Saray Salmo 6
6
Say Pikekerew na Tulong no Panaoy Gunigon#SAY TITULO ED TIKSTON HEBREO: Salmo nen David.
1 Katawan, ag mo ak pa pamapasnukan lapud petang na olom!
Ag mo ak pa dudusaen lapud pasnuk mo!
2Kasian mo ak pa, O Katawan, ta mapalaloy kakairapan ko!
Pabiskeg mo ak pa, ta makapkapoy ak la;
3tan ontan lay kagugunigon ko.
Kapigay itulong mod siak, Katawan?
4Singgeran mo ak pa, Katawan, tan ilaban mo ak;
iyagel mo ak pa, lapud ag mangoman a panangarom.
5Diad pasen a panaayaman da ray inaatey, ag ka la nanunotan;
anggapo lad may makapangidayew ed sika!
6Makapkapoy ak lad paneermen ko;
nilabi-labin nababasa so dokulan ko,
tan naleleteb na luak so danganan ko lapud panaakis ko.
7Ngalngalin ag ak la makanengneng;
linmalarag la ray matak diad panaakakis ko lapud amin da ray kalaban ko.
8Arawian yo ak, amin yon managgaway kaogsan:
Dedengelen ak na Katawan ed pannangnangis ko;
9tatalinengen to ak ed pikekerew koy tulong tan ebatan to ray pikakasik.
10Nabaingan ya amin iray kalaban ko tan mapalaloy kagunigon da;
diad biglan kagewgew da, napagit ira.
Currently Selected:
Saray Salmo 6: MBBPAN83
Highlight
Share
Copy
Want to have your highlights saved across all your devices? Sign up or sign in
Maung a Balita Biblia © Philippine Bible Society, 1983
