ISAIAS 62
62
Ang kaluwalhatian ng Sion at ang kaniyang bagong pangalan.
1Dahil sa Sion ay hindi ako tatahimik, at dahil sa Jerusalem ay hindi ako magpapahinga, hanggang sa ang #Kaw. 4:18. kaniyang katuwiran ay lumitaw na parang ningning, at ang kaniyang kaligtasan ay parang ilawan na nagniningas.
2 #
Awit 98:2. At makikita ng mga bansa ang iyong katuwiran, at #Is. 60:3. ng lahat na hari ang inyong kaluwalhatian; #Is. 65:15; Apoc. 2:17; 8:12. at ikaw ay tatawagin sa bagong pangalan, na ipangangalan ng bibig ng Panginoon.
3Ikaw naman ay magiging #Zac. 9:16. putong ng kagandahan sa kamay ng Panginoon, at diademang hari sa kamay ng iyong Dios.
4 #
Os. 1:10; 1 Ped. 2:10. Hindi ka na tatawagin pang #Is. 49:14; 60:15. Pinabayaan; hindi na rin tatawagin pa ang iyong lupain na Giba: kundi ikaw ay tatawaging Hephzi-bah, at ang iyong lupain ay Beulah: sapagka't ang Panginoon ay nalulugod sa iyo, at ang iyong lupain ay tatangkilikin.
5Sapagka't kung paanong ang binata ay nakikipagtipan sa dalaga, gayon nakikipagtipan ang iyong mga anak na lalake sa iyo; at kung paanong ang kasintahang lalake ay nagagalak sa kasintahang babae, gayon #Is. 65:19. magagalak ang Dios sa iyo.
6 #
Ezek. 3:17. Ako'y naglagay ng mga bantay sa iyong mga kuta, Oh Jerusalem; sila'y hindi magsisitahimik kailan man sa araw o sa gabi: kayong mga mapagalaala sa Panginoon, huwag kayong mangagpahinga,
7At huwag ninyong bigyan siya ng kapahingahan, hanggang sa siya'y matatag, at hanggang sa kaniyang gawing kapurihan#Is. 61:11; Zef. 3:20. sa lupa ang Jerusalem.
8Ang Panginoon ay sumumpa ng kaniyang kanang kamay, at ng bisig ng kaniyang kalakasan, Tunay na hindi na ako magbibigay#Deut. 28:31, 33. ng iyong trigo na pinakapagkain sa iyong mga kaaway; at ang mga taga ibang lupa ay hindi magsisiinom ng iyong alak, na iyong pinagpagalan.
9Kundi silang nangagimbak niyaon ay magsisikain niyaon, at magsisipuri sa Panginoon; at silang nangagtipon niyaon ay magsisiinom niyaon #Deut. 12:12. sa mga looban ng aking santuario.
10Kayo'y magsidaan, kayo'y magsidaan sa mga pintuang-bayan; #Is. 40:3; 57:14. inyong ihanda ang lansangan ng bayan; inyong patagin; inyong patagin ang maluwang na lansangan; inyong pulutin ang mga bato; #Is. 49:22. mangagtaas kayo ng watawat na ukol sa mga bayan.
11Narito, ang Panginoon ay nagtanyag hanggang sa wakas ng lupa, #Zac. 9:9. Inyong sabihin sa anak na babae ng Sion, #Is. 46:12. Narito, ang iyong kaligtasan ay dumarating; narito, ang #Is. 40:10. kaniyang kagantihan ay nasa kaniya, at ang kaniyang ganti ay nasa harap niya.
12At tatawagin nila sila #Is. 63:18. Ang banal na bayan, #Is. 35:9. Ang tinubos ng Panginoon: at ikaw ay tatawagin Hinanap, Bayang #tal. 4. hindi pinabayaan.
Currently Selected:
ISAIAS 62: ABTAG
Highlight
Share
Copy
Want to have your highlights saved across all your devices? Sign up or sign in
Ang Biblia © Philippine Bible Society, 1982
