ง หฑาน.
นิ่น ป์อง บะหลี่ง, แฮะ วิน-วั้ง เปย๋า หลุ่น เหฑ่ง.
16 เฒี้ยว หัด เฮนี้ย เญย,
นิ่น ปย๊ม เฉีย ยั่ง นิ่น เญย บะฒอง ธ้วด.
ค้อย เญย โด๊ะ ฯฒฯ หิ่น ธ้วด ต้าย,
เดา เญย กอน-โด๊ะ หย่า ธ้วด ต้าย แหฆ่ง เญย.
17“นิ่น เยียม กู้ หงว่าย ฮลัง เญย ต๋อง ซูง ปั์ว เฒาะ เยีย,
เยียม ววม-โด เญย ต๋อง แปง ธ้วด ต้าย.
18นิ่น เหฌียว เยีย เปย๋า ดุ๊ด เยีย เฮ้น ไห่ เญย วิน-วั้ง
เหธา ฑอง เยีย วั้ว เต๋ย เมี่ยน,
เหว่ย หฒุ นิ่น บัว เก้า เฮ้น เจี๋ย เยีย.
19เยีย หฒุ เหฒะ หน่าน เญย ฮนอย-เหญียะ นิ่น บัว ต้าย ห่อย เยีย,
มป่า เฒี้ยว โหฒว เยีย เขา เญย ต๋อง.
20นิ่น ต้อ เยีย ธ้วด ต้าย เถา นอม จั๊ง เญย ต๋อง.
นิ่น เหฌียว เยีย เหว่ย หฒุ นิ่น อะเฮน้ย เยีย.
21“หฒิว เยีย โหฒว ตุ๊ หอบ, เฒี้ยว ปุน ฒี่ง เหญ่ย เยีย.
หฒิว เยีย ไม้ โหฒว ต่อง,#22:21 ฮิบลู หว่า ก๊อง “หฒิว เยีย เญย ปั์ว ธีง-เหฑ่ง.” เอ๋ย เล์ย เซ นิ่น ไม้ โหฒว ต่อง. นิ่น วิ่น ปุน เยีย.
22เหว่ย หฒุ เยีย กัน เหฑ่ง เฒี้ยว เญย โต์,
เยีย ไม้ โหฒว หว่าย แหง่ง เยีย เญย ทิน-ฮู่ง.
23นิ่น เญย เหยียด ฒู้ง เล์ย เยียม เยีย เญย หฑะเฮมียน,
เยีย หย่า ไม้ เล่ย ฆอย นิ่น เญย เล์ย-หลัด.
24เยีย เยียม นิ่น เญย หฑะเฮมียน ไม้ ม่าย ต่อง เญย ต๋อง.
เยีย หย่า โก๋ว หลง กั้น, ไม้ โหฒว ต่อง ฒุ์ย.
25เหว่ย น้าย, หฒิว เยีย โหฒว ตุ๊ หอบ,
หย่า หฒิว นิ่น หมั่ง ปวัด เยีย ธีง-เหฑ่ง,#22:25 ฮิบลู หว่า ก๊อง “นิ่น ปวัด เยีย เญย ปั์ว ธีง-เหฑ่ง”.
เฒี้ยว วิ่น ปุน เยีย.
26“เหว่ย เหฒียบ ฒัวะ เญย เมี่ยน เม่ย ปุน ธีง เม่ย เหฒียบ ฒัวะ,
เหว่ย ไม้ ม่าย ต๋อง เฆ่ม เญย เมี่ยน, เม่ย ปุน ธีง เม่ย กั้น ไม้ ม่าย ต๋อง เฆ่ม.
27เหว่ย ธีง-เหฑ่ง วั้ว เต๋ย, เม่ย ปุน ธีง เม่ย กั้น ธีง-เหฑ่ง.
เหว่ย เฮญี้ยว ฌ้วด เญย เมี่ยน, เม่ย หย่า ปุน ธีง เม่ย แหง่ง นิ่น บัว.
28เม่ย เหฌียว เหญี่ยม กั้น โหฒว ไฝ เญย เมี่ยน,
มป่า เม่ย เญย มฒีง หมั่ง เจี๊ยน เธง-โฮล วั้ว เต๋ย
เหว่ย ปุน นิ่น บัว ด๊อด เหฌี่ย.
29โอ เฒี้ยว อ่า, เม่ย โหฒว เยีย เญย ตัง.
เยีย เญย ทิน-ฮู่ง, หฒิว เยีย หฮมวัง เญย ต๋อง ฌัง ต้าย.
30เยีย ปั่ง เม่ย ฯฒฯ ไฮ่ เบ๊าะ ตุ๊ จุน-แปง.
เยีย เขา เยีย เญย ทิน-ฮู่ง ไฮ่ ปิว เจี๋ย ฒี่ง หลาด.
31“ทิน-ฮู่ง แอ๊ะ, นิ่น เญย โต์ ตุ้น ยุ่น เญย.
เฒี้ยว แล์ง เญย หว่า, ปวัด หฒะเก้ง เฒียน เญย.
นิ่น โหฒว ท้อง-ป้าย
เหว่ย เหยียด ฒู้ง ด้าว เขา นิ่น เญย เมี่ยน.
32ธ้วด ลิ์ว เฒี้ยว,
หาย เต้า โหฒว ทิน-ฮู่ง?
ธ้วด ลิ์ว บัว เญย ทิน-ฮู่ง,
หาย เต้า เป๋น วั้ว นอม หละเปย๊ย?
33ทิน-ฮู่ง เซ เยีย เขา ตุ๊ ว้วน เญย ต๋อง.
นิ่น หย่า ปุน เยีย เญย เจ๊า แป้ง ออน.
34นิ่น ปุน เยีย เญย เหฒา ฮนั้ง ไฌ่ เญ์ย เญย เต้ย นอ,
ธ้าย ตุ๊ เจี๊ยน,#22:34 ธ้าย ตุ๊ เจี๊ยน ไฟ เซี้ยบ.
หย่า ปุน เยีย ไฮ่ เยียม ฮลัง เญย ต๋อง โซ้ว ตุ๊ ว้วน.#ฮาบากุก 3:19
35นิ่น หฌาว เยีย#22:35 ฮิบลู หว่า ก๊อง เยีย เญย ปั์ว. โหะ หลิ่น เบ๊าะ จ๋า,
เยีย เญย ปั์ว หธีง ต้าย ไฮ่ แปง ต้ง ซิ จวัง-หฒิน.
36เม่ย ปุน เม่ย เญย เหฌียว เอน เหว่ย โหฒว เยีย เญย ท้อง-ป้าย.
ฒัด กั้น เหฌี่ย#22:36 ฒัด กั้น เหฌี่ย ไฟ เฮญี้ยว ส่วน ไฟ เถง เยีย. ปุน เยีย ตุ๊ โหฒว โฮล.
37เม่ย ปุน เยีย เญย เหฒา ธ้าย เญย ต๋อง จั๊ง,
เยีย เญย เหฒา ฯฒฯ ไม้ พยัด.
38“เยีย หฒุ่น เยีย เญย วิน-วั้ง หย่า เหมียด นิ่น บัว.
เยีย ไม้ ต๋าว ซิน หฑวน เถา นิ่น บัว หฒุ ป่าย เหฑ่ง.
39เยีย ป่าย เหฑ่ง นิ่น บัว, เบ๊าะ นิ่น บัว
เถา นิ่น บัว ไม้ ไฮ่ เจี์ย ซิน.
นิ่น บัว คีง เหฌี่ย เยีย เญย เหฒา-เฮลน.
40เหว่ย หฒุ เม่ย ปุน เยีย ม่าย ชะ เบ๊าะ จ๋า,
ต้าย เบ๊าะ เยีย วั้ว เต๋ย, เม่ย ปุน หฒุ เยียม เยีย เญย ปั์ว-เดี๊ย.
41เม่ย หย่า ปุน เยีย เญย วิน-วั้ง ฮวิน ฆาง เปย๋า.
เยีย หย่า ตุ๊ เหมียด เหฑ่ง ฑอง เยีย วั้ว เต๋ย.
42นิ่น บัว หมั่ง มป่า ไม้ ม่าย หาย เต้า เหฌียว นิ่น บัว.
นิ่น บัว เห่ว เฒี้ยว, มป่า นิ่น ไม้ เตา นิ่น บัว.
43เยีย เบ๊าะ นิ่น บัว หม่วน ฮนั้ง เดา-เป้ย เญย เนีย-บูง,
เยีย ธ้าย นิ่น บัว หย่า ดั่ม นิ่น บัว ฮนั้ง เจ๊า หฒั่ง เญย ววม-ปั่ม ด้อง นอ.
44“เม่ย เหฌียว เยีย เปย๋า ดุ๊ด, ไม้ หฒุ แปะ ฝีง แหง่ง เญย สี่.
เม่ย เปว เจี๊ยน เยีย โหฒว หม่าน กั๊วะ เญย เปย๊ย เฒ้ย.
ต้ง ฒิ่น ด่าง เยีย ไม้ ฮิ้ว เญย แปะ ฝีง ฟู-สู เยีย.
45นิ่น บัว เยี้ยด หมวัง ไฮ์ เยีย เญย เม่ง เต้า นิ่น บัว หมวัง เยีย,
จั๋น กั้ม เหฑีย เจี๊ยน เญย ต้าย บ๊าบ เหฌี่ย เยีย เญย หฑะเฮมียน.
46จั๋น เฮญี้ยว เมา เหฑ่ง,
ซิน หฒิน ญั่นๆ เญย ธ้วด นิ่น บัว เว่ย ว้วน เญย ต๋อง.
47“เฒี้ยว เฒี่ยง เจี๊ยน. อ๋อย หฒุ เธง เปว เยีย เญย หละเปย๊ย.
อ๋อย หฒุ ท่าย เยีย เญย ทิน-ฮู่ง, ต้ง เยีย เญย เหฌียว เอน เญย หละเปย๊ย.
48เซ น้าย เต้า ทิน-ฮู่ง เถง เยีย จ๊าว วิน,
หย่า ปุน หม่าน ฝีง หฒุ เยียม เยีย เญย ปั์ว-เดี๊ย.
49นิ่น ต้อ เยีย เปย๋า ดุ๊ด เยีย เญย วิน-วั้ง,
หย่า โป้ว เยีย ฝาว เก้า ฮลัง เจี๋ย เยีย เญย วิน-จา.
เม่ย เหฌียว เยีย เปย๋า ดุ๊ด เมี่ยน โตะ เมี่ยน.
50โอ เฒี้ยว อ่า, เหว่ย น้าย เยีย ฯฒฯ เยียม หม่าน กั๊วะ เมี่ยน บุด๋ง เธง เม่ย,
หย่า ป๋าว ฑูง เธง เม่ย เญย เม่ง.#สีง ฑูง 18:49; โลมา 15:9
51นิ่น เหธย โฮล ไห่ เญย เหฌียว เอน ปุน นิ่น เญย ฮู่ง เตี๋ย,
หย่า ปุน ธีง นิ่น เหฒียบ ฒัวะ เญย ฮนั้ม นิ่น หล่ง โย่ว ออน ต้าย วั้ว เต้า,
เซ ปุน ดาวิด เหธา นิ่น เญย โฮ์ ต่อย เถา เหยียด ลิ์ว.”
Currently Selected:
2 ซามูเอน 22: IuMiTH
Highlight
Share
Copy
Want to have your highlights saved across all your devices? Sign up or sign in
Mien Bible (Thai Script) © Thailand Bible Society, 2007