TI CANTA NI SALOMON 3

Agsinnapulda ket agsaracda ti maysa ken maysa. Ti libut ti panagasawa.

1Iti rabii idiay #Isa. 26:9.iddac sinapulco ni ayayaten ti cararaac: isu sinapulco, ngem isu diac nasarac.

2Kinunac, Bumangonacto ita, ket sursurec ti ili; cadagiti lanlansangan ken cadagiti nawayang a daldalan sapulecto ni ayayaten ti cararuac: isu sinapulco, ngem isu diac nasarac.

3 # C. ni Sal. 5:7. Jer. 6:17. Dagiti agbantay nga agsursur iti ili nasaracandac; isuda a nagcunaac, Nakitayo ni ayayaten ti cararuac?

4Apaglabasac bassit laeng cadacuada, idi nasaracac ni ayayaten ti cararuac: isu tinengngelco, ket diac kinayat a pinalubosan, agingga iti isu naisangpetco iti balay ni inac, ken iti siled ti nangisicug caniac.

5 # C. ni Sal. 2:7. Pagsapataencayo, #C. ni Sal. 1:5.O annac a babbai ti Jerusalem, gapu cadagiti corzos, wenno gapu cadagiti ugsa ti away, a dicayo tignayen, wenno riingen ni ayayatec agingga iti pagayatanna.

6Asino #C. ni Sal. 8:5.daytoy sumang-at nga aggapu idiay let-ang a #Joel 2:30.cas cadagiti monmon ti asuc, a nabangbangloan iti mirra ken incienso, cadagiti amin a polvos ti agtagtagilaco?

7Adtoy, isu ti talabong ni Salomon; innem a pulo a tattao a mannacabalin ti manglicmut kencuana, cadagiti mannacabalin a lallaki ti Israel.

8Isuda amin agiggemda iti campilan, ken napadasda iti gubat; tunggal lalaki addaan iti campilan iti rabaw ti padingpadingna, gapu iti buteng iti rabii.

9Ni ari Salomon nagaramid ti maipaay kencuana met laeng iti maysa a talabong a cayo ti Libano.

10Isu inaramidna dagiti pirac nga adigina, ti unegna balitoc, ti tugawna purpura, ti tengngana naalfombraan iti ayat, a naggapu cadagiti #C. ni Sal. 1:5.annac a babbai ti Jerusalem.

11Rumuarcayo, O annac a babbai ti Zion, ket kitaenyo ni ari Salomon, a sibabalangat iti imbalangat kencuana ni inana #Isa. 62:5.idi aldaw dagiti panangasawana, ken idi aldaw ti kinaragsac ti pusona.

Currently Selected:

TI CANTA NI SALOMON 3: TB1973

Highlight

Copy