MATEO 4

1Nang magkagayo'y inihatid ng Espiritu Santo si #Hanggang tal. 11; Mar. 1:12, 13; Luc. 4:1-13. Jesus sa ilang upang siya'y tuksuhin ng diablo.

2At nang siya'y makapagayunong #1 Hari 19:8. apat na pung araw at apat na pung gabi, sa wakas ay nagutom siya.

3At ang manunukso ay dumating at nagsabi sa kaniya, Kung ikaw ang Anak ng Dios, ay ipagutos mo na ang mga batong ito ay maging mga tinapay.

4Datapuwa't siya'y sumagot, at sinabi, #Deut. 8:3. Nasusulat, Hindi sa tinapay lamang mabubuhay ang tao, kundi sa bawa't salitang lumalabas sa bibig ng Dios.

5Nang magkagayo'y dinala siya ng diablo sa bayang banal; at inilagay siya sa taluktok ng templo,

6At sa kaniya'y sinabi, Kung ikaw ang Anak ng Dios, ay magpatihulog ka: sapagka't nasusulat,

# Awit 91:11, 12. Siya'y magbibilin sa kaniyang mga anghel tungkol sa iyo:

at, Aalalayan ka ng kanilang mga kamay,

Baka matisod ka ng iyong paa sa isang bato.

7Sinabi sa kaniya ni Jesus, Nasusulat din naman, #Deut. 6:16; Mat. 8:4. Huwag mong tutuksuhin ang Panginoon mong Dios.

8Muling dinala siya ng diablo sa isang bundok na lubhang mataas, at ipinamalas sa kaniya ang lahat ng mga kaharian sa sanglibutan, at ang kaluwalhatian nila;

9At sinabi niya sa kaniya, Lahat ng mga bagay na ito ay ibibigay ko sa iyo, kung ikaw ay magpapatirapa at sasambahin mo ako.

10Nang magkagayo'y sinabi sa kaniya ni Jesus, Humayo ka, Satanas: sapagka't nasusulat, #Deut. 6:13. Sa Panginoon mong Dios sasamba ka, at siya lamang ang iyong paglilingkuran.

11Nang magkagayo'y iniwan siya ng diablo; at narito, nagsidating ang mga #Mat. 26:53; Luc. 22:53; Heb. 1:14. anghel at siya'y pinaglingkuran.

12Nang marinig nga niya na si #Mar. 1:14; Luc. 3:20; Juan 3:24. Juan ay dinakip, #Luc. 4:14, 31; Juan 4:43. ay umuwi siya sa Galilea;

13At pagkaiwan sa #Mat. 2:23. Nazaret, ay naparoon siya at tumahan sa Capernaum, na nasa tabi ng dagat, sa mga hangganan ng Zabulon at Neftali:

14Upang maganap ang sinalita sa pamamagitan ng propeta Isaias na nagsasabi,

15Ang lupa ni Zabulon #Is. 9:1, 2. at ang lupa ni Neftali,

Sa gawing dagat, sa dako pa roon ng Jordan,

Galilea ng mga Gentil,

16Ang bayang nalulugmok sa kadiliman, ay

Nakakita ng dakilang ilaw,

At sa nangalulugmok sa pook at lilim ng kamatayan, ay

Lumiwanag sa kanila ang ilaw.

17Mula noon ay nagpasimulang mangaral si Jesus, at magsabi, Mangagsisi kayo; sapagka't malapit na ang kaharian ng langit.

18At sa paglalakad niya sa tabi ng dagat ng Galilea; ay #Mar. 1:16-20; Luc. 5:2-11; Juan 1:40-42. nakita niya ang dalawang magkapatid, si Simon na tinatawag na Pedro, at si Andres na kaniyang kapatid, na inihuhulog ang isang lambat sa dagat; sapagka't sila'y mga mamamalakaya.

19At sinabi niya sa kanila, Magsisunod kayo sa hulihan ko, at gagawin ko kayong mga mamamalakaya ng mga tao.

20At pagdaka'y iniwan nila ang mga lambat, at nagsisunod sa kaniya.

21At paglakad sa dako roon ay nakita niya ang dalawa pang magkapatid, si Santiago na anak ni Zebedeo, at ang kaniyang kapatid na si Juan, sa daong na kasama si Zebedeo na kanilang ama, na nagsisipaghayuma ng kanilang mga lambat; at sila'y kaniyang tinawag.

22At pagdaka'y iniwan nila ang daong at ang kanilang ama, at nagsisunod sa kaniya.

23At nilibot ni Jesus ang buong Galilea, #Mat. 9:35; 13:54; Mar. 1:21, 39; Luc. 4:15, 44. na nagtuturo sa mga sinagoga nila, at ipinangangaral #Mat. 9:35; 24:14; Mar. 1:14. ang evangelio ng kaharian, #Mar. 1:34. at nagpapagaling ng lahat ng sarisaring sakit at ng lahat ng karamdaman na nasa mga tao.

24At lumaganap ang pagkabantog niya sa buong #Mar. 7:26. Siria: at kanilang dinadala sa kaniya ang lahat ng mga may karamdaman, at ang mga pinipighati ng sarisaring sakit at pahirap, at ang mga #Mat. 8:16, 28, 33; 9:32. inaalihan ng mga demonio, at ang mga #Mat. 17:15. himatayin, at ang mga lumpo: at sila'y pinagagaling niya.

25 # Mar. 1:45; 3:7; Luc. 6:17. At sinundan siya ng lubhang karamihang tao mula sa Galilea at #Mar. 5:20; 7:31. Decapolis at Jerusalem at Judea at mula sa dakong ibayo ng Jordan.

Currently Selected:

MATEO 4: ABTAG

Highlight

Copy