MATEO 5
5
1At pagkakita sa mga karamihan, ay umahon siya sa #Mar. 3:13. bundok: at pagkaupo niya, ay nagsilapit sa kaniya ang kaniyang mga alagad:
2At binuka niya ang kaniyang bibig at tinuruan sila, na sinasabi,
3 # Hanggang tal. 12; Luc. 6:20-23. Mapapalad ang mga #Awit 34:18. mapagpakumbabang-loob: #Mat. 11:5. sapagka't kanila ang kaharian ng langit.
4Mapapalad ang #Is. 57:18; 61:2, 3. nangahahapis: sapagka't sila'y aaliwin.
5Mapapalad ang maaamo: sapagka't #Awit 37:11. mamanahin nila ang lupa.
6Mapapalad ang nangagugutom at nangauuhaw sa katuwiran: sapagka't sila'y bubusugin.
7Mapapalad ang mga mahabagin: sapagka't sila'y kahahabagan.
8Mapapalad ang mga may #Awit 24:4; Gawa 12:14; 1 Juan 3:2, 3. malinis na puso: sapagka't makikita nila ang Dios.
9Mapapalad ang mga mapagpayapa: sapagka't sila'y tatawaging mga anak ng Dios.
10Mapapalad #Rom. 8:17; 2 Cor. 1:7; 4:17; 2 Tim. 2:12. ang mga pinaguusig dahil sa katuwiran: sapagka't kanila ang kaharian ng langit.
11Mapapalad kayo pagka kayo'y inaalimura, at kayo'y pinaguusig, at kayo'y pinagwiwikaan ng sarisaring masama na pawang kasinungalingan, dahil sa akin.
12Mangagalak kayo, at mangagsayang totoo: sapagka't malaki ang ganti sa inyo sa langit: sapagka't gayon din ang #2 Cron. 36:16; Mat. 23:34, 37; Luc. 13:33, 34. kanilang pagkausig sa mga propeta na nangauna sa inyo.
13Kayo ang asin ng lupa: #Mar. 9:50; Luc. 14:34, 35. nguni't kung ang asin ay tumabang, ay ano ang ipagpapaalat? wala nang ano pa mang kabuluhan, kundi upang itapon sa labas at yurakan ng mga tao.
14Kayo ang ilaw #Fil. 2:15. ng sanglibutan. Ang isang bayan na natatayo sa ibabaw ng isang bundok ay hindi maitatago.
15Hindi rin nga pinaniningasan ang isang ilawan, #Mar. 4:21; Luc. 8:16; 11:33. at inilalagay sa ilalim ng isang takalan, kundi sa talagang lalagyan ng ilaw; at lumiliwanag sa lahat ng nangasa bahay.
16Lumiwanag na gayon ang inyong ilaw sa harap ng mga tao; #1 Ped. 2:12. upang mangakita nila ang inyong mabubuting gawa, at #Juan 15:8. kanilang luwalhatiin ang inyong Ama na nasa langit.
17Huwag ninyong isiping #Rom. 3:31. ako'y naparito upang sirain ang kautusan o ang mga propeta: ako'y naparito hindi upang sirain, kundi upang ganapin.
18Sapagka't katotohanang sinasabi ko sa inyo, #Luc. 16:17. Hanggang sa mangawala ang langit at ang lupa, ang isang tuldok o isang kudlit, sa anomang paraan ay hindi mawawala sa kautusan, hanggang sa maganap ang lahat ng mga bagay.
19Kaya't ang #Sant. 2:10. sinomang sumuway sa isa sa kaliitliitang mga utos na ito, at ituro ang gayon sa mga tao, ay tatawaging kaliitliitan sa kaharian ng langit: datapuwa't ang sinomang gumanap at ituro, ito'y tatawaging dakila sa kaharian ng langit.
20Sapagka't sinasabi ko sa inyo, na kung hindi hihigit ang inyong katuwiran sa katuwiran ng mga eskriba at mga Fariseo, sa anomang paraan ay hindi kayo magsisipasok sa kaharian ng langit.
21Narinig ninyo na sinabi sa mga tao sa una, #Ex. 20:13. Huwag kang papatay; at ang sinomang pumatay ay mapapasa panganib sa kahatulan:
22Datapuwa't sinasabi ko sa inyo, na ang #1 Juan 3:15. bawa't mapoot sa kaniyang kapatid ay mapapasa panganib sa kahatulan; at ang sinomang magsabi sa kaniyang kapatid, Raca, ay mapapasa panganib sa #Mat. 10:17; 26:59. Sanedrin; at ang sinomang magsabi, Ulol ka, ay mapapasa panganib sa impierno ng apoy.
23Kaya't #Mat. 8:4. kung inihahandog mo ang iyong hain sa dambana, at doo'y maalaala mo na ang iyong kapatid ay mayroong anomang laban sa iyo,
24Iwan mo roon sa harap ng dambana ang hain mo, at yumaon ka ng iyong lakad, makipagkasundo ka muna sa iyong kapatid, at kung magkagayon ay magbalik ka at ihandog mo ang iyong hain.
25Makipagkasundo ka agad sa iyong kaalit, samantalang ikaw ay kasama niya sa daan; baka ibigay ka ng kaalit mo sa hukom, at ibigay ka ng hukom sa punong kawal, at ipasok ka sa bilangguan.
26Katotohanang sinasabi ko sa iyo, Hindi ka aalis doon sa anomang paraan, hanggang hindi mo mapagbayaran ang katapustapusang beles.
27Narinig ninyong sinabi, #Ex. 20:14. Huwag kang mangangalunya:
28Datapuwa't sinasabi ko sa inyo, na ang bawa't tumingin sa isang babae na taglay ang masamang hangad ay nagkakasala, na ng pangangalunya sa kaniyang puso.
29At #Mat. 18:9; Mar. 9:47. kung ang kanan mong mata ay nakapagpapatisod sa iyo, ay #Rom. 8:13; 1 Cor. 9:27; Col. 3:5. dukitin mo, at iyong itapon: sapagka't may mapapakinabang ka pa na mawala ang isa sa mga sangkap ng iyong katawan, at huwag ang buong katawan mo ay mabulid sa impierno.
30 #
Mat. 18:8; Mar. 9:43. At kung ang kanan mong kamay ay nakapagpapatisod sa iyo, ay putulin mo, at iyong itapon: sapagka't may mapapakinabang ka pa na mawala ang isa sa mga sangkap ng iyong katawan, at huwag ang buong katawan mo ay mapasa impierno.
31Sinabi rin naman, Ang #Deut. 24:1. sinomang lalake na ihiwalay na ang kaniyang asawa, ay bigyan niya siya ng kasulatan ng paghihiwalay:
32Datapuwa't sinasabi ko sa inyo, na #Mat. 19:9; Mar. 10:11, 12; Luc. 16:18. ang sinomang lalake na ihiwalay ang kaniyang asawa, liban na lamang kung sa pakikiapid ang dahil, ay siya ang sa kaniya'y nagbibigay kadahilanan ng pangangalunya: at ang sinomang magasawa sa kaniya kung naihiwalay na siya ay nagkakasala ng pangangalunya.
33Bukod sa rito'y inyong narinig na sinabi #tal. 21. sa mga tao sa una, #Lev. 19:12. Huwag kang manunumpa ng di katotohanan, kundi tutupdin mo sa Panginoon ang iyong mga sumpa:
34Datapuwa't sinasabi ko sa inyo, #Sant. 5:12. Huwag ninyong ipanumpa ang anoman; kahit ang langit, sapagka't siyang luklukan ng Dios;
35Kahit ang lupa, sapagka't #1 Cron. 28:2. siyang tungtungan ng kaniyang mga paa; kahit ang Jerusalem, sapagka't #Awit 48:2; 1 Cor. 6:7; 1 Tes. 5:15; 1 Ped. 3:9. siyang bayan ng dakilang Hari.
36Kahit man ang ulo mo ay huwag mong ipanumpa, sapagka't hindi ka makagagawa ng isang buhok na maputi o maitim.
37Datapuwa't ang magiging pananalita ninyo'y, Oo, oo; Hindi, hindi; sapagka't ang humigit pa rito ay buhat sa masama.
38Narinig ninyong sinabi, #Ex. 21:24; Lev. 24:20; Deut. 19:21. Mata sa mata, at ngipin sa ngipin:
39 #
Luc. 6:29, 39. Datapuwa't sinasabi ko sa inyo, #Rom. 12:17. Huwag kayong makilaban sa masamang tao: kundi sa sinomang sa iyo'y sumampal sa kanan mong pisngi, iharap mo naman sa kaniya ang kabila.
40At sa magibig na ikaw ay ipagsakdal, at kunin sa iyo ang iyong tunika, ay iwan mo rin naman sa kaniya ang iyong balabal.
41At sa sinomang pipilit sa iyo na ikaw ay lumakad ng isang milya, ay lumakad ka ng dalawang milya na kasama niya.
42Bigyan mo ang sa iyo'y humihingi, at huwag mong talikdan ang sa iyo'y nangungutang.
43Narinig ninyong sinabi, #Lev. 19:18. Iibigin mo ang iyong kapuwa, at #Deut. 23:6. kapopootan mo ang iyong kaaway:
44Datapuwa't sinasabi ko sa inyo, #Luc. 6:27, 28, 35; Rom. 12:14, 20. Ibigin ninyo ang inyong mga kaaway, at #Luc. 23:34; Gawa 7:60; 1 Ped. 2:23; 3:9. idalangin ninyo ang sa inyo'y nagsisiusig;
45Upang kayo'y maging mga anak ng inyong Ama na nasa langit: sapagka't pinasisikat niya ang kaniyang araw sa masasama at sa mabubuti, at nagpapaulan sa mga ganap at sa mga hindi ganap.
46Sapagka't kung kayo'y iibig #Luc. 6:32. sa nangagsisiibig lamang sa inyo, ano ang ganti na inyong kakamtin? hindi baga gayon din ang ginagawa #Mat. 18:17. ng mga maniningil ng buwis?
47At kung ang mga kapatid lamang ninyo ang inyong babatiin, ano ang kalabisan ng inyong ginagawa? hindi baga gayon din ang ginagawa ng mga Gentil?
48 #
Col. 1:28; Sant. 1:4; 3:2. Kayo nga'y mangagpakasakdal, na gaya ng inyong Ama sa kalangitan na sakdal.
Currently Selected:
MATEO 5: ABTAG
Highlight
Share
Copy
Want to have your highlights saved across all your devices? Sign up or sign in
Ang Biblia © Philippine Bible Society, 1982
