2 ซามูเอน 21
21
กิเบโอน เมี่ยน ตุ๊ จ๊าว วิน
1ดาวิด โหฒว ฮู่ง กุ๊น เญย เฒี่ยง โห่ ปวั้ง หฒุ ลิ่น เจี๊ยน ปัว หฮญัง เญย ต้ม หง่อ. ดาวิด ฯฒฯ มี่ง เยียม เฒี้ยว เญย หฑะเฮมียน หน่าย เฒี้ยว. เฒี้ยว ก๊อง, “เซ หลาย เซาโล ไต๋ กิเบโอน เมี่ยน หธีง ม่าย ไต๋ เมี่ยน ไต่ เญย ฑย้าม กั๊วะ เจี๊ยน เซาโล เหธา นิ่น เญย โต้ว ฒง.”
2ฮู่ง เตี๋ย ฯฒฯ เห่ว กิเบโอน เมี่ยน ต้าย. (กิเบโอน เมี่ยน เซ ไม้ เฒ์ย อิสะลาเอน เมี่ยน. นิ่น บัว เซ เหฒ่ง เหฌี่ย เญย อาโมไล เมี่ยน. อิสะลาเอน เมี่ยน เหธา นิ่น บัว แล์ง แหง่ง หว่า เลี่ยว นิ่น บัว เญย แหม่ง,#โยซูวา 9:3-15 มป่า เซาโล ล์อ เจ๊า ไต๋ นิ่น บัว เหว่ย หฒุ นิ่น จอม เฮญี้ยว อ๋อย เถง อิสะลาเอน เหธา ยูดา เมี่ยน.) 3ดาวิด หน่าย กิเบโอน เมี่ยน, “เยีย อ๋อย หฒุ เหว่ย เม่ย บัว โหฒว หาย หญู่ง? เยีย อ๋อย หฒุ ฮนั้ง หาย นอ โหฒว หธีง ฟิ ตุ๊ เหฑ่ง ฒุ์ย เหว่ย ปุน เม่ย บัว ปวัง หว่า ปุน เฒี้ยว หฑิบ เญย ป่วน?”
4กิเบโอน เมี่ยน เตา ฮู่ง เตี๋ย, “เยีย บัว เหธา เซาโล เหธา นิ่น เญย โต้ว ฒง เญย สี่ ไม้ ไฮ่ หล่ง เจียม ญ่าน เบ่น ซูง. เยีย บัว หย่า ไม้ ม่าย เล์ย ไต๋ หาย เต้า อิสะลาเอน เมี่ยน ไต่.”
ดาวิด ก๊อง, “เม่ย บัว อ๋อย เยีย เหว่ย เม่ย บัว โหฒว หาย หญู่ง?”
5นิ่น บัว ก๊อง บั๋ว ฮู่ง เตี๋ย, “ฒิ่น ด่าง เซาโล ต๊า หฒะเอ๋ย ห่อย เยีย บัว, อ๋อย เหมียด เหฑ่ง เยีย บัว, ไม้ เลี่ยว เยีย บัว ตุ๊ เยียม อิสะลาเอน เต่ย-ปูง เญย หาย นอม ต๋อง. 6โท้ เฒาะ เสี่ย เต้า นิ่น เญย เฒ้ย-ฟุน, ต้ง มจั่ง ตอน วั้ว เต๋ย, ปุน เยีย บัว เยียม เฒี้ยว เญย หฑะเฮมียน, ต้ง เฒี้ยว กิ๊น ต้าย วั้ว เต้า เซาโล เญย ป๊วน-เต่ย มู้ง, กิเบอา, ดิ๋ว นิ่น บัว ไต่.”
ฮู่ง เตี๋ย ก๊อง, “เยีย ฒู้ง เฒาะ นิ่น บัว ต้าย จิว ปุน เม่ย บัว.”
7มป่า ดาวิด เลี่ยว เซาโล เญย ฟุน, โยนาทาน เญย ตอน, เมฟีโบเซ้ด, เหว่ย หฒุ ดาวิด เหธา เซาโล เญย ตอน, โยนาทาน, แล์ง เจี๋ย แหง่ง หว่า.#1 ซามูเอน 20:15-17; 2 ซามูเอน 9:1-7 8นิ่น เฒาะ ไออา เญย เซียะ, ลิดปา, ยู์ง ปุน เซาโล เญย อี เต้า ตอน, อานโมนี เหธา เมฟีโบเซ้ด. นิ่น แอ๋ง เฒาะ เซาโล เญย เซียะ, เมล้าบ, ยู์ง ปุน เมโหลา เมี่ยน, บาซินไล เญย ตอน, อาดลีเอน, เญย ปยา เต้า ตอน.#1 ซามูเอน 18:19 9ดาวิด จิว ปุน กิเบโอน เมี่ยน. กิเบโอน เมี่ยน ฯฒฯ เยียม นอม บง กู้ หงว่าย, เยียม เฒี้ยว เญย หฑะเฮมียน ดิ๋ว นิ่น บัว เสี่ย เต้า ไต่. น้าย เต๋ย เสี่ย เต้า ฯฒฯ เหยียด เหฌี่ย ไต่. นิ่น บัว หฒุ ไต๋ ไต่ เญย เฒี่ยง โห่ เซ ต๋อย หฒุ ก๊าด เบย้า เญย ฮนอย-เหญียะ, เซ เจี์ย กอน ก๊าด เบย้า บาลี เญย เฒี่ยง โห่.
10ไออา เญย เซียะ, ลิดปา, หล่ง ล่าม่า เดีย-โธว ธอง#21:10 ธอง ไฟ ติ่ม. หละเปย๊ย-ฒอง กู้ หงว่าย. เยียม เจี์ย กอน ก๊าด เบย้า เญย เฒี่ยง โห่ เถา ลู่ง ตุ้ย บยู่ง, ลู่ง ฮนอย หฒั่น นิ่น ไม้ ปุน ด๊าม-ลู่ง เญย เหนาะ ต้าย หฑบ นิ่น บัว เญย เซย, ลู่ง ม์วน หฒั่น หย่า ไม้ ปุน หล่ม-ฮวาง เญย เฮยี่ย ฒ่อย ต้าย นิด ฟัด. 11ม่าย เมี่ยน บั๋ว ดาวิด, เซาโล เญย จ๊า-เฒ่ย เอ๊า, ไออา เญย เซียะ, ลิดปา, ฮนั้ง หาย นอ โหฒว. 12ดาวิด ฯฒฯ มี่ง ยาเบดกิเลอาด เฒาะ เซาโล เหธา นิ่น เญย ตอน, โยนาทาน เญย บู๊ง หฑวน ต้าย. (ฒิ่น ด่าง ฟีลิสะเตีย เมี่ยน เยียม กินโบอา ไต๋ เซาโล บัว, แอ๋ง ต้อ นิ่น บัว เญย เซย มี่ง ดิ๋ว เจี๊ยน เยียม เบดซาน เญย ต้ม หฒวัง หฒ่าม. ยาเบดกิเลอาด เญย เมี่ยน มี่ง หนิ่ม นิ่น บัว ต้าย.)#1 ซามูเอน 31:8-13 13ดาวิด ต้อ เซาโล เหธา นิ่น เญย ตอน, โยนาทาน, เญย บู๊ง หฑวน ต้าย แอ๋ง เซียว ฒุ้น หฒุ ดิ๋ว ไต่ วั้ว เต๋ย เสี่ย เต้า เญย บู๊ง.
14นิ่น บัว หฒัง เซาโล เหธา นิ่น เญย ตอน, โยนาทาน, เญย บู๊ง เยียม เซาโล เญย เตีย, คี้ด, เญย โฒ้ว, เบนยามิน เต่ย, เฒเอลา วั้ว. หฒวัง เมี่ยน ฯฒฯ หฒิว ฮู่ง เตี๋ย พ้าย เญย หว่า โหฒว เหฒียง เหฑ่ง. ฆะฮ้า ทิน-ฮู่ง หมวัง เหว่ย วั้ว นอม เต่ย-ปูง โจ้ว เญย หว่า.
เหธา ฟีลิสะเตีย เมี่ยน เบ๊าะ จ๋า
(เป๊ย หมั่ง 1 ฒุ่น ต่อย โต้ว 20:4-8)
15ฟีลิสะเตีย เมี่ยน แอ๋ง ต้าย เหธา อิสะลาเอน เมี่ยน เบ๊าะ จ๋า. ดาวิด เหธา นิ่น เญย จุน-แปง เหฌี่ย มี่ง เบ๊าะ ฟีลิสะเตีย เมี่ยน. เบ๊าะ เกา จ๋า, ดาวิด ไฮ์ โค้ว ไห่. 16ม่าย เต้า เฒี่ยง ตุ๊ โฮล ฮลัง เญย เมี่ยน#21:16 เซ ลาฟา เมี่ยน. เญย เฒ้ย-ฟุน, บั๋ว เห่ว อิดบีเบโน้บ. นิ่น ม่าย ต้ง ซิ ธัง, เฮนี้ย-ต้าว อี จ้อย เธี้ยด ลู์ง.#21:16 ฮิบลู หว่า ก๊อง 300 เซเขน. เซ เล่ย ไม้ โก 3.5 กีโล. นิ่น แอ๋ง ไซ เจี๊ยน เซียง-หฑุ ด๊าว. นิ่น ฮนั้ม อ๋อย ไต๋ ดาวิด. 17มป่า เสลุยา เญย ตอน, อาบีไช, ต้าย เถง ดาวิด. นิ่น เบ๊าะ วั้ว เต้า ฟีลิสะเตีย เมี่ยน แอ๋ง ไต๋ นิ่น อ๊ะ. ฆะฮ้า กัน ดาวิด เญย เมี่ยน โฮ้ว เจี๊ยน ก๊อง, “ยั่ง น้าย มี่ง เยีย บัว ไม้ ปุน เม่ย ธ้วด มี่ง เหธา เยีย บัว เบ๊าะ จ๋า. เหฑีย อิสะลาเอน เมี่ยน เญย ฮู่ง โต้ว ไฮ่ หฒุด.”#21:17 ฟาน หฒะ ฮิบลู หว่า ก๊อง “เหว่ย ไม้ ปุน อิสะลาเอน เมี่ยน เญย ตัง ไต่”.#1 ฮู่ง โต้ว 11:36; สีง ฑูง 132:17
18โฮ์ ต้าย อิสะลาเอน เมี่ยน แอ๋ง เหธา ฟีลิสะเตีย เมี่ยน เบ๊าะ จ๋า เยียม โกบ. วั้ว หฑุ่น หุซา เมี่ยน, สิบเบไค, ไต๋ เต้า น้าย เต๋ย โฮล ฮลัง เมี่ยน เญย เฒ้ย-ฟุน, บั๋ว เห่ว สับเป.
19เยียม โกบ แอ๋ง ม่าย เหธา ฟีลิสะเตีย เมี่ยน เบ๊าะ หฑุ่น จ๋า. เบดเลเฮม เมี่ยน, ยาอาเลโอเลกิม, เญย ตอน, เอนฮานัน, ไต๋ กัด เมี่ยน, โกลิอัด,#21:19 1 ฒุ่น ต่อย โต้ว 20:5 ก๊อง “เอนฮานัน ไต๋ โกลิอัด เญย โย์ว, ลามี”. น้าย เต้า เมี่ยน เญย ธัง-แป๋ง ล่ม เหฑ่น สุย ดั๊ด เดีย เญย ปย๊า โฮล.
20ฆะฮ้า เยียม กัด แอ๋ง ม่าย หฑุ่น เบ๊าะ จ๋า. เยียม วั้ว นอม ต๋อง ม่าย เต้า เมี่ยน เฒี่ยง ตุ๊ โฮล ฮลัง เญย. นิ่น เญย ปั์ว เหยียด เจี๊ยะ ม่าย จุ๊ นอม ปั์ว-โด๊ะ. นิ่น เญย เหฒา เหยียด เจี๊ยะ หย่า ม่าย จุ๊ นอม เหฒา-โด๊ะ. เหยียด ฒู้ง ม่าย หญี่ เหฒียบ เฝย นอม. นิ่น หย่า โหฒว โฮล ฮลัง วั้ว เต๋ย เมี่ยน เญย เฒ้ย-ฟุน.#1 ฒุ่น ต่อย โต้ว 20:6 21นิ่น โด๊ว อิสะลาเอน เมี่ยน เหธา นิ่น เบ๊าะ จ๋า. ดาวิด เญย ก๋อ, ซีเมฮา เญย ตอน, โยนาทาน, ฯฒฯ ไต๋ นิ่น อ๊ะ.
22น้าย เต๋ย เปยย เต้า เซ เยียม กัด ฒี่ง โฮล ฮลัง เมี่ยน เญย เฒ้ย-ฟุน. นิ่น บัว หฒุ ดาวิด เหธา นิ่น เญย เจียน เญย ปั์ว ไต๋ เหฑ่ง.
Currently Selected:
2 ซามูเอน 21: IuMiTH
Highlight
Share
Copy
![None](/_next/image?url=https%3A%2F%2Fimageproxy.youversionapi.com%2F58%2Fhttps%3A%2F%2Fweb-assets.youversion.com%2Fapp-icons%2Fen.png&w=128&q=75)
Want to have your highlights saved across all your devices? Sign up or sign in
Mien Bible (Thai Script) © Thailand Bible Society, 2007