Saray Salmo 29
29
Say Bosis na Katawan ed Bagyo#SAY TITULO ED TIKSTON HEBREO: Salmo nen David.
1Idayew yoy Katawan, sikayo ran anghil na Dios;
idayew yoy kagalangan tan say pakayari to.
2Idayew yoy mapagalang a ngaray Katawan,
no ompanengneng#29:2 no ompanengneng; odino ya akasolung na saray kawes a para pangigalang; odino diad marakep a Timplo to. imay Masanto, dakmomo kayod arap to.
3Narerengel so bosis na Katawan diad tapew da ray dayat;
onkakarul so mapagalang a Dios,
et narerengel so bosis to ed saray danum.
4Narerengel so bosis na Katawan,
say bosis ton makapanyari tan napnoy kagalangan.
5Say bosis na Katawan popoteren to ray kiew a sidro,
anggan saray sidro ed Libano.
6Paluluksoen ton singa saray kilaw a baka iray kapalandeyan na Libano,
tan palologtuten ton singa kilaw a bakan kalakyan so Palandey a Hermon.
7Say bosis na Katawan so mamapakirmat.
8Say bosis na Katawan yeyegyegen toy kalawakan;
yeyegyegen to so kalawakay Cades.
9Say bosis na Katawan yuyugayogen to ray kiew a robli
tan papepelagen to ray bolung na kakiewan,
legan ya amin a totood Timplo to et oneeyag, “Nagalang so Dios!”
10Ooleyan na Katawan iray danudanum;
manari ya anggad angga.
11Pabibiskegen na Katawan iray totoo to,
tan bibindisionan to ra na kareenan.
Currently Selected:
Saray Salmo 29: MBBPAN83
Highlight
Share
Copy
Want to have your highlights saved across all your devices? Sign up or sign in
Maung a Balita Biblia © Philippine Bible Society, 1983
