ISAIAS 63
63
Ang paghihiganti ng Panginoon sa mga bansa.
1Sino ito na nanggagaling sa Edom, na #Is. 34:6. may mga kasuutang tinina mula sa Bosra? itong maluwalhati sa kaniyang suot, na lumalakad sa di kawasang lakas? Ako na nagsasalita ng katuwiran, makapangyarihang magligtas.
2Bakit ka mapula sa #Apoc. 19:13. iyong kasuutan, at ang iyong damit ay gaya niyaong yumayapak sa alilisan ng alak?
3Aking niyapakang magisa ang alilisan ng alak; #Panag. 1:15; Apoc. 14:20; 16:15. at sa mga bayan ay walang isang sumasa akin: oo, aking niyapakan siya sa aking galit, at aking niyurakan sila sa aking kapusukan; at ang kanilang dugong buháy ay pumilansik sa aking mga suot, at natigmak ang buong suot ko.
4Sapagka't ang kaarawan #Is. 34:8. ng panghihiganti ay nasa aking puso, at ang taon ng #Is. 62:12. aking mga tinubos ay dumating.
5At ako'y lumingap, at #Awit 22:11; Juan 16:32. walang tumulong; at ako'y namangha na walang umalalay: #Is. 59:16. kaya't iniligtas ako ng aking sariling kamay; at ang aking kapusukan, ay umalalay sa akin.
6At aking niyapakan ang mga bayan sa aking galit, at nilango ko sila sa aking kapusukan, at ibinubo sa lupa ang kanilang dugong buhay.
Ang kagandahang-loob ng Panginoon noong una ay inalaala.
7Aking babanggitin ang mga kagandahang-loob ng Panginoon, at ang mga kapurihan ng Panginoon, ayon sa lahat na ipinagkaloob ng Panginoon sa amin, at ang malaking kabutihan na kaniyang ginawa sa sangbahayan ni Israel na kaniyang ginawa sa kanila ayon sa kaniyang mga kaawaan, at ayon sa karamihan ng kaniyang mga kagandahang-loob.
8Sapagka't kaniyang sinabi, Tunay, sila'y aking bayan, mga anak na hindi magsisigawang may kasinungalingan: sa gayo'y siya'y naging Tagapagligtas sa kanila.
9 #
Huk. 10:16; Zac. 2:8. Sa lahat nilang kadalamhatian ay nagdadalamhati siya, at iniligtas sila #Ex. 33:14; Gawa 7:38. ng anghel na nasa kaniyang harapan: sa kaniyang pagibig at sa kaniyang pagkaawa ay tinubos niya #Awit 74:2. sila; at kaniyang kinilik #Is. 46:3. sila at kinalong silang lahat noong araw.
10 #
Ex. 15:24; 23:21; Blg. 14:11. Nguni't sila'y nanganghimagsik, #Awit 78:40; Ef. 4:30. at namanglaw ang kaniyang banal na Espiritu: kaya't siya'y naging kaaway nila, at siya rin ang nakipaglaban sa kanila.
11 #
Awit 78:35. Nang magkagayo'y inalaala niya ang mga araw nang una, si Moises at ang kaniyang bayan, na sinasabi, Saan nandoon siya na nagahon #Ex. 14:30; 32:11, 12. sa kanila mula sa dagat, na kasama ng mga pastor ng kaniyang kawan? saan nandoon siya na kumakasi ng kaniyang banal na Espiritu sa kanila?
12Na inaakbayan ng kaniyang maluwalhating bisig ang kanang kamay ni Moises? #Ex. 14:21. na humawi ng tubig sa harap nila, upang gawan ang kaniyang sarili ng walang hanggang pangalan?
13Na pumatnubay sa kanila sa mga kalaliman, na parang isang kabayo sa ilang, upang sila'y huwag mangatisod?
14Kung paanong ang kawan na bumababa sa libis, ay pinapagpapahinga ng Espiritu ng Panginoon: gayon mo pinatnubayan ang iyong bayan, upang gawan mo ang iyong sarili ng maluwalhating pangalan.
15Tumungo ka mula sa langit, at tumingin ka, #Awit 33:14. mula sa tahanan ng iyong kabanalan at ng iyong kaluwalhatian: saan nandoon ang iyong sikap at ang iyong mga makapangyarihang gawa? #Jer. 31:20; Os. 11:8. ang iyong pagmamagandang-loob at ang iyong mga habag ay iniurong mo sa akin.
16Sapagka't ikaw #Deut. 32:6; 1 Cron. 29:10; Is. 64:8. ay aming Ama, bagaman hindi kami kinilala ni Abraham, at hindi kami kilala ng Israel: ikaw, Oh Panginoon, ay aming Ama, aming Manunubos na mula sa walang pasimula ay siya mong pangalan.
17Oh Panginoon; bakit mo #Awit 119:10. kami iniligaw na inihiwalay sa iyong mga daan, at #Is. 6:10; Juan 12:40. pinapagmatigas mo ang aming puso na inihiwalay sa takot sa iyo? #Blg. 10:36; Awit 90:13. Ikaw ay magbalik dahil sa iyong mga lingkod, na mga lipi ng iyong mana.
18Inaring sangdali lamang #Deut. 7:6; Is. 62:12. ng iyong banal na bayan: niyapakan ng aming mga kaaway ang iyong santuario.
19Kami ay naging gaya ng hindi mga pinagpunuan kailan man, gaya ng hindi nangatawag sa iyong pangalan.
Currently Selected:
ISAIAS 63: ABTAG
Highlight
Share
Copy
Want to have your highlights saved across all your devices? Sign up or sign in
Ang Biblia © Philippine Bible Society, 1982
