Saray Salmo 17
17
Say Pikakasi na Toon Anggapoy Kasalanan#SAY TITULO ED TIKSTON HEBREO: Pikakasi nen David.
1 Katawan, dengel mo pay ikekerew koy katunongan;
imanom pay ikekerew ko na tulong!
Dengel mo pay pikakasik, ta ag ak mantitila.
2Pilaan mo ak diad pananintinsiam,
ta amtam so kaptekan.
3Sinokayan moy pusok.
Dinago mo ak ed labi;
sigput mo ak a sinubok,
et anggapoy arumog mod siak a maoges a pilalek.
Ag ak mansasalitay kaogsan 4a singa pansasalitay arum;
inonur koy ganggan mo, tan ag ak tinmombuk ed maruksan kagagawa.
5Nankukurang ak lawas ed dalan mo,
tan ag kon balut sinisianan.
6Mampipikasi ak ed sika, O Dios, ta eebatan mo ak;
lingaw ka pa sirin tan dengel mo ray salitak.
7Ipaamtam pay ag mangoman a panangarom tan ilaban mo ak;
ag ak nasigensigen na saray kalaban ko no wala ak ed diking mo.
8Iyagel mo ak pan singa panangyagel mod saray matam;
iyamut mo ak pad silong da ray payak mo,
9pian ag ak nadogpaan na saray totoon maoges.
Liliktuben ak na saray masebeg a kalaban ko;
10anggapoy panangasi ra tan mapasirayew iran mansasalita.
11Anggan iner so pigaran ko wadman ira;
tatalaranan day pankanawnawan pangitumba rad siak.
12Singa ra lion a mantatalaran ed siak,
tan pampilalekan dan nabingbingkas ak.
13Gala pa, Katawan, ta labanan mo ray kalaban ko tan talom ira!
Iyagel mo ak pad saray totoon maoges diad panamegley na ispadam;
14iyagel mo ak pad saray totoon walad sikaray amin a labay da diad sayan bilay.
Dusam pa ra diad panamegley na saray kairapan ya intaryam ed sikara;
nawalaan komun na dakerakel a kairapan iray anak da,
tan wala ni komuy nakeraan a para saray apo ra!
15Lapud matonung ak, nanengneng ta ka;
no ombangon ak, say kiwawalam papanoen to ak na gayaga.
Currently Selected:
Saray Salmo 17: MBBPAN83
Highlight
Share
Copy
Want to have your highlights saved across all your devices? Sign up or sign in
Maung a Balita Biblia © Philippine Bible Society, 1983
