2 ซามูเอน 20
20
เชบา แหง่ง ดาวิด ฮู่ง
1เยียม วั้ว ม่าย เต้า ธัวะ สี่ เญย เมี่ยน, เซ เบนยามิน เมี่ยน, บีกลี เญย ตอน, เชบา. นิ่น ปย๊ม จอง เห่ว เจี๊ยน ก๊อง,
“เยีย บัว เหธา ดาวิด ไม้ ม่าย เยีย บัว เญย ป่วน.
เยียม เจียดซี เญย ตอน หย่า ไม้ ม่าย เยีย บัว หฑิบ เญย ป่วน.
โอ อิสะลาเอน เมี่ยน อ่า, เก๊าะ-เมี่ยน หฑวน เก๊าะ-เมี่ยน เญย เปย๊า ม่าะ!”#1 ฮู่ง โต้ว 12:16; 2 ฒุ่น ต่อย โต้ว 10:16
2อิสะลาเอน เญย หฒวัง เมี่ยน ฯฒฯ กวั่ง ดาวิด มี่ง กัน บีกลี เญย ตอน, เชบา. มป่า ยูดา เมี่ยน เหฒียบ ฒัวะ เญย กัน ดาวิด, เยียม จอแดน ด้าย มี่ง เถา เยลูซาเลม.
3ดาวิด หฑวน เถา เยลูซาเลม, นิ่น กั้น เญย ฮู่ง ติ่น วั้ว. ต้ง นิ่น ฒิ่น ด่าง กวั่ง เจี๊ยน โก๋ว ฮู่ง ติ่น วั้ว เต๋ย เหฒียบ เต้า จ๊า-เฒ่ย เอ๊า,#2 ซามูเอน 16:22 นิ่น ปุน นิ่น บัว กั้น เยียม นอม เปย๊า หย่า ปุน เมี่ยน ฒั้ว เจี๊ยน. นิ่น ปุน นิ่น บัว เฉียม หล่ง เญย กะน้าย มป่า ไม้ เหธา นิ่น บัว เปว๋ย. นิ่น บัว เหยียด เสย หฒุ หววน เจี๊ยน ฯฒฯ เยียม ฮนั้ง เอ๊า-กว๊า นอ.
4ดาวิด ก๊อง บั๋ว อามาสา, “มี่ง เห่ว ยูดา เมี่ยน ปัว ฮนอย กะญั์ว ต้าย กั๊บ ฒุ้น เยียม น้าย. เม่ย กั้น หย่า เหธา เจี๊ยน ต้าย.” 5อามาสา ฯฒฯ มี่ง เห่ว ยูดา เมี่ยน, มป่า นิ่น ไฒ่ เจี๋ย ด่าง ฮู่ง เตี๋ย ตี่ง ต้าย เญย ฮนอย-เหญียะ.
6ดาวิด ก๊อง บั๋ว อาบีไช, “อี้ หฒั่น บีกลี เญย ตอน, เชบา, อ๋อย ห่อย เยีย บัว เก้า ธั้ม อับซาโลม ห่อย. ต้อ เม่ย เญย เฒี้ยว เญย โปว มี่ง หฒุ่น นิ่น. เหฑีย นิ่น ไฮ่ ล์อ ตุ๊ เว่ย ว้วน เญย ฒี่ง ฯฒฯ เปย๋า ดุ๊ด เยีย บัว.” 7โยอาบ เหธา นิ่น เญย เมี่ยน, เหธา เคเลที เมี่ยน เหธา เพเล้ด เมี่ยน เหธา เฮ้น ไห่ เญย จุน-แปง กัน เจี๊ยน อาบีไช เยียม เยลูซาเลม ธ้วด มี่ง หฒุ่น บีกลี เญย ตอน, เชบา.
8นิ่น บัว เถา กิเบโอน เญย ต้ม หละเปย๊ย วั้ว, อามาสา ต้าย ปวั้ง นิ่น บัว. วั้ว หฒั่น โยอาบ ฒุ เจี๊ยน เบ๊าะ จ๋า เญย ลุย-โหว. นิ่น ไซ เจี๊ยน โหว-ฮลาง, หฑุ ด๊าว ทับ เจี๊ยน ไพ้ ธิบ เจี๊ยน โหว-ฮลาง. โยอาบ ยั่ง เจ๊า วั้ว หฒั่น หฑุ เยียม ไพ้ ธ้วด ด๊อด เดา.
9โยอาบ ก๊อง บั๋ว อามาสา, “เยีย เญย ก๋อ อ่า, เม่ย หลง เญย ซ่าะ?” โยอาบ ฯฒฯ หล่ง นิ่น เญย บย่าว เจี๊ยะ ปั์ว นั้น อามาสา เญย ซยาม อ๋อย ฒม นิ่น. 10อามาสา ไม้ จั๋ง หมั่ง โยอาบ เญย ปั์ว นั้น เญย หฑุ ด๊าว. โยอาบ ฑบ อามาสา เญย กะเซีย, จ้าง แป๊ด ธ้วด เหฌี่ย เดา. ฒู้ง ไม้ หฒุ ฑบ ตะเหญ่ย หฑุ่น. อามาสา ไต่ หมี่ อ๊ะ. โยอาบ เหธา นิ่น เญย โย์ว, อาบีไช ฯฒฯ หฒุ่น เจี๊ยน บีกลี เญย ตอน, เชบา.
11ม่าย เหยียด เต้า โยอาบ เญย เมี่ยน โซ้ว เจี๊ยน อามาสา เญย เซย กะเฮลน ก๊อง, “หาย เต้า อะเฮน้ย โยอาบ เหธา หาย เต้า เปียะ ดาวิด, อ๋อย หฒุ กัน โยอาบ มี่ง อ๊ะ.” 12อามาสา เญย เซย เยียม ต้ม เจ๊า เปว๋ย เจี๊ยน ฑย้าม-ด้อง กะญั์ว. หาย เต้า เจี๋ย เจ๊า ปวัด ฯฒฯ โซ้ว เจี๊ยน วั้ว. วั้ว เต้า เมี่ยน ปวัด เมี่ยน ฮนั้ง น้าย นอ ตี้ง, นิ่น ฯฒฯ ทอ เซย มี่ง กวั่ง วั้ว หล่ม-ฮวาง, หล่ง ลุย ก๊ม เจี๊ยน. 13เฒาะ ฆอย เซย, ฆะฮ้า หฒวัง เมี่ยน กัน เจี๊ยน โยอาบ มี่ง หฒุ่น บีกลี เญย ตอน, เชบา.
14เชบา เจี๋ย ฝีงๆ อิสะลาเอน เมี่ยน เญย ต๋อง, นิ่น มี่ง เถา อาเบนเบดมาอะคา#20:14 ไฟ “เถา อาเบน, เลี่ยม เถา เบดมาอาคา”. หย่า มี่ง ก๋อม เบเลยา เมี่ยน#20:14 ม่าย เต๋ย โซว ก๊อง บีกลี เญย เต่ย. เบเลยา เมี่ยน กั๊บ ฒุ้น ต้าย กัน เชบา มี่ง. 15โยอาบ เหธา นิ่น เญย จุน-แปง ฯฒฯ ต้าย เว่ย เจี๊ยน อ๋อย เบ๊าะ อาเบนเบดมาอะคา, ต้ง เชบา เยียม เญย ฒี่ง. นิ่น บัว เยียม ฒี่ง กะเหญี่ย ติ้น เนีย ฝาว ฒี่ง หลาด กะเฮลน แอ๋ง หล่ง เบ๊าะ จ๋า เญย จา-สี่ ฒง ฒี่ง หลาด, อ๋อย ฒง เถา บาง. 16ม่าย เต้า เยียม ฒี่ง ม่าย ธง-เม่ง เญย มเซียะ ตอน เห่ว เจี๊ยน ก๊อง, “หมวัง ม่าะ! หมวัง ม่าะ! โท้ ปุน โยอาบ ต้าย น้าย. เยีย อ๋อย เหธา นิ่น ก๊อง หว่า.”
17โยอาบ ฯฒฯ มี่ง ฟัด. วั้ว เต้า มเซียะ ตอน หน่าย, “เม่ย เซ โยอาบ ซ่าะ?”
โยอาบ เตา, “เฒ์ย เญย.”
วั้ว เต้า มเซียะ ตอน ก๊อง, “โท้ หมวัง เม่ย เญย มเซียะ โปว เญย หว่า.”
18โยอาบ ก๊อง, “เยีย หมวัง เญย.”
วั้ว เต้า มเซียะ ตอน ก๊อง, “โล์-ฮนอย เมี่ยน ม่าย โจ๋ว หว่า ก๊อง, ‘อ๋อย ฮิ้ว หาย หญู่ง อ๋อย หฒุ มี่ง อาเบน หน่าย.’ นิ่น บัว ฯฒฯ ไฮ่ ธ่าง ล่าง ตุ๊ หอบ เญย. 19เยีย บัว น้าย นอม ฒี่ง เญย เมี่ยน#20:19 ม่าย เต๋ย โซว ขูง ก๊อง เยีย เซ... เซ ฮนั้ม แป้ง ออน เหธา เหฒียบ ฒัวะ เญย เจ๊า. เม่ย ต๊า หฒะเอ๋ย เหมียด นอม ฒี่ง, น้าย เซ เหยียด นอม เยียม อิสะลาเอน เญย ต้ม ฒี่ง.#20:19 ม่าย เต๋ย โซว ก๊อง ฒี่ง เญย มา. เม่ย เหว่ย หาย ติ่ว อ๋อย นะ เฒี้ยว เญย ป่วน?”
20โยอาบ เตา, “เยีย ไม้ ฮนั้ม เถา, หฒะเก้ง ไม้ ฮนั้ม เถา. เยีย ฒู้ง ไม้ เหมียด, ไม้ ป่าย หว่าย เม่ย บัว เญย ฒี่ง. 21น้าย ไม้ เฒ์ย เยีย บัว เญย หฒะเอ๋ย. มป่า ม่าย เต้า เอฟาอิม บง- ไอ๊ ต๋อง เญย เมี่ยน, เซ บีกลี เญย ตอน, เชบา. นิ่น ซูง ปั์ว แหง่ง ดาวิด ฮู่ง. สี ก๊อง เม่ย เฒาะ นิ่น ดุ เต้า เมี่ยน ปุน เยีย, เยีย ฯฒฯ เล่ย ฆอย น้าย นอม ฒี่ง อ๊ะ.”
วั้ว เต้า มเซียะ ตอน ก๊อง บั๋ว โยอาบ, “เยีย บัว เฒาะ น้าย เต้า เมี่ยน เญย มฆ้อง ฒอย ปุน เม่ย.”
22วั้ว เต้า มเซียะ ตอน หล่ง นิ่น เญย ธง-เม่ง มี่ง เหธา หฒวัง เมี่ยน ธ่าง ล่าง. นิ่น บัว ฯฒฯ ฮงะ บีกลี เญย ตอน, เชบา, เญย มฆ้อง ดุ๊ด แอ๋ง ฒอย ยั่ง ฒี่ง หลาด กู้ หงว่าย ปุน โยอาบ. โยอาบ ฯฒฯ ปย๊ม จอง. หฒวัง แปง ฯฒฯ หฑาน มี่ง, เก๊าะ-เมี่ยน หฑวน เก๊าะ-เมี่ยน เญย เปย๊า. โยอาบ หย่า หฑวน เยลูซาเลม, ฮู่ง เตี๋ย วั้ว.
ดาวิด เญย เจียน
(เป๊ย หมั่ง 2 ซามูเอน 8:15-18; 1 ฒุ่น ต่อย โต้ว 18:14-17)
23โยอาบ โหฒว อิสะลาเอน เญย หฒวัง จุน-แปง เญย ต้ม แปง-เปย๊ย. เยโฮยาดา เญย ตอน, เบไนยา กุ๊น เคเลที เหธา เพเล้ด เมี่ยน. 24อาโดนีลัม กุ๊น โหฒว กง โค้ว เญย เมี่ยน. อาหิลู้ด เญย ตอน, เยโฮซาฟัด, โหฒว เฟี้ย โซว-ตาน เญย เมี่ยน. 25เชวา โหฒว โซว-ปิ๊ว, สาโดก เหธา อาบียาทา โหฒว ไซ เมี่ยน. 26จาอี เมี่ยน, อิละ, หย่า โหฒว ดาวิด เญย ไซ เมี่ยน.
Currently Selected:
2 ซามูเอน 20: IuMiTH
Highlight
Share
Copy
Want to have your highlights saved across all your devices? Sign up or sign in
Mien Bible (Thai Script) © Thailand Bible Society, 2007
